ಸಿರಿಧಾನ್ಯ, ಸಾವಯವ ಅಂತಾರಾಷ್ಟ್ರೀಯ ವಾಣಿಜ್ಯ ಮೇಳ-2025

ದಾವಣಗೆರೆ: ನಗರದ ಸಹಾಯಕ ಕೃಷಿ ನಿರ್ದೇಶಕ ಕಚೇರಿ ಆವರಣದಲ್ಲಿ ಸಿರಿಧಾನ್ಯ ಮತ್ತು ಸಾವಯವ ಅಂತರ ರಾಷ್ಟ್ರೀಯ ವಾಣಿಜ್ಯ ಮೇಳ- 2025 ಹಮ್ಮಿಕೊಳ್ಳಲಾಗಿತ್ತು. ಮೇಳದ ಪ್ರಯುಕ್ತ ಜಿಲ್ಲಾಮಟ್ಟದ ''''''''ಸಿರಿಧಾನ್ಯ ಹಾಗೂ ಮರೆತುಹೋದ ಖಾದ್ಯಗಳ ಪಾಕ ಸ್ಪರ್ಧೆ'''''''' ಸಹ ನಡೆಯಿತು. ವಿವಿಧ ಬಗೆಯ ತಿಂಡಿ-ತಿನಿಸುಗಳು ನೋಡುಗರ ಕಣ್ಮನ ಸೆಳೆದವು. ಮೇಳದಲ್ಲಿ ಭಾಗವಹಿಸಿದವರಿಗೆ ಖಾದ್ಯಗಳ ರುಚಿ ನೋಡುವ ಅವಕಾಶ ಇತ್ತು.

ಮರೆತುಹೋದ ಖಾದ್ಯದ ವಿಭಾಗದಲ್ಲಿ ಕುಂಬಳಕಾಯಿ ಕಡಬು, ಕುಂಬಳಕಾಯಿ ಗಾರ್ಗಿ, ಪಪ್ಪಾಯ ಉಪ್ಪಿನಕಾಯಿ, ಪೇರಲ ಹಲ್ವ, ಜೋಳದ ಅನ್ನ, ಶೆಂಡಿಗೆ ಹುಗ್ಗಿ, ಗೋದಿ ಕುದುರೆ, ಖಾದ್ಯಗಳು ನೋಡುಗರ ಬಾಯಲ್ಲಿ ನೀರೂರಿಸಿದವು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಜಿಲ್ಲಾಧಿಕಾರಿ ಜಿ.ಎಂ.ಗಂಗಾಧರ ಸ್ವಾಮಿ, ಜಿಲ್ಲಾಮಟ್ಟದಲ್ಲಿ ಸಿರಿಧಾನ್ಯ ಖಾದ್ಯ ತಯಾರಿಸುವ ತಯಾರಕರಿಗೆ ಮಾರುಕಟ್ಟೆ ಸೌಲಭ್ಯ ಕಲ್ಪಿಸಲು ಜಿಲ್ಲಾಮಟ್ಟದಲ್ಲಿ ಸಿರಿಧಾನ್ಯ ಖಾದ್ಯ ಮಳಿಗೆಯನ್ನು ಪ್ರಾರಂಭಿಸಲು ಯೋಚಿಸಲಾಗಿದೆ ಎಂದು ತಿಳಿಸಿದರು.

ಜಿಲ್ಲಾ ಕೃಷಿ ಇಲಾಖೆ ಜಂಟಿ ನಿರ್ದೇಶಕ ಶ್ರೀನಿವಾಸ ಚಿಂತಾಲ್, ಸಹಾಯಕ ಕೃಷಿ ಅಧಿಕಾರಿ ಶ್ರೀಧರಮೂರ್ತಿ, ತಾಲೂಕುಮಟ್ಟದ ಕೃಷಿ ಇಲಾಖೆ ಅಧಿಕಾರಿಗಳು ಭಾಗವಹಿಸಿದ್ದರು. ಪಾಕ ಸ್ಪರ್ಧೆಗಳಲ್ಲಿ ಬಹುಮಾನ ವಿಜೇತರು

ದಾವಣಗೆರೆ: ಸಿರಿಧಾನ್ಯ ಮತ್ತು ಸಾವಯವ ಅಂತರ ರಾಷ್ಟ್ರೀಯ ವಾಣಿಜ್ಯ ಮೇಳದ ಪ್ರಯುಕ್ತ ಜಿಲ್ಲಾಮಟ್ಟದ ''''''''ಸಿರಿಧಾನ್ಯ ಹಾಗೂ ಮರೆತುಹೋದ ಖಾದ್ಯಗಳ ಪಾಕ ಸ್ಪರ್ಧೆ''''''''ಯಲ್ಲಿ ವಿವಿಧ ವಿಭಾಗಗಳಲ್ಲಿ ವಿಜೇತರಾದವರ ಫಲಿತಾಂಶ ಪ್ರಕಟವಾಗಿದೆ.

ಇಂದ್ರಮ್ಮ ಧನಂಜಯ ಮೂರ್ತಿ, ಹಾಲುವರ್ತಿ, ದಾವಣಗೆರೆ ತಾ. (ಸಜ್ಜೆ ಬರ್ಫಿ) ಪ್ರಥಮ, ಪ್ರೇಮಾ ಬಸವನಗೌಡ, ವಡ್ಡನಾಳು, ಚನ್ನಗಿರಿ ತಾ. (ರಾಗಿ ಹಲ್ವಾ) ದ್ವಿತೀಯ, ರಾಕೇಶ್, ದೊಡ್ಡ ಮಲ್ಲಾಪುರ (ಸಿರಿಧಾನ್ಯದ ಕಡಬು) ತೃತೀಯ ಬಹುಮಾನ.

ಕೋಮಲ ರಮೇಶ್, ಮಾದಪುರ, ಚನ್ನಗಿರಿ ತಾ.(ನವಣಕ್ಕಿ ಬಿಸಿಬೇಳೆ ಬಾತ್) ಪ್ರಥಮ, ಪೂಜ ಪ್ರಶಾಂತ್, ಹಾಲುವರ್ತಿ, ದಾವಣಗೆರೆ ತಾ. (ಸಜ್ಜೆ ಕಡಬು) ದ್ವಿತೀಯ, ಹೇಮಲತ ದಾವಣಗೆರೆ (ನವಣೆ ಬಿಸಿಬೇಳೆ ಬಾತ್) ತೃತೀಯ ಬಹುಮಾನ.

ಉಮಾದೇವಿ ಶಿವಲಿಂಗಪ್ಪ, ನಾಗರಕಟ್ಟೆ, ಕಾಡಜ್ಜಿ (ನಾಟಿ ಕುಂಬಳಕಾಯಿ ಅರಿಶಿಣ ಕಡಬು) ಪ್ರಥಮ, ಶೀಲಾ, ಹೊನ್ನಾಳಿ (ಕುಂಬಳಕಾಯಿ ಸಿಹಿ ಕಡಬು) ದ್ವಿತೀಯ, ಮೆಹರುನ್ನೀಸ ಬಶೀರ್‌ ಸಾಬ್, ದಾವಣಗೆರೆ, (ಗೋಧಿ ಕುದುರೆ) ತೃತೀಯ ಬಹುಮಾನ ಪಡೆದುಕೊಂಡರು.