ಛಾಯಾಗ್ರಾಹಕರಿಗೆ ಛಾಯಾ ಮಿಲನ್ ಕಾರ್ಯಕ್ರಮ

ಕನ್ನಡಪ್ರಭ ವಾರ್ತೆ ಅರಸೀಕೆರೆ

ತಾಲೂಕಿನ ಅಮರಗಿರಿ ಮಾಲೇಕಲ್ಲು ತಿರುಪತಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಅಧ್ಯಕ್ಷ ಜಗದೀಶ್ ಮಾತನಾಡಿ, ಆಧುನಿಕ ತಂತ್ರಜ್ಞಾನದಲ್ಲಿ ಛಾಯಗ್ರಾಹಕರು ಸ್ಪರ್ಧಾತ್ಮಕ ಸವಾಲುಗಳನ್ನು ಎದುರಿಸುತ್ತಿದ್ದಾರೆ. ಗುಣಮಟ್ಟದ ಸೇವೆ ನೀಡುವುದು ವೃತ್ತಿನಿರತ ಛಾಯಗ್ರಾಹಕರ ಧ್ಯೇಯೋದ್ದೇಶವಾಗಿದ್ದು, ಗುಣಮಟ್ಟದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳುವುದಿಲ್ಲ. ಮದುವೆ, ಸಮಾರಂಭ ಎಂದು ಕುಟುಂಬದ ಸದಸ್ಯರೊಂದಿಗೆ ವೈಯಕ್ತಿಕ ಜೀವನದಿಂದ ನಮ್ಮ ಛಾಯಗ್ರಾಹಕರು ವಂಚಿತರಾಗುತ್ತಿದ್ದಾರೆ. ಕೆಲವೊಂದು ಸಲ ಛಾಯಗ್ರಾಹಕರು ಅಹಿತಕರ ಘಟನೆಗಳನ್ನು ಅನುಭವಿಸುವಂತಾಗಿದ್ದು, ನೊಂದ ಫೋಟೋಗ್ರಾಫರ್‌ ಜೊತೆ ನಮ್ಮ ಸಂಘವು ಸದಾ ಇರುತ್ತದೆ. ಇಂದು ಆಯೋಜಿಸಲಾಗಿರುವ ಕುಟುಂಬ ಮಿಲನ್ ಕಾರ್ಯಕ್ರಮವು ಛಾಯಾಗ್ರಾಹಕರು ಮತ್ತು ಸದಸ್ಯರು ಒಂದೆಡೆ ಸೇರಿ ಮಾನಸಿಕ ಮತ್ತು ದೈಹಿಕವಾಗಿ ಚೇತೋಹಾರಿಯಾಗಿರಲು ಅನುವುಮಾಡಿಕೊಟ್ಟಿದೆ. ತಾಲೂಕಿನ ಛಾಯಗ್ರಾಹಕರ ಪರಸ್ಪರ ಭೇಟಿಯು ಒಂದು ಕುಟುಂಬ ಎಂಬ ಭಾವನಾತ್ಮಕ ಬೆಸುಗೆ ನಿರ್ಮಾಣ ಮಾಡಿದೆ. ಕಾರ್ಯಕ್ರಮದಲ್ಲಿ ಪುರುಷರು , ಮಹಿಳೆಯರು ಮತ್ತು ಮಕ್ಕಳು ಭಾಗವಹಿಸಿ ಎಲ್ಲರಿಗೂ ಹೊಸತನ ನೀಡಿದ್ದಾರೆ.ಪ್ರಕೃತಿ ಮಡಿನಲ್ಲಿ ಆಯೋಜಿಸಿರುವ ಈ ಕಾರ್ಯಕ್ರಮವು ಮಾದರಿಯಾಗಿದೆ ಎಂದರು.