ತೀವ್ರ ನಿಗಾ ಘಟಕದಲ್ಲಿ ಪೌರಕಾರ್ಮಿಕ ಮಹಿಳೆ: ಎರಡು ತಿಂಗಳಾದರು ನೋಡಲು ಬಾರದ ಪಾಲಿಕೆ ಅಧಿಕಾರಿಗಳು

ಕನ್ನಡಪ್ರಭ ವಾರ್ತೆ ಹಾಸನ

ಶಸ್ತ್ರಚಿಕಿತ್ಸೆ ನಂತರ ಮತ್ತೆ ಹೊಟ್ಟೆ ನೋವಿನ ಪರಿಣಾಮವಾಗಿ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರಿಗೆ ಸ್ಟ್ರೋಕ್ ಕೂಡ ಆಗಿದ್ದು ಬಹಳ ಸಮಸ್ಯೆಯಲ್ಲಿ ಬಳಲುತ್ತಿದ್ದಾರೆ, ತೀವ್ರ ಆರ್ಥಿಕ ಸಂಕಷ್ಟದಿಂದ ಸದ್ಯ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇವರಿಗೆ ಒಬ್ಬ ಮಗ ಹಾಗೂ ಮಗಳು ಇದ್ದು, ಮಗಳಿಗೆ ಮದುವೆಯಾಗಿದ್ದರೆ ಮಗ ತನ್ನ ಕೆಲಸದ ಜೊತೆ ತಾಯಿಯನ್ನು ನೋಡಿಕೊಳ್ಳಬೇಕಾಗಿದೆ. ಇಂತಹ ಸಂದರ್ಭದಲ್ಲಿ ಎರಡು ತಿಂಗಳಾದರೂ ಹಾಸನ ನಗರ ಪಾಲಿಕೆಯ ಅಧಿಕಾರಿಗಳಾಗಿರಲಿ, ಆಯುಕ್ತರಾಗಿರಲಿ, ಆರೋಗ್ಯ ನಿರೀಕ್ಷಕರಾಗಿರಲಿ ಇತ್ತ ಸುಳಿಯದೆ ಇರುವುದು ದುರಂತದ ಸಂಗತಿಯಾಗಿದೆ.

ಇತ್ತ ಅಮ್ಮನನ್ನು ನೋಡಿಕೊಳ್ಳಬೇಕಾದ ಪರಿಸ್ಥಿತಿ ಮಂಜುನಾಥ್ ರವರದ್ದು, ಇನ್ನೊಂದು ಕಡೆ ಮಂಜುನಾಥ್ ರವರು ಕೂಡ ಕೆಲಸಕ್ಕೆ ಹೋಗಬೇಕಾದ ಅನಿವಾರ್ಯವಿದ್ದು ಇವರೂ ಕೂಡ ಪೌರಕಾರ್ಮಿಕರಾಗಿದ್ದಾರೆ, ಇಂತಹ ತುರ್ತು ಸಂದರ್ಭದಲ್ಲಿ ಆಡಳಿತವು ಅವರ ಜೊತೆಗೆ ಇಲ್ಲದಿರುವುದು ಬೇಸರದ ಸಂಗತಿಯಾಗಿದೆ. ಇನ್ನಾದರೂ ಪಾಲಿಕೆ ಅಧಿಕಾರಿಗಳು, ಜಿಲ್ಲಾಡಳಿತ ಇವರ ಬಗ್ಗೆ ಗಮನಹರಿಸಿ ಅವರ ಸಮಸ್ಯೆಗಳನ್ನು ಆಲಿಸಿ ಅವರ ಜೊತೆ ನಿಲ್ಲಬೇಕಾಗಿದೆ ಎಂದು ಕೋರಿದ್ದಾರೆ.