ಬ್ಯಾಡಗಿಯಲ್ಲಿ ಶಿಥಿಲಾವಸ್ಥೆಯ 19 ಕಟ್ಟಡಗಳ ತೆರವುಗೊಳಿಸಿ: ಡಾ. ಬಾಲಚಂದ್ರ ಪಾಟೀಲ ಸೂಚನೆ

ಬ್ಯಾಡಗಿ: ಮುಖ್ಯರಸ್ತೆ ಅಗಲೀಕರಣಕ್ಕೆ ಸಕಲ ಸಿದ್ಧತೆ ಮಾಡಿಕೊಳ್ಳಲಾಗಿದ್ದು, ಶಿಥಿಲಾವಸ್ಥೆ ತಲುಪಿರುವ ಮುಖ್ಯರಸ್ತೆಯಲ್ಲಿ 19 ಕಟ್ಟಡಗಳನ್ನು ತೆರುವುಗೊಳಿಸುವಲ್ಲಿ ಪುರಸಭೆ ಹಾಗೂ ಲೋಕೋಪಯೋಗಿ ಅಧಿಕಾರಿಗಳು ವಿಳಂಬ ನೀತಿ ತೋರುವುದು ಸರಿಯಲ್ಲ. ಕೂಡಲೇ ಕಟ್ಟಡ ತೆರವುಗೊಳಿಸಲು ಅಗತ್ಯ ಕ್ರಮ ಕೈಗೊಳ್ಳುವಂತೆ ಪುರಸಭೆ ಅಧ್ಯಕ್ಷ ಡಾ. ಬಾಲಚಂದ್ರ ಪಾಟೀಲ ತಾಕೀತು ಮಾಡಿದರು

ಸಾಮೂಹಿಕ ರಾಜೀನಾಮೆ: ಸದಸ್ಯ ಬಸವರಾಜ ಛತ್ರದ ಮಾತನಾಡಿ, ಬ್ಯಾಡಗಿ ಬಂದ್ ನಡೆಸಿದ ವೇಳೆ ಅಗತ್ಯ ಬಿದ್ದರೆ ಸರ್ವ ಸದಸ್ಯರು ತಮ್ಮ ಸ್ಥಾನಕ್ಕೆ ಸಾಮೂಹಿಕ ರಾಜೀನಾಮೆ ನೀಡಿ ಹೋರಾಟಗಾರರೊಂದಿಗೆ ಕೈಜೋಡಿಸುವುದಾಗಿ ಭರವಸೆ ನೀಡಿದ್ದನ್ನು ನೆನಪಿಸಿದ ಅವರು, ಮುಖ್ಯರಸ್ತೆ ಅಗಲೀಕರಣ ಸಾರ್ವಜನಿಕರ ಹಕ್ಕು. ರಸ್ತೆ ಯಾರೊಬ್ಬರ ಸೊತ್ತಲ್ಲ. ಆದರೆ ನೂರಾರು ಜನರ ಸಮಸ್ಯೆಗೆ ಲಕ್ಷಾಂತರ ಜನರು ನಿತ್ಯ ತೊಂದರೆ ಅನುಭಿಸಬೇಕಾಗಿದೆ. ಇದಕ್ಕಾಗಿ ಕೋರ್ಟ್ ಮೂಲಕ ಪರಿಹಾರ ದೊರೆಯುತ್ತಿದ್ದು, ಕೂಡಲೇ 19 ಕಟ್ಟಡಗಳನ್ನು ತೆರವುಗೊಳಿಸಲು ಅಗತ್ಯ ಕ್ರಮಗಳನ್ನು ಕೈಗೊಳ್ಳುಂತೆ ಸೂಚಿಸಿದರು.

ಭ್ರಷ್ಟಾಚಾರ ಮಿತಿ ಮೀರಿದೆ: ಸದಸ್ಯ ಮೆಹಬೂಬ ಅಗಸನಹಳ್ಳಿ ಮಾತನಾಡಿ, ಯುಜಿಡಿ ಹಾಗೂ 24x7 ಕುಡಿಯುವ ನೀರು ಯೋಜನೆಯಲ್ಲಿ ದೊಡ್ಡ ಪ್ರಮಾಣದ ಭ್ರಷ್ಟಾಚಾರ ನಡೆದಿದೆ. ಇದೇ ರೀತಿ ಮುಂದುವರಿದಲ್ಲಿ ಇನ್ನೂ 50 ವರ್ಷ ಗತಿಸಿದರೂ ಯೋಜನೆ ಸಾರ್ವಜನಿಕರಿಗೆ ತಪ್ಪುವ ಸಾಧ್ಯತೆ ಇಲ್ಲ. ಕಳೆದ 7 ವರ್ಷದ ಹಿಂದೆ ಸದಸ್ಯರಾಗಿ ಬಂದಿದ್ದೇವೆ. ಇಂದಿಗೂ ಯೋಜನೆಯಡಿ ಜನರಿಗೆ ನೀರು ತಲುಪಿಸಲು ಸಾಧ್ಯವಾಗಿಲ್ಲ. ಕೂಡಲೇ ಜಿಲ್ಲಾಧಿಕಾರಿಗಳು ಸೇರಿದಂತೆ ಚೀಫ್ ಎಂಜಿನಿಯರ್ ಜತೆ ಸಭೆ ನಡೆಸಬೇಕು. ಅಲ್ಲಿ ಎಲ್ಲವನ್ನೂ ಬಹಿರಂಗಪಡಿಸುವುದಾಗಿ ತಿಳಿಸಿದರು.