‘ಗೃಹಲಕ್ಷ್ಮಿ’ ಫಲಾನುಭವಿಗಳ ಜತೆ ಸಿಎಂ ಡಿಕೆ ಸಂವಾದ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಮುಖ್ಯಮಂತ್ರಿಗಳ ಗೃಹ ಕಚೇರಿ ಕೃಷ್ಣಾದಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಬಂದಿದ್ದ ಆಯ್ದ ಫಲಾನುಭವಿಗಳ ಜೊತೆ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ಅವರು ನಡೆಸಿದ ಸಂವಾದ ಕಾರ್ಯಕ್ರಮದಲ್ಲಿ ಮಾತನಾಡಿದ ಮಹಿಳೆಯರು, ಗೃಹಲಕ್ಷ್ಮಿ ಯೋಜನೆಯಿಂದ ತಮಗಾಗಿರುವ ಹತ್ತು ಹಲವು ಪ್ರಯೋಜನೆಗಳು ಸೇರಿ ಬ್ಯಾಂಕ್‌ ಮತ್ತಿತರ ಕಡೆಯಿಂದ ಪಡೆದ ಸಾಲಕ್ಕೆ ಗೃಹಲಕ್ಷ್ಮಿ ಹಣ ಜಮೆ ಮಾಡಿಕೊಳ್ಳುತ್ತಿದ್ದಾರೆ. ಸ್ವಂತ ಮೊಬೈಲ್‌ ಫೋನ್‌ ಇಲ್ಲದ ಕಾರಣ ಕೆಲವರಿಗೆ ಗೃಹ ಲಕ್ಷ್ಮಿ ಹಣ ದೊರಕುತ್ತಿಲ್ಲ. ಹೊಸದಾಗಿ ಯೋಜನೆಗೆ ಸೇರ್ಪಡೆಗೊಳ್ಳಲು ಅವಕಾಶ ಕೊಡಬೇಕು. ಪ್ರತಿ ತಿಂಗಳು ಹಣ ಬಿಡುಗಡೆ ಮಾಡಬೇಕು ಎಂದು ಮನವಿ ಮಾಡಿದರು.

ಅಂಗನವಾಡಿ ಮಕ್ಕಳಿಗೆ ಯೂನಿಫಾರಂ:

ಹಪ್ಪಳ ನೀಡಿದ ಮಹಿಳೆ:

ಹಲವು ಸ್ವ ಉದ್ಯೋಗ:

ವಿಜಯನಗರ ಜಿಲ್ಲೆ, ಕೂಡ್ಲಿಗಿ ತಾಲೂಕು ಗಂಡಬೊಮ್ಮನಹಳ್ಳಿ ಪಂಚಾಯತಿಯ ಮಹಿಳೆ ಗೃಹಲಕ್ಷ್ಮಿ ಯೋಜನೆಯಿಂದ ತಮ್ಮ ಸ್ವಸಹಾಯ ಗುಂಪಿನ ಗೆಳತಿಯರು ಕುರಿ ಸಾಕಣಿಕೆ ಆರಂಭಿಸಿದ್ದು 5 ಕುರಿಯಿಂದ ಪ್ರಾರಂಭವಾಗಿ ಇಂದು 300 ಕುರಿಗಳನ್ನು ಸಾಕುತ್ತಿರುವುದಾಗಿ ಹೇಳಿದರು. ಕುರಿ ಮೇಯಿಸಲು ಐದು ಜನ ಗಂಡಸರಿಗೆ ಉದ್ಯೋಗ ನೀಡಿರುವುದಾಗಿ ಹೇಳಿದಾಗ ಎಲ್ಲರೂ ಚಪ್ಪಾಳೆ ತಟ್ಟಿದರು.

ಸಂವಾದದ ನಡುವೆ ‘ಗೃಹಲಕ್ಷ್ಮಿ’ ಹಾಗೂ ‘ಶಕ್ತಿ’ ಯೋಜನೆ ಜಾರಿಗೆ ತಮ್ಮ ಸಂಬಂಧಿಯೊಬ್ಬ ಹಾಡಿದ ಹಾಡು ಕೇಳಿ ಈ ಯೋಜನೆ ಜಾರಿಗೆ ತಂದೆ ಎಂದ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌, ಸಂಬಂಧಿ ಪರಮೇಶ್‌ ಎಂಬುವರಿಗೆ ಫೋನ್‌ ಮಾಡಿ ಆ ಹಾಡು ಹಾಡುವಂತೆ ಹೇಳಿದರು. ಆಗ ಪರಮೇಶ್‌ ಅವರು ಹಾಡಿದ ತಾಯಿ ಸತ್ತ ಮೇಲೆ ತವರಿಗೆ ಎಂದು ಹೋಗಬಾರದಮ್ಮ.... ಹಾಡು ಕೇಳಿದ ಅನೇಕ ಮಹಿಳೆಯರ ಕಣ್ಣಾಲಿಗಳಲ್ಲಿ ನೀರು ತುಂಬಿಕೊಂಡಿತು.

ಸಂವಾದದ ವೇಳೆ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ಅವರು, 2028ಕ್ಕೆ ವಿಧಾನಸಭೆ ಚುನಾವಣೆ ಬರಲಿದೆ. ನಮ್ಮ ಸರ್ಕಾರವನ್ನು ಮತ್ತೆ ಅಧಿಕಾರಕ್ಕೆ ತರಬೇಕು. ಈ ನಿಟ್ಟಿನಲ್ಲಿ ಶಿವಕುಮಾರ್‌ ಅಣ್ಣನ ಋಣ ತೀರಿಸಬೇಕು ಎಂದರು. ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಸಂವಾದಕ್ಕೆ ಆಗಮಿಸಿದ್ದ ಎಲ್ಲ ಮಹಿಳೆಯರಿಗೆ ಹೋಳಿಗೆ ಊಟದ ವ್ಯವಸ್ಥೆ ಮಾಡಲಾಗಿತ್ತು.

-ಬಾಕ್ಸ್-

ಕಲಬುರಗಿ ಮಹಿಳೆಯೊಬ್ಬರು ತೀರಾ ಬಡತನದ ಕುಟುಂಬದಿಂದ ಬಂದ ತಾನು ಗೃಹಲಕ್ಷ್ಮಿ ಯೋಜನೆಯ ಆರು ತಿಂಗಳ ಹಣ ಒಟ್ಟುಗೂಡಿಸಿ ಕರಕುಶಲ ವಸ್ತುಗಳನ್ನು ತಯಾರಿಸಿ ಬೇರೆ ಬೇರೆ ಕಡೆ ಮಾರಾಟ ಮಾಡುತ್ತಿದ್ದೇನೆ ಎಂದು ಹೇಳಿ ಮಣಿಗಳಿಂದ ತಯಾರಿಸಿದ ಪುಟ್ಟ ತೊಟ್ಟಿಲು ಮತ್ತಿತರ ಕೃತಿಗಳನ್ನು ತೋರಿಸಿದರು. ಆಗ ತೊಟ್ಟಿಲಿಗೆ ಎಷ್ಟು ಬೆಲೆ ಎಂದು ಕೇಳಿದ ಸಿಎಂ 500 ರು. ನೀಡಿ ತೊಟ್ಟಿಲು ಖರೀದಿಸಿ ತನ್ನ ಮೊಮ್ಮಗಳಿಗೆ ನೀಡುವುದಾಗಿ ತಿಳಿಸಿದರು.