ಕಾಂಗ್ರೆಸ್‌ ಗೆಲುವಿನಿಂದ ಬಿಜೆಪಿ ದೂಳಿಪಟ: ಸೋಮಶೇಖರ್

ಉಪಚುನಾವಣೇಲಿ ಕಾಂಗ್ರೆಸ್ ಜಯಬೇರಿ, ಆನಂದಪುರದಲ್ಲಿ ವಿಜಯೋತ್ಸವ

ರಾಜ್ಯ ಸರ್ಕಾರದ ಐದು ಗ್ಯಾರಂಟಿ ಹಾಗೂ ಅಭಿವೃದ್ಧಿಗೆ ಮತದಾರರು ಮತನೀಡಿ ಉಪಚುನಾವಣೆಯ ಮೂರೂ ಕ್ಷೇತ್ರದಲ್ಲೂ ಕಾಂಗ್ರೆಸ್ ಪಕ್ಷಕ್ಕೆ ಭರ್ಜರಿ ಗೆಲುವು ನೀಡಿದ್ದಾರೆ. ಇದರಿಂದ ರಾಜ್ಯದಲ್ಲಿ ಬಿಜೆಪಿ ದೂಳಿಪಟವಾಗಿದೆ ಎಂದು ಸೋಮಶೇಖರ್ ಲಗ್ಗೆರೆ ತಿಳಿಸಿದರು.

ಎನ್.ಉಮೇಶ್ ಮಾತನಾಡಿ, ಕಾಂಗ್ರೆಸ್ ಪಕ್ಷದ ಗ್ಯಾರಂಟಿ ಹಾಗೂ ಅಭಿವೃದ್ಧಿಯನ್ನು ಕಂಡು ಮತದಾರರು ಕಾಂಗ್ರೆಸ್ ಪಕ್ಷಕ್ಕೆ ಆಶೀರ್ವಾದ ಮಾಡಿದ್ದಾರೆ ಎಂದರು.

ಈ ಸಂದರ್ಭದಲ್ಲಿ ಗಜೇಂದ್ರ ಯಾದವ್, ವಿಜಯ್ ಕುಮಾರ್, ಸಿರಿಜಾನ್, ಅಮೀರ್, ರೆಹಮತ್ತುಲ್ಲಾ, ರಾಮಚಂದ್ರ, ಕಲೀ ಮುಲ್ಲಾ ಖಾನ್, ಹಾಗೂ ನೂರಾರು ಕಾರ್ಯಕರ್ತರು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು.