ಜಾತಿ ವ್ಯವಸ್ಥೆಯಿಂದ ಸಂವಿಧಾನದ ಆಶಯ ಈಡೇರಲ್ಲ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಶನಿವಾರ ಅವರು, ಭವತಾರಿಣಿ ಪ್ರಕಾಶನ ವತಿಯಿಂದ ಗಾಂಧಿ ಭವನದಲ್ಲಿ ಹಮ್ಮಿಕೊಂಡಿದ್ದ ಡಾ.ಎಸ್‌.ಗುರುಮೂರ್ತಿ ಅವರ ಸಮಾಜವಾದದ ಹರಿಕಾರ, ಭಾರತ ರತ್ನ ‘ಕರ್ಪೂರಿ ಠಾಕೂರ್‌’ ಕೃತಿ ಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ದೇಶ ಸಬಲವಾಗಿ ಇರಬೇಕೆಂದರೆ ಇಲ್ಲಿನ ಬಹುಜನರನ್ನು(ಶೋಷಿತರು, ದುರ್ಬಲ ವರ್ಗದವರು, ದಲಿತರು) ಪ್ರತಿನಿಧಿಸುವವರಿಗೆ ಅಧಿಕಾರದಲ್ಲಿ ಅಗ್ರಸ್ಥಾನ ಸಿಗಬೇಕು. ಯಾರು ಹಸಿವೆಯ ಬಾಣಲೆಯಲ್ಲಿ ಬೆಂದು ಕರಕಲಾಗಿದ್ದಾರೋ ಅವರಿಗೆ ಧ್ವನಿ ಬಂದಾಗ ಮಾತ್ರ ನಮ್ಮ ದೇಶ ನಿಜವಾಗಿ ಸಬಲ ಆಗಲು ಸಾಧ್ಯ. ಇಲ್ಲದಿದ್ದರೆ ಅಸಮಾನತೆ ಬೆಳೆಯುತ್ತಲೇ ಇರುತ್ತದೆ. ಜಾತಿ ವಿನಾಶ, ಲಿಂಗ ತಾರತಮ್ಯದ ವಿನಾಶದಿಂದ ಮಾತ್ರ ಅಸಮಾನತೆ ತೊಗಲು ಸಾಧ್ಯ. ಇದು ಮೂಲಭೂತವಾದ ತತ್ವ. ರಾಜಕಾರಣಿಗಳು, ವಿದ್ವಾಂಸರು, ಆಡಳಿತಗಾರರು ತಿಳಿದುಕೊಳ್ಳುವುದಿಲ್ಲವೋ ಅಲ್ಲಿಯವರೆಗೆ ಎಲ್ಲರೂ ಅನಕ್ಷರಸ್ಥರೆಂದೇ ಭಾವಿಸಬೇಕಾಗುತ್ತದೆ ಎಂದು ಹೇಳಿದರು. ಹಿಂದೂ ಸಮಾಜದಲ್ಲಿ ನಾವು ಹಿಂದುಗಳೆ, ಆದರೆ, ಎಲ್ಲೆಯವರೆಗೆ ಹಿಂದು ಸಮಾಜವನ್ನು ಜಾತಿ ವ್ಯವಸ್ಥೆ ಆವರಿಸಿಕೊಂಡಿರುತ್ತದೆ ಅ ಬತ್ತಳಿಕೆಯಿಂದ ಬಿಡುಗಡೆ ಆಗುವುದಿಲ್ಲ ಅಲ್ಲಿಯವರೆ ನಾನು ಹಿಂದು ಎಂದು ಕರೆದುಕೊಳ್ಳುವುದಿಲ್ಲ. ಹಿಂದು ಜಾತಿ ವ್ಯವಸ್ಥೆಯ ಚಿಹ್ನೆ ಅಲ್ಲ. ಜಾತಿ ವ್ಯವಸ್ಥೆ ನಿರ್ಮೂನೆಯ ವಿಚಾರ ಮುಂದಿಟ್ಟುಕೊಂಡು ಕರ್ಪೂರಿ ಠಾಕೂರ್‌ ಅವರು ಹೋರಾಟ ಮಾಡಿದರು. ಸಮಾಜವಾದಿ ಚಿಂತನೆಯ ಪ್ರತಿಯೊಬ್ಬರು ಅವರ ಸಿದ್ಧಾಂತದ ಮಾರ್ಗದರ್ಶನದಲ್ಲಿ ಮುನ್ನಡೆಯಬೇಕು ಎಂದರು. ಮುಖ್ಯಮಂತ್ರಿಯವರ ನೀತಿ ಮತ್ತು ಕಾರ್ಯಕ್ರಮ ಸಲಹೆಗಾರ, ಶಾಸಕ ಬಿ.ಆರ್‌.ಪಾಟೀಲ್‌ ಮಾತನಾಡಿ, ಜಾತಿ ವ್ಯವಸ್ಥೆಯನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡಬೇಕೆಂಬ ಸಿದ್ಧಾಂತವನ್ನು ಹುಟ್ಟು ಹಾಕಿದವರು ಸಮಾಜವಾದಿಗಳು. ಆದರೆ, ಸೌಮ್ಯವಾದಿಗಳು ಕಮ್ಹೂನಿಷ್ಟ್‌ ವಾದಿಗಳ ಮಾತಿಗೆ ಒಪ್ಪಲಿಲ್ಲ. ಜಾತಿ ವ್ಯವಸ್ಥೆ ಪ್ರಮುಖವಾದುದ್ದಲ್ಲ. ಆರ್ಥಿಕ ಸಮಾನತೆ ಬಂದರೆ ಎಲ್ಲ ಸರಿ ಹೋಗುತ್ತದೆ ಎಂದು ನಂಬಿದ್ದರು. ಜಾತಿ ವ್ಯವಸ್ಥೆಯ ಕರಾಳತೆ ಇವಾಗ ಅವರ ಅರಿವಿಗೆ ಬಂದಿದೆ ಎಂದು ಹೇಳಿದರು.