ಗ್ರಾಹಕರ ಕುಂದುಕೊರತೆಗೆ ವರದಾನ ಗ್ರಾಹಕರ ಆಯೋಗ!

ಬಸವರಾಜ ಹಿರೇಮಠ ಧಾರವಾಡಆಧುನಿಕ ಯುಗದಲ್ಲಿ ತಮ್ಮ ಉತ್ಪನ್ನಗಳನ್ನು ಮಾರಾಟ ಮಾಡಲು ಉತ್ಪಾದನಾ ಕಂಪನಿಗಳು ಏನೆಲ್ಲಾ ಕಸರತ್ತು ಮಾಡುತ್ತವೆ. ತರಹೇವಾರಿ ಜಾಹೀರಾತು ಸೇರಿದಂತೆ ಗ್ರಾಹಕರು ವಸ್ತುಗಳನ್ನು ಕೊಳ್ಳಲು ಭಗೀರಥ ಪ್ರಯತ್ನ ಮಾಡುತ್ತಾರೆ. ಉತ್ಪನ್ನ ಮಾರಲು ಕಂಪನಿಗಳು ತೋರಿದ ಉತ್ಸಾಹ ಅವುಗಳಿಗೆ ಒದಗಿಸುವ ಸೇವೆ ಅಥವಾ ದುರಸ್ತಿ ಸಮಯದಲ್ಲಿ ಇರುವುದಿಲ್ಲ.ಈ ನಿಟ್ಟಿನಲ್ಲಿ ಗ್ರಾಹಕರ ಅಳಲು ಕೇಳಲು, ಸೇವಾ ನ್ಯೂನತೆ ಎಸಗಿದ ಕಂಪನಿಗೆ ತಕ್ಕ ಪಾಠ ಕಲಿಸಲು ಗ್ರಾಹಕ ಕುಂದುಕೊರತೆ, ಪರಿಹಾರ ಆಯೋಗ ಪರಿಣಾಮಕಾರಿಯಾಗಿ ಕಾರ್ಯ ಮಾಡುತ್ತಿದೆ. ಧಾರವಾಡ ಜಿಲ್ಲೆಯಲ್ಲಂತೂ ನ್ಯಾಯಾಧೀಶ ಈಶಪ್ಪ ಭೂತೆ ನೇತೃತ್ವದಲ್ಲಿ ಗ್ರಾಹಕರಿಗೆ ಶೀಘ್ರ ಹಾಗೂ ಪರಿಣಾಮಕಾರಿಯಾಗಿ ನ್ಯಾಯ ದೊರೆಯುತ್ತಿರುವುದು ವಿಶೇಷ ಸಂಗತಿ.

2021ರಲ್ಲಿ 166 ಪ್ರಕರಣಗಳು ದಾಖಲಾಗಿದ್ದು, 2022ರಲ್ಲಿ ಅದು 245ಕ್ಕೆ ಏರಿತು, 2023ರಲ್ಲಿ 501 ಪ್ರಕರಣಗಳಿಗೆ ಮತ್ತಷ್ಟು ಏರಿತು ಮತ್ತು ಕಳೆದ ವರ್ಷ ಆಯೋಗವು 537 ಪ್ರಕರಣಗಳನ್ನು ಸ್ವೀಕರಿಸಿದೆ. ಕಳೆದ ನಾಲ್ಕು ತಿಂಗಳಲ್ಲಿ 103 ಪ್ರಕರಣಗಳು ದಾಖಲಾಗಿವೆ. ಶೇ. 99ರಷ್ಟು ಪ್ರಕರಣಗಳಲ್ಲಿ ಗ್ರಾಹಕರಿಗೆ ಪರಿಹಾರ ನೀಡಲಾಗಿದೆ ಎಂದು ಮಾಹಿತಿ ನೀಡಿದ ನ್ಯಾಯಾಧೀಶ ಈಶಪ್ಪ ಭೂತೆ, ಆಯೋಗವು 2022ರಲ್ಲಿ 212, 2023ರಲ್ಲಿ 409, 2024ರಲ್ಲಿ 186 ಮತ್ತು 2025ರಲ್ಲಿ 32 ಪ್ರಕರಣಗಳನ್ನು ವಿಲೇವಾರಿ ಮಾಡಿದೆ. ನಮ್ಮ ಕಾರ್ಯಕ್ಷಮತೆಯ ಆಧಾರದ ಮೇಲೆ, ಕೇಂದ್ರ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಸಚಿವಾಲಯವು ಇತ್ತೀಚೆಗೆ ಧಾರವಾಡ ಆಯೋಗಕ್ಕೆ ಅತ್ಯುತ್ತಮ ಆಯೋಗ ಪ್ರಶಸ್ತಿಯನ್ನು ನೀಡಿದೆ ಎಂದರು.ಜನರ ಕುಂದುಕೊರತೆಗಳಿಗೆ ಸಕಾರಾತ್ಮಕವಾಗಿ ಸ್ಪಂದಿಸುವುದು ಆಯೋಗದ ಕರ್ತವ್ಯ. ಆ ಮೂಲಕ ಅನ್ಯಾಯದ ವ್ಯಾಪಾರಕ್ಕೆ ತಡೆಯೊಡ್ಡುವುದು ನಮ್ಮ ಕರ್ತವ್ಯ. 2019ರಿಂದ ಗ್ರಾಹಕ ರಕ್ಷಣಾ ಕಾಯ್ದೆಯನ್ನು ಸರಳೀಕರಿಸಲಾಗಿದೆ ಮತ್ತು ನೊಂದ ಪಕ್ಷವು ವಿರುದ್ಧ ಪಕ್ಷದ ಪ್ರಾದೇಶಿಕ ಕಚೇರಿ ಇರುವ ಯಾವುದೇ ಆಯೋಗದಲ್ಲಿ ತಮ್ಮ ಪ್ರಕರಣಗಳನ್ನು ದಾಖಲಿಸಬಹುದು. ಖಾಸಗಿ ಬೀಜ ಕಂಪನಿಯೊಂದರ ಕಳಪೆ ಬೀಜದ ಪರಿಣಾಮ ಶಿರಸಿಯ ಸುಮಾರು 500 ರೈತರು ಅಡಕೆ ನಷ್ಟ ಅನುಭವಿಸಿದ್ದರು. ಬೀಜ ಕಂಪನಿಯ ಪ್ರಾದೇಶಿಕ ಕಚೇರಿ ಹುಬ್ಬಳ್ಳಿಯಲ್ಲಿ ಇದ್ದ ಕಾರಣ ಅವರು ಧಾರವಾಡ ಆಯೋಗದಲ್ಲಿ ಪ್ರಕರಣ ದಾಖಲಿಸಿದ್ದರು. ಪ್ರಕರಣದ ಅರ್ಹತೆಯನ್ನು ಅಧ್ಯಯನ ಮಾಡಿದ ನಂತರ, ಆಯೋಗವು ರೈತರಿಗೆ ನಷ್ಟವನ್ನು ಸರಿದೂಗಿಸಲು ಬೀಜ ಕಂಪನಿಗೆ ಆದೇಶಿಸಿತು.