ಅಪರಾಧ ಇಳಿಮುಖಕ್ಕೆ ಸಹಕಾರ ಅವಶ್ಯ

ಗದಗ: ಪೊಲೀಸ್ ಠಾಣೆಗಳು ಜನಸ್ನೇಹಿಗಳಾಗಿವೆ, ಅಪರಾಧ ಇಳಿಮುಖವಾಗಲು ಸಾರ್ವಜನಿಕರ ಸಹಕಾರ ಅವಶ್ಯ ಎಂದು ಗದಗ ಶಹರ ಪೊಲೀಸ್ ಠಾಣೆಯ ಸಿಪಿಐ ಡಿ.ಬಿ.ಪಾಟೀಲ ಹೇಳಿದರು.

ಪೊಲೀಸ್ ಠಾಣೆ, ಪೊಲೀಸ್ ಅಧಿಕಾರಿಗಳೆಂದರೆ ಸಾರ್ವಜನಿಕರಲ್ಲಿ ಭಯದ ವಾತಾವರಣ ದೂರಗೊಳ್ಳಬೇಕು. ಅನ್ಯಾಯ, ಶೋಷಣೆ, ವಂಚನೆ, ತಂಟೆ ತಕರಾರುಗಳಿದ್ದರೆ ಸಮಾಜಘಾತುಕ ಶಕ್ತಿಗಳಿಂದ ತೊಂದರೆಯಾಗುತ್ತಿದ್ದರೆ ಜನಸ್ನೇಹಿಗಳಾಗಿರುವ ಪೊಲೀಸ್ ಠಾಣೆಗೆ ಬಂದು ಅಧಿಕಾರಿಗಳನ್ನಾಗಲಿ, ಠಾಣೆಯ ಸಿಬ್ಬಂದಿಯನ್ನು ಕಂಡು ಪರಿಹಾರ ಕಂಡುಕೊಳ್ಳಲು ಮುಕ್ತ ಅವಕಾಶವಿದೆ ಎಂದರು.

ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಸಂಘದ ಅಧ್ಯಕ್ಷ ಬಿ.ವಿ. ಸಂಕನೂರ ಸಂಘದ ಕಾರ್ಯಚಟುವಟಿಕೆ, ನಿರ್ದೆಶಕರ ಸಹಕಾರ, ಗ್ರಾಹಕರ ಬೆಂಬಲ ಸ್ಮರಿಸಿದರು. ಸಂಘದ ಉಪಾಧ್ಯಕ್ಷ ನಿವೃತ್ತ ಶಿಕ್ಷಕ ಆರ್.ಎಫ್. ಅಗಸಿಮನಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಮಾರಂಭದಲ್ಲಿ ಶಾಂತಾ ಸಂಕನೂರ, ದ್ರುವಶೆಟ್ಟಿ ಅಬ್ಬಿಗೇರಿ, ರೇಖಾ ಆಸಂಗಿ, ಕೆ.ನಿಖಿಲ ರೆಡ್ಡಿ, ಸಂಗಮೇಶ್ವರಿ ಯಳವತ್ತಿ ಉಪಸ್ಥಿತರಿದ್ದರು.ಪದ್ಮಾ ಜಾಡರ ಪ್ರಾರ್ಥಿಸಿದರು, ವೀರೇಶ ಹನಮಂತಗೌಡ್ರ ಪರಿಚಯಿಸಿದರು, ರವಿ ಹೊಸೂರ ನಿರೂಪಿಸಿದರು. ದೀಪಾ ನರಗುಂದ ವಂದಿಸಿದರು.