ಅಕ್ರಮಕ್ಕೆ ಸಹಕಾರ ನೀಡಿಲ್ಲವೆಂದು ಭ್ರಷ್ಟಾಚಾರ ಆರೋಪ

ಕನ್ನಡಪ್ರಭ ವಾರ್ತೆ ರಾಮನಗರ

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮಂಚನಾಯಕನಹಳ್ಳಿ ಗ್ರಾಪಂನಲ್ಲಿ ಭ್ರಷ್ಟಾಚಾರ ನಡೆದಿದ್ದರೆ ಅದನ್ನು ದಾಖಲೆ ಸಮೇತ ಸಾಬೀತು ಪಡಿಸಲಿ. ಕೇವಲ ಪ್ರಚಾರಕ್ಕಾಗಿ ಭ್ರಷ್ಟಾಚಾರದ ಆರೋಪ ಮಾಡುವುದರಲ್ಲಿ ಅರ್ಥವಿಲ್ಲ. ಪಂಚಾಯಿತಿ ಮೇಲೆ ಭ್ರಷ್ಟಾಚಾರ ಆರೋಪ ಮಾಡಿದರೆ ಅದರಲ್ಲಿ ಪಿಡಿಒ ಮಾತ್ರವಲ್ಲದೆ ಅಧ್ಯಕ್ಷರು - ಸದಸ್ಯರೆಲ್ಲರು ಪಾಲುದಾರರಾದಂತೆ. ಹಾಗೊಂದು ವೇಳೆ ಪಿಡಿಒ ಯತೀಶ್ ಚಂದ್ರ ಅಕ್ರಮ ಎಸಗಿದ್ದರೆ ತನಿಖೆ ಎದುರಿಸಿ ಶಿಕ್ಷೆ ಅನುಭವಿಸುತ್ತಾರೆ. ತಪ್ಪಿತಸ್ಥ ಅಲ್ಲದಿದ್ದರೆ ಕರ್ತವ್ಯದಲ್ಲಿ ಮುಂದುವರೆಯುತ್ತಾರೆ ಎಂದು ಹೇಳಿದರು.

2021-22ರಲ್ಲಿ ಪಂಚಾಯಿತಿ ಆದಾಯ 6.50 ಕೋಟಿ ರು.ಗಳಿತ್ತು. ಈಗ ಅದು 23 ಕೋಟಿ ರು.ಗಳಿಗೆ ಏರಿಕೆಯಾಗಿದೆ. ಈ ಹಿಂದೆ 16.80 ಕೋಟಿ ರು.ಗೆ ಮೂಲಸೌಕರ್ಯಕ್ಕೆ ಕ್ರಿಯಾಯೋಜನೆ ರೂಪಿಸಲಾಗಿತ್ತು. 2023-24ರಲ್ಲಿ 23 ಕೋಟಿಗಳ ಕ್ರಿಯಾಯೋಜನೆ ರೂಪಿಸಿದ್ದೇವೆ. ತೆರಿಗೆ ಹಣ ಎಲ್ಲಿಯೂ ಪೋಲಾಗುತ್ತಿಲ್ಲ ಎಂದರು.

ಗ್ರಾಪಂ ಸದಸ್ಯ ಸತೀಶ್ ಮಾತನಾಡಿ, ಪಂಚಾಯಿತಿ ಮೇಲೆ ಭ್ರಷ್ಟಾಚಾರದ ಆರೋಪ ಮಾಡುತ್ತಿರುವ ಶಿವಣ್ಣ ಅಧ್ಯಕ್ಷರಾಗಿದ್ದವರು, ವೆಂಕಟೇಶ್ ಸದಸ್ಯೆಯಾಗಿದ್ದ ಸುನಂದಾರವರ ಪತಿಯಾಗಿದ್ದಾರೆ. ಇವರು ಮಾಡಿದ ಅಕ್ರಮ ಲೇಔಟ್ ಗಳಿಂದ ನೂರಾರು ಬಡಜನರು ಹಣ ಕಳೆದುಕೊಂಡು ಬೀದಿಗೆ ಬಂದಿದ್ದಾರೆ. ಶೇಷಗರಿರಿಹಳ್ಳಿ ಸರ್ವೆ ನಂಬರ್ 60-1 ಮತ್ತು 60- 2ರಲ್ಲಿ ಅಕ್ರಮವಾಗಿ ಸೆರಾಮಿಕ್ ನಡೆಸುತ್ತಿದ್ದಾರೆ. ವಸತಿ ಪ್ರದೇಶವಾಗಿರುವ ಕಾರಣ ಕೈಗಾರಿಕೆ ನಡೆಸುತ್ತಿದ್ದಾರೆಂದು ನಿವಾಸಿಗಳು ದೂರು ನೀಡಿದ್ದಾರೆ. ಅಲ್ಲದೆ, ತಾಳೆಗುಪ್ಪೆ ಸರ್ವೆ ನಂಬರ್ ನಲ್ಲಿ ಲೇ ಔಟ್ ಮಾಡಿರುವುದು ಅಕ್ರಮವೆಂದು ಸಾಬೀತಾಗಿದೆ. ಈ ರೀತಿ ಜನ ಸಾಮಾನ್ಯರಿಗೆ ಮೋಸ ಮಾಡಿದವರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಬೇಕು ಎಂದು ಒತ್ತಾಯಿಸಿದರು.