ಸಂಸ್ಕೃತಿಯ ಶ್ರೀಮಂತಿಕೆಯ ಕೃತಿಗಳ ಓದುವ ಹವ್ಯಾಸಿ ಬೆಳೆಸಿಕೊಳ್ಳಿ

ಕನ್ನಡಪ್ರಭ ವಾರ್ತೆ ಅಥಣಿ

ಇಲ್ಲಿನ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಮತ್ತು ಸ್ನಾತಕೋತ್ತರ ಅಧ್ಯಯನ ಕೇಂದ್ರದಲ್ಲಿ, ಮಹಾವಿದ್ಯಾಲಯದ ಕನ್ನಡ ವಿಭಾಗ, ಸಾಹಿತ್ಯ ಸಾಂಸ್ಕೃತಿಕ ಸಂಘ ಹಾಗೂ ಚುಟುಕು ಸಾಹಿತ್ಯ ಪರಿಷತ್ತು ಸಹಯೋಗದಲ್ಲಿ ಉಪನ್ಯಾಸಕ ಸಾಹಿತಿ ಡಾ.ವಿಜಯ ಕಾಂಬಳೆಯವರ 7ನೇ ಕೃತಿ ಕೆಂದಾವರೆ ಗ್ರಂಥದ ಲೋಕಾರ್ಪಣೆ ಸಮಾರಂಭ ಉದ್ಘಾಟಿಸಿ ಮಾತನಾಡಿದ ಅವರು, ಇಂದಿನ ವಿದ್ಯಾರ್ಥಿಗಳಲ್ಲಿ ಓದುವ ಸಂಸ್ಕೃತಿ ಬೆಳೆಸಬೇಕಾಗಿದೆ. ಓದುವ ಸಂಸ್ಕೃತಿ ಇಂದಿನ ಕಾಲಕ್ಕೆ ಅಗತ್ಯ ಎಂದರು.ಅನುವಾದ ಸಾಹಿತಿ ಡಾ.ಜೆ.ಪಿ. ದೊಡಮನಿ ‘ಕೆಂದಾವರೆ’ ಕೃತಿಯನ್ನು ಲೋಕಾರ್ಪಣೆಗೊಳಿಸಿ ಮಾತನಾಡಿ ನಮ್ಮ ಮಧ್ಯದಲ್ಲಿರುವ ಡಾ. ವಿಜಯ ವಿಶಿಷ್ಟ ವ್ಯಕ್ತಿತ್ವದವರು. ದಲಿತ ಸಂವೇದನೆಗಳ ಅರಿವು ವಿಜಯ ಕಾಂಬಳೆ ಅವರಿಗೆ ಪರಿಪೂರ್ಣವಾಗಿ ಇದೆ. ದಲಿತರ ಬದುಕಿನ ಪ್ರತಿಯೊಂದು ಸಂಗತಿಗಳನ್ನು ಅತ್ಯಂತ ಸೂಕ್ಷ್ಮವಾಗಿ ಗಮನಿಸಿ ಕೃತಿಯಲ್ಲಿ ಅಳವಡಿಸಿದ್ದಾರೆ. ವಿಜಯ ಅವರು ಸಂವೇದನಾಶೀಲ ಸಾಹಿತಿಯಾಗಿದ್ದು, ಇಂದಿನ ಪೀಳಿಗೆಯಲ್ಲಿ ಸಂವೇದನೆ ಕಡಿಮೆಯಾಗುತ್ತಿದ್ದು, ಸಾಹಿತ್ಯ ಅಧ್ಯಯನದ ಜೊತೆ ವಿಜಯ ಕಾಂಬಳೆ ಅವರಂತೆ ಹೆಮ್ಮೆ ಪಡುವ ಸಾಹಿತಿ ಮತ್ತು ಲೇಖಕರಾಗಿ ಹೊರಹೊಮ್ಮಬೇಕು. ಅದಕ್ಕಾಗಿ ಸದಾ ಅಧ್ಯಯನಶೀಲರಾಗಬೇಕು ಎಂದರು.ಕಾಲೇಜಿನ ಪ್ರಾಂಶುಪಾಲ ವಿಲಾಸ ಕಾಂಬಳೆ ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಸಾಹಿತ್ಯ ಮತ್ತು ಸಂಸ್ಕೃತಿಯು ವಿದ್ಯಾರ್ಥಿಗಳಲ್ಲಿ ಮಾನವೀಯ ಮೌಲ್ಯಗಳನ್ನು ಬೆಳೆಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಕಾಲೇಜಿನಲ್ಲಿ ಇಂತಹ ಸೃಜನಶೀಲ ಹಾಗೂ ಬೌದ್ಧಿಕ ಚಟುವಟಿಕೆಗಳು ನಿರಂತರವಾಗಿ ನಡೆಯುತ್ತಿರುವುದು ಹೆಮ್ಮೆಯ ಸಂಗತಿ. ವಿಜಯ ಕಾಂಬಳೆ ಅವರು ಸಾಹಿತ್ಯ ಲೋಕಕ್ಕೆ ನೀಡುತ್ತಿರುವ ಕೊಡುಗೆಯು ಶ್ಲಾಘನೀಯವಾಗಿದ್ದು, ಯುವ ಪೀಳಿಗೆಯು ಇವರ ಸಾಧನೆಯನ್ನು ಸ್ಫೂರ್ತಿಯಾಗಿ ತೆಗೆದುಕೊಳ್ಳಬೇಕು ಎಂದರು.ಕಾಗವಾಡದ ಸಾಹಿತಿ ಡಾ.ದೇವಿಕಾ ನಗರಕರ ಅವರು ಕೃತಿ ಪರಿಚಯಿಸಿದರು. ಸಾಂಸ್ಕೃತಿಕ ವಿಭಾಗದ ಸಂಚಾಲಕ ಹಾಗೂ ಕನ್ನಡ ವಿಭಾಗದ ಮುಖ್ಯಸ್ಥ ಸಂತೋಷ ಉಂಡಾಡಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಈ ವೇಳೆ ಸಾಹಿತ್ಯ ಸಾಂಸ್ಕೃತಿಕ ಸಂಘದ ಅಧ್ಯಕ್ಷ ನೀಲೇಶ ಝರೆ, ಚುಟುಕು ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಡಾ.ರಾಮಣ್ಣ ದೊಡ್ಡನಿಂಗಪ್ಪಗೋಳ ಮಾತನಾಡಿದರು.