ಡಿ.ವಿ.ಗುಂಡಪ್ಪ ಕೋಲಾರ ಜಿಲ್ಲೆಯವರೆಂಬುದು ಹೆಗ್ಗಳಿಕೆ: ಡಾ: ಶ್ರೀನಿವಾಸಪ್ರಸಾದ್‌

ಕನ್ನಡಪ್ರಭವಾರ್ತೆ ಬಂಗಾರಪೇಟೆ

ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಹಾಗೂ ಬಂಗಾರಪೇಟೆ ತಾಲೂಕು ಅನಿಕೇತನ ಕನ್ನಡ ಬಳಗದ ಸಂಯುಕ್ತ ಆಶ್ರಯದಲ್ಲಿ ಏರ್ಪಡಿಸಲಾಗಿದ್ದ ಡಿವಿಜಿಯವರ 139ನೇ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿ, ತಮಗೆ ಬಂದ ಒಂದು ಲಕ್ಷ ರು. ಗೌರವ ಧನವನ್ನು ಸ್ವಂತಕ್ಕೆ ಬಳಸದೆ ಗೋಖಲೆ ಸಾರ್ವಜನಿಕ ಸಂಸ್ಥೆಗೆ ನೀಡಿದ ಅವರ ದಾನಗುಣ ಅನನ್ಯ. ನಾನು ಸಾಹಿತಿಯಲ್ಲ, ಪತ್ರಕರ್ತ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದ ಅವರ ವೃತ್ತಿ ನಿಷ್ಠೆ ಇಂದಿನವರಿಗೆ ಮಾದರಿ ಎಂದು ತಿಳಿಸಿದರು.

ಅನಿಕೇತನ ಕನ್ನಡ ಬಳಗದ ಅಧ್ಯಕ್ಷ ಎಂ.ಎಸ್. ರಾಮಪ್ರಸಾದ್ ಮಾತನಾಡಿ ಕನ್ನಡದ ಕಾರ್ಯಕ್ರಮಗಳು ಕೇವಲ ನಗರಗಳಿಗೆ ಸೀಮಿತವಾಗಬಾರದು. ಜಿಲ್ಲೆಯ ಪ್ರತಿ ಹಳ್ಳಿಗೂ ಡಿವಿಜಿಯವರ ಜೀವನ ದರ್ಶನ ಮತ್ತು ಸಾಹಿತ್ಯದ ಸಾರ ತಲುಪಿಸುವ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ ಎಂದು ಪ್ರತಿಪಾದಿಸಿದರು.ಕಾರ್ಯಕ್ರಮದಲ್ಲಿ ಪ್ರಾಂಶುಪಾಲರಾದ ಡಾ. ಶಕುಂತಲಾ, ನಾಗಾನಂದ ಕೆಂಪರಾಜ್, ವಾಣಿ ಪ್ರಹ್ಲಾದ ರಾವ್, ಕಸಾಪ ತಾಲೂಕು ಅಧ್ಯಕ್ಷ ಅಶ್ವತ್, ಗುರುದತ್, ರಮೇಶ್ ಬಾಬು, ಲಾಯರ್ ಜಯಪ್ರಕಾಶ್, ಕೇಶವಮೂರ್ತಿ, ಪ್ರಹ್ಲಾದ ರಾವ್, ಪ್ರಾಧ್ಯಾಪಕ ವೇಣುಗೋಪಾಲ್ ಹಾಗೂ ನಾಗರಾಜ್ ಶಂಕರ್ ಮಠ , ಪ್ರಾಧ್ಯಾಪಕ ಗಂಗರಾಜು ಉಪಸ್ಥಿತರಿದ್ದರು.