ಕಷ್ಟವೆಂದು ಸನ್ಮಾರ್ಗ ತೊರೆಯದಿರಿ

ಕನ್ನಡಪ್ರಭ ವಾರ್ತೆ ಬಳ್ಳಾರಿ

ನಗರದ ರಾಘವ ಕಲಾಮಂದಿರದಲ್ಲಿ "ವಿವೇಕ ತೋರಣ " ಹಮ್ಮಿಕೊಂಡಿರುವ ಸ್ವಾಮಿ ವಿವೇಕಾನಂದ ಲೀಲಾಮೃತ ಉಪನ್ಯಾಸ ಮಾಲಿಕೆಯಲ್ಲಿ ಮಾತನಾಡಿದರು.

ಮಕ್ಕಳ ಕಡೆ ಹೆಚ್ಚು ನಿಗಾ ವಹಿಸಿ:

ಇತ್ತೀಚಿನ ದಿನಗಳಲ್ಲಿ ಮಕ್ಕಳಿಗೆ ಸಿನಿಮಾ ನಟರು, ಕ್ರಿಕೆಟ್ ಆಟಗಾರರು ಹೀರೋ ಎಂದು ಭಾವಿಸುವುದು ಕಂಡುಬರುತ್ತದೆ. ಮಕ್ಕಳಿಗೆ ಬಾಲ್ಯದಲ್ಲಿ ಸಂಸ್ಕಾರ ನೀಡಿದರೆ ಅವರ ವಿವೇಕಶಕ್ತಿ ಪ್ರಜ್ವಲಗೊಂಡು ಬದುಕಿನ ದಿಕ್ಕೇ ಬದಲಾಗುತ್ತದೆ ಎಂದರು.

ಮನುಷ್ಯನಿಗೆ ಆಸೆ ಇರಬಾರದು ಎಂದಲ್ಲ. ಆಸೆ ಇರದೇ ಹೋದರೆ ಜೀವನದಲ್ಲಿ ಹುರುಪು ಇರುವುದಿಲ್ಲ. ಗೃಹಸ್ಥನಿಗೆ ಆಸೆ ಇರಬೇಕು. ಸಾಕಷ್ಟು ಹಣ ಸಂಪತ್ತೂ ಗಳಿಸಬೇಕು. ಆದರೆ, ಸಂಪತ್ತಿನ ಗಳಿಕೆ ಸನ್ಮಾರ್ಗದಲ್ಲಿರಬೇಕು. ಹೇಗೇಗೋ ದುಡ್ಡು ಮಾಡುವ ಆಸೆ ಇರಬಾರದು. ಎಷ್ಟೇ ಹಣ ಮಾಡು. ಅದೆಷ್ಟೇ ಶ್ರೀಮಂತನಾಗು, ತಪ್ಪಲ್ಲ; ಆದರೆ, ಮಾಡುವ ದುಡ್ಡು ಮತ್ತು ಸಂಪತ್ತು ನ್ಯಾಯ ಮಾರ್ಗದಲ್ಲಿರಬೇಕು. ಆಸೆ ಇರಬಾರದು. ಲೌಕಿಕ ಆಸೆಗಳು ದುಃಖಕ್ಕೆ ಮೂಲ ಎಂಬ ಮಾತು ಸನ್ಯಾಸಿಗಳಿಗೆ ಅನ್ವಯಿಸುತ್ತದೆಯೇ ವಿನಾ, ಗೃಹಸ್ಥನಿಗಲ್ಲ ಎಂದರಲ್ಲದೆ, ಪ್ರತಿ ಆಸೆಯನ್ನೂ ನ್ಯಾಯ ಮಾರ್ಗದಲ್ಲಿ ಈಡೇರಿಸಿಕೊಂಡಾಗ ಮಾತ್ರ ಜೀವ ಮಾಗಿ ಮೋಕ್ಷ ಕಾಣುತ್ತದೆ. ತೆಂಗಿನ ಗಿಡ ಬೆಳೆದಂತೆ ಎಲೆಗಳು ತಾನಾಗಿಯೇ ಬಿದ್ದು ಹೋಗುವಂತೆ ನಾವು ಬೆಳೆದಂತೆ ಕೆಳಮಟ್ಟದ ಆಸೆಗಳು ತಾವಾಗಿಯೇ ಬಿದ್ದು ಹೋಗುತ್ತವೆ.