ಡಾ.ರವೀಂದ್ರ ಬೆಳ್ಳಿಗೆ ಅಪಾರ ಸೇವಾ ಬದ್ಧತೆ

ಕನ್ನಡಪ್ರಭ ವಾರ್ತೆ ವಿಜಯಪುರ

ಕೃಷಿ ಮಹಾವಿದ್ಯಾಲಯದ ಸಹಾಯಕ ಸಹವಿಸ್ತರಣಾ ನಿರ್ದೇಶಕ ಡಾ.ರವೀಂದ್ರ ಬೆಳ್ಳಿ ಸೇವಾ ನಿವೃತ್ತಿ ಸಂದರ್ಭದಲ್ಲಿ ಅವರ ಹಿತೈಷಿಗಳು ಮತ್ತು ರೈತರು ಒಡಗೂಡಿ ನಗರದ ಕಂದಗಲ್ ಹನುಮಂತರಾಯ ರಂಗಮಂದಿರದಲ್ಲಿ ಹಮ್ಮಿಕೊಂಡಿದ್ದ ರೈತರ ಬದುಕು ಬೆಳ್ಳಿಯ ಬೆಳಕು ಎಂಬ ವಿನೂತನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.

ಬಾಗಲಕೋಟ ತೋಟಗಾರಿಕೆ ವಿವಿ ಕುಲಪತಿ ಡಾ.ವಿಷ್ಣುವರ್ಧನ ಮಾತನಾಡಿ, ಡಾ.ಬೆಳ್ಳಿ ರೈತ ಸೇವೆಯೇ ಜನಾರ್ಧನ ಸೇವೆ ಎಂದು ನಂಬಿ ಬದುಕಿದವರು. ಅವರ ಅವಧಿಯಲ್ಲಿ ಹಲವಾರು ಲೇಖನಗಳನ್ನು ರೈತರಿಗಾಗಿ ಬರೆದಿದ್ದಾರೆ. ಅನೇಕ ತರಬೇತಿಗಳನ್ನು ರೈತರಿಗಾಗಿ ಆಯೋಜಿಸಿದ್ದಾರೆ. ಒಟ್ಟಾರೆ ಅವರದು ಸಾರ್ಥಕ ಬದುಕು ಎಂದು ಬಣ್ಣಿಸಿದರು.

ಅಧ್ಯಕ್ಷತೆ ವಹಿಸಿದ ಕೃಷಿ ಸಚಿವರ ವಿಶೇಷ ಕರ್ತವ್ಯಾಧಿಕಾರಿ ಡಾ.ಎ.ಬಿ.ಪಾಟೀಲ ಮಾತನಾಡಿ, ಡಾ.ಬೆಳ್ಳಿಯವರು ಸದಾ ಕ್ರೀಯಾಶೀಲರು, ರೈತರಿಗೆ ಅನುಕೂಲವಾಗುವಂತೆ ತರಬೇತಿ, ಕೃಷಿ ತಂತ್ರಜ್ಞಾನ ಮಾಹಿತಿಗಳನ್ನು ರೈತರಿಗೆ ತಿಳಿ ಹೇಳಿ ರೈತರ ಆದಾಯ ದ್ವಿಗುಣವಾಗುವಂತೆ ಮಾಡಬೇಕು. ಬೆಳ್ಳಿಯ ಅವರ ಬದುಕು ನಿವೃತ್ತಿ ನಂತರವೂ ರೈತ ಪರವಾಗಿ ಮುಂದುವರಿಯಲಿ ಎಂದು ಶುಭಹಾರೈಸಿದರು.