ವಿಕಲಚೇತನರ ಸೌಲಭ್ಯ ಅನ್ಯರ ಪಾಲಾಗದಂತೆ ನೋಡಿಕೊಳ್ಳಿ

ಶಿರಹಟ್ಟಿ: ವಿಕಲಚೇತನರ ಶ್ರೇಯೋಭಿವೃದ್ಧಿಗಾಗಿ ರಾಜ್ಯ ಹಾಗೂ ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಎಲ್ಲ ಯೋಜನೆಗಳನ್ನು ಅವರಿಗಾಗಿ ಮಾತ್ರ ಸದ್ವಿನಿಯೋಗವಾಗಬೇಕು. ಲೋಪದೋಷವಾಗದಂತೆ ಅಧಿಕಾರಿಗಳು ಮುತುವರ್ಜಿ ವಹಿಸಬೇಕು.ಮುಖ್ಯವಾಗಿ ಈ ಕುರಿತು ಎಲ್ಲರಲ್ಲಿ ಜಾಗೃತಿ ಮೂಡುವ ಅಗತ್ಯವಾಗಿದೆ ಎಂದು ಕರ್ನಾಟಕ ಅಂಗವಿಕಲರ ರಾಜ್ಯ ಒಕ್ಕೂಟದ ಅಧ್ಯಕ್ಷ ಶಶಿಧರ ಶಿರಸಂಗಿ ಹೇಳಿದರು.

ಹಲವು ವರ್ಷಗಳಿಂದ ಪಪಂ ವ್ಯಾಪ್ತಿಯಲ್ಲಿ ಬರುವ ಶಿರಹಟ್ಟಿ, ಹರಿಪುರ ಹಾಗೂ ಖಾನಾಪುರದಲ್ಲಿರುವ ವಿಕಲಚೇತನರಿಗೆ ಪಪಂ ಅಭಿವೃದ್ಧಿ ಅನುದಾನದಲ್ಲಿ ವಿಕಲಚೇತನರ ಸರ್ವಾಂಗೀಣ ಅಭಿವೃದ್ಧಿಗಾಗಿ ಶೇ. ೫% ಹಣ ಮೀಸಲಿಡಬೇಕು ಎಂದು ನಿಯಮವಿದೆ ಆದರೆ ಸಮರ್ಪಕವಾಗಿ ನಿರ್ವಹಣೆ ಆಗುತ್ತಿಲ್ಲ ಎಂದರು.

ವಿಕಲಚೇತನರ ಮೀಸಲಾತಿಯಲ್ಲಿ ಬರುವ ನಿವೇಶನ ಹಾಗೂ ಮನೆಗಳನ್ನು ವಿಕಲಚೇತನರಿಗಾಗಿಯೇ ಮಂಜೂರು ಮಾಡಬೇಕು. ಇತರರಿಗೆ ನೀಡಿದಂತೆ ಕಡ್ಡಾಯ ಕಾನೂನು ರೂಪಿಸಬೇಕು. ಕಳೆದ ೧೦ ವರ್ಷಗಳಿಂದ ಇತ್ತೀಚೆಗೆ ವಿಕಲಚೇತನರ ಹೆಸರಿನಲ್ಲಿ ಮಂಜೂರಾದ ಮನೆಗಳನ್ನು ಸಾಮಾನ್ಯ ಜನರಿಗೆ ವಿಕಲಚೇತನರು ಎಂದು ಪರಿಗಣಿಸಿ ಬೇರೆಯವರಿಗೆ ಮನೆ ಮಂಜೂರು ಮಾಡಿದ್ದು ಕೇಳಿ ಬಂದಿದ್ದು, ಇದು ವಿಕಲಚೇತನ ವ್ಯಕ್ತಿಗಳ ಕಾಯಿದೆ ೨೦೧೬ರ ಅನ್ವಯ ಅಕ್ಷಮ್ಯ ಅಪರಾಧವಾಗಿದೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಸುಮಂಗಲಾ ಬೆಟಗೇರಿ, ಜ್ಯೋತಿ ಗೌಳಿ, ರೇಣುಕಾ ವಡವಿ, ಗಾಳೆಪ್ಪ ನಡುವಿಮನಿ, ವನಜಾಕ್ಷಿ ಹಾಲಗಿಮಠ, ರೇಖಾ ಕೊಡ್ಲಿ, ಲಕ್ಷ್ಮವ್ವ ಕರಿಲಿಂಗಣ್ಣವರ, ಜ್ವಾಲಮ್ಮ ಮಂಟಗಣಿ, ಪ್ರೇಮಾ ಬಡೆಪ್ಪನವರ, ಜಯಶ್ರೀ ಪೂಜಾರ, ಜಯಪ್ಪ ಲಮಾಣಿ, ನಾಮದೇವ ಲಮಾಣಿ, ಫಕೀರೇಶ ಹಡಪದ, ಶಿವಾನಂದ ಕುದರಿ, ಜಗದೀಶ ಕಮ್ಮಾರ. ಹಾಲೇಶ ಜಗದರ, ನಾಗಪ್ಪ ಅಣ್ಣಿಗೇರಿ, ಬಸವರಾಜ ತಳವಾರ, ರಾಜಶೇಖರ ಕನಕೇರಿ, ಮಂಜುನಾಥ ರಾಮಗೇರಿ, ಪ್ರಕಾಶ ಕಾಟ್ರಹಳ್ಳಿ, ಶರಣಪ್ಪ ಚಕಾರದ, ನಿಂಗಪ್ಪ ಹುಳ್ಳಿ, ಫಕ್ಕೀರೇಶ ಚಿಗಳ್ಳಿ ಮತ್ತಿತರರು ಉಪಸ್ಥಿತರಿದ್ದರು.