ಕಬ್ಬು ಸಾಗಣೆಗೆ ಕಾರ್ಖಾನೆ ಅಡ್ಡಿ: ಬೆಳೆಗಾರರ ಆಕ್ರೋಶ

ಕನ್ನಡಪ್ರಭ ವಾರ್ತೆ ಮಳವಳ್ಳಿ

ಇದು ತಾಲೂಕಿನ ಹಲವು ಗ್ರಾಮಗಳ ರೈತರು ಎದುರಿಸುತ್ತಿರುವ ಸಂಕಷ್ಟ ಪರಿಸ್ಥಿತಿ. ಮಳೆ ಅಭಾವದಿಂದ ಕಳೆದ ವರ್ಷ ಕೆಆರ್‌ಎಸ್‌ ಭರ್ತಿಯಾಗಲಿಲ್ಲ. ಮಳೆಯನ್ನು ನೆಚ್ಚಿಕೊಂಡು ಬೆಳೆ ಬೆಳೆದ ರೈತರು ಈಗ ಪರದಾಡುತ್ತಿದ್ದಾರೆ. ನಷ್ಟದ ಸುಳಿಗೆ ಸಿಲುಕುವ ಆತಂಕ ಎದುರಿಸುತ್ತಿದ್ದಾರೆ. ಇಂತಹ ಸಮಯದಲ್ಲಿ 8-9 ತಿಂಗಳ ಕಬ್ಬನ್ನು ಅರೆಯುವುದಕ್ಕೆ ನೆರೆ ಜಿಲ್ಲೆಯ ಬನ್ನಾರಿ ಷುಗರ್ಸ್ ರೆಡಿಯಾಗಿದ್ದರೂ ಸ್ಥಳೀಯ ಕಾರ್ಖಾನೆಯವರು ಅಡ್ಡಿಪಡಿಸುತ್ತಿರುವುದು ರೈತರನ್ನು ದಿಕ್ಕೆಡಿಸಿದೆ.

ಮಳೆ ಅಭಾವದಿಂದ ಜಲಾಶಯದಲ್ಲಿ ನೀರಿಲ್ಲದೆ ನಾಲೆಗಳಲ್ಲಿ ನೀರು ಹರಿಯದ ಪರಿಣಾಮ ಬೆಳೆದು ನಿಂತಿರುವ ಕಬ್ಬು ಒಣಗುತ್ತಿದೆ. ಇದೇ ಪರಿಸ್ಥಿತಿ ಮುಂದುವರೆದರೆ ಕಬ್ಬು ಉರುವಲಾಗಿ ನಷ್ಟವಾಗುತ್ತದೆ. ಹಾಗಾಗಿ ಕಬ್ಬನ್ನು ಅವಧಿಪೂರ್ವವಾಗಿ ಕಟಾವು ಮಾಡಿ ಬೇರೆ ಕಾರ್ಖಾನೆಗೆ ಸಾಗಾಣಿಕೆ ಮಾಡಲು ರೈತರು ಮುಂದಾಗಿದ್ದಾರೆ.

ಈಗಾಗಲೇ ತಾಲೂಕಿನ ತಳಗವಾದಿ, ದೇವಿಪುರ, ನೆಲಮಾಕನಹಳ್ಳಿ ಇತರ ಗ್ರಾಮಗಳಲ್ಲಿ ಕಬ್ಬು ಕಟಾವು ಮಾಡಿದ್ದು, ಸಾಗಾಣಿಕೆಗೆ ಅವಕಾಶ ಮಾಡಿಕೊಡದ ಹಿನ್ನೆಲೆಯಲ್ಲಿ ಮೂರು ನಾಲ್ಕು ದಿನಗಳಿಂದ ದಿನಗಳಿಂದ ಒಣಗಿ ಹಾಳಾಗುತ್ತಿದೆ.

ತಾಲೂಕಿನ ಹಲವು ಗ್ರಾಮಗಳಲ್ಲಿ ಕಟಾವಾದ ಕಬ್ಬು ಒಣಗಿ ಹಾಳಾಗುತ್ತಿದೆ. ತಳಗವಾದಿ ಗ್ರಾಮದ ರೈತ ಹನುಮಂತು ಕಟಾವು ಮಾಡಿರುವ ಕಬ್ಬು 25 ಟನ್ ಒಣಗಿಹೋಗಿದೆ. ಹೀಗೆ ಹಾಳಾದ ಕಬ್ಬಿಗೆ ನಷ್ಟ ತುಂಬಿಕೊಡುವವರು ಯಾರು? ಇದೇ ಪರಿಸ್ಥಿತಿಯನ್ನು ಹಲವಾರು ರೈತರು ಎದುರಿಸುತ್ತಿದ್ದಾರೆ ಎಂದು ದೂರಿದರು.

ಬನ್ನಾರಿ ಅಮ್ಮನ್ ಸಕ್ಕರೆ ಕಾರ್ಖಾನೆಯೂ ಸ್ಥಗಿತ: