ಭಕ್ತಿಗೆ ಭಯ ಮೂಲವಾಗದೆ ಶ್ರದ್ಧೆ ಮೂಲವಾಗಬೇಕು

ಕನ್ನಡಪ್ರಭ ವಾರ್ತೆ ಸಿರಿಗೆರೆ

ಸಿರಿಗೆರೆಯ ಗುರುಶಾಂತರಾಜ ದಾಸೋಹ ಮಂಟಪದಲ್ಲಿ ತರಳಬಾಳು ಪ್ರಾಥಮಿಕ ಮತ್ತು ತರಳಬಾಳು ಸಿಬಿಎಸ್‌ಸಿ ಶಾಲೆಯ ವತಿಯಿಂದ ಆಯೋಜಿಸಲಾಗಿದ್ದ ಶ್ರೀಗಳ ಪಾದಪೂಜೆ ಮತ್ತು ಅಕ್ಷರಾಭ್ಯಾಸ ಸಮಾರಂಭದಲ್ಲಿ ಆಶೀರ್ವಚನ ನೀಡಿದರು.

ಕಾವಿ ಬಟ್ಟೆ ಧರಿಸಿದವರೇ ಗುರುವಾಗಬೇಕೆಂಬುದೇನಿಲ್ಲ. ಮಕ್ಕಳ ಮನಸ್ಸನ್ನು ಅರಳಿಸಿ ಅವರ ಪುರೋಭಿವೃದ್ಧಿಗೆ ಕಾರಣರಾಗುವ ಎಲ್ಲಾ ವ್ಯಕ್ತಿಗಳೂ ಸಹ ಗುರುಗಳೇ ಆಗಿರುತ್ತಾರೆ ಎಂದು ಶ್ರೀಗಳು ತಿಳಿಸಿದರು.

ಹಿಂದೆ ಮಕ್ಕಳಿಗೆ ಅಕ್ಷರಾಭ್ಯಾಸವನ್ನು ಸಾಂಪ್ರದಾಯಿಕವಾಗಿ ನಡೆಸಲಾಗುತ್ತಿತ್ತು. ಬಳಪವನ್ನು ಬಳಸಿ ಸ್ಲೇಟಿನ ಮೇಲೆ ಈಗ ಅಕ್ಷರಾಭ್ಯಾಸ ಮಾಡಿಸಿದೆವು. ಆದರೆ ಶಾಲೆಗಳು ಈಗ ತಾಂತ್ರಿಕವಾಗಿ ಮುನ್ನಡೆ ಸಾಧಿಸಿದ್ದು ಮಕ್ಕಳು ಟ್ಯಾಬ್‌ಗಳನು ಬಳಸಿ ಪಾಠ ಕೇಳುವ ದಿನಮಾನಕ್ಕೆ ಬಂದಿದ್ದಾರೆ ಎಂದರು.

ಕಾರ್ಯಕ್ರಮದಲ್ಲಿ ತರಳಬಾಳು ಪ್ರೈಮರಿ ಶಾಲೆ ಮುಖ್ಯಸ್ಥೆ ಎಂ.ಎನ್.‌ಶಾಂತಾ, ತರಳಬಾಳು ಸಿಬಿಎಸ್‌ಸಿ ಶಾಲೆ ಮುಖ್ಯಸ್ಥ ದಿಲೀಪ್‌, ಅಣ್ಣನ ಬಳಗದ ಅಧ್ಯಕ್ಷ ಬಿ.ಎಸ್.‌ ಮರುಳಸಿದ್ಧಯ್ಯ, ಶಾಲಾ ಕಾಲೇಜು ಮುಖ್ಯಸ್ಥರುಗಳಾದ ಶಿವನಗೌಡ ಸುರಕೋಡ, ಕೆ.ಇ. ಬಸವರಾಜಪ್ಪ, ಎ.ಬಿ. ಮಂಜುನಾಥ್‌, ಪ್ರೊ. ಶಿವಬಸವ, ಎಂ.ಎಸ್.‌ ಸೋಮಶೇಖರ್‌, ಶಿಕ್ಷಕರು, ಪೋಷಕರು ಸೇರಿದಂತೆ ಸಾವಿರಾರು ಮಕ್ಕಳು ಭಾಗಿಯಾಗಿದ್ದರು.

ಕಿಕ್ಕಿರಿದು ಸೇರಿದ್ದ ಪೋಷಕರು

ಅವ್ಯಕ್ತ ಸಂತಸ ಅನುಭವಿಸಿದ ಪೋಷಕರು