ಗಣಿಗಾರಿಕೆಗೆ ಸಿದ್ಧತೆ ವಿರೋಧಿಸಿ ರೈತರಿಂದ ಹೋರಾಟಕ್ಕೆ ಸಭೆ

ಕನ್ನಡಪ್ರಭ ವಾರ್ತೆ ಶನಿವಾರಸಂತೆ

ಕೊಡಗು ಮತ್ತು ಹಾಸನ ಜಿಲ್ಲಾ ಗಡಿಭಾಗದಲ್ಲಿರುವ ಹಾಸನ ಜಿಲ್ಲೆಗೆ ಸೇರಿದ ಹೊಸೂರು ಕೌಕೋಡಿ ಗ್ರಾಮದ ಹೊಸಕೋಟೆ ಬೆಟ್ಟದ ಅಂಚಿನಲ್ಲಿ ಕೊಡಗು ಜಿಲ್ಲೆಯ ತೋಳೂರುಶೆಟ್ಟಳ್ಳಿ ಗ್ರಾ.ಪಂ.ವ್ಯಾಪ್ತಿಯ ಗ್ರಾಮಗಳಿದ್ದು ಈ ಉಭಯ ಜಿಲ್ಲಾ ಭಾಗದಲ್ಲಿ ರೈತರು ಗ್ರಾಮಸ್ಥರು ವ್ಯವಸಾಯ ಮಾಡಿಕೊಂಡು ಬದಕುತ್ತಿದ್ದಾರೆ.

ಈ ಭಾಗದಲ್ಲಿ ಗಣಿಗಾರಿಕೆ ಮಾಡಲು ನಿವೃತ್ತ ಅಧಿಕಾರಿಗಳು, ಉನ್ನತ್ತ ಅಧಿಕಾರಿಗಳು, ಪ್ರಭಾವಿಗಳು ಗಣಿಗಾರಿಕೆಗೆ ಅನುಮತಿ ಪಡೆದು ಸಿದ್ಧತೆ ಮಾಡಿಕೊಂಡಿರುವ ಬಗ್ಗೆ ಮಾಹಿತಿ ಬಂದಿದೆ. ಈ ನಿಟ್ಟಿನಲ್ಲಿ ಉಭಯ ಭಾಗದ ರೈತರೆಲ್ಲರೂ ಒಂದಾಗಿ ಗಣಿಗಾರಿಕೆಯನ್ನು ತಡೆಯುವ ಸಲುವಾಗಿ ಹೋರಾಟ ಮಾಡಬೇಕಾಗಿದೆ ಮತ್ತು ಗಣಿಗಾರಿಕೆಗೆ ಅನುಮತಿ ನೀಡದಂತೆ ಈಗಾಗಲೇ ಸಂಬಂಧ ಪಟ್ಟ ಅಧಿಕಾರಿಗಳಿಗೆ ಮನವಿ ನೀಡಲಾಗಿದೆ ಎಂದರು.

ಕೊಡಗು ಜಿಲ್ಲೆಯ ತೋಳೂರಿಶೆಟ್ಟಳ್ಳಿಯ ರೈತ ಮುಖಂಡ ಕೂತಿ ದಿವಾಕರ್ ಮಾತನಾಡಿ, ಕೊಡಗು ಮತ್ತು ಹಾಸನ ಪಶ್ಚಿಮಘಟ್ಟ ಸಾಲಿನ ಪ್ರಕೃತಿ ಮಡಿಲಿನಲ್ಲಿ ಜೀವನ ಸಾಗಿಸುತ್ತಿರುವ ರೈತರಾಗಿದ್ದೇವೆ. ಅದೇ ರೀತಿಯಲ್ಲಿ ನಾವೆಲ್ಲಾರೂ ಒಂದಾಗಿ ಪ್ರಕೃತಿ ರಕ್ಷಣೆ ಮಾಡಲು ಮುಂದಾಗಬೇಕಿದೆ ಎಂದರು. ಪಶ್ಚಿಮಘಟ್ಟ ಉಳಿಸಲು ಜಿಲ್ಲೆ, ಹೊರ ಜಿಲ್ಲೆ ಎಂಬ ತಾರತಮ್ಯ ಮಾಡದೆ ಗಣಿಗಾರಿಕೆ ಮಾಡುವುದನ್ನು ತಡೆಯಲು ನಾವೆಲ್ಲಾರೂ ಒಂದಾಗಿ ಹೋರಾಟಕ್ಕೆ ಕೈಜೋಡಿಸುತ್ತೇವೆ ಎಂದು ಭರವಸೆ ನೀಡಿದರು.