ರೈತರು ನೀರು ಪೋಲಾಗದಂತೆ ಜಾಗ್ರತೆ ವಹಿಸಿ

-ಸಂಸದ ರಾಘವೇಂದ್ರ ಸಲಹೆ। ಗಾಳಿ ಆಂಜನೇಯ ಸ್ವಾಮಿ ದೇಗುಲದ ಬನ್ನಿ ಮಂಟಪದಲ್ಲಿ ದಸರಾ ಉತ್ಸವಕನ್ನಡಪ್ರಭ ವಾರ್ತೆ ಶಿಕಾರಿಪುರ

ತಾಲೂಕು ಆಡಳಿತ ಮತ್ತು ಗ್ರಾ.ಪಂ ಬೇಗೂರು ಹಾಗೂ ವಿವಿಧ ದೇವಸ್ಥಾನ ಉಸ್ತುವಾರಿ ಸಮಿತಿಯಿಂದ ತಾಲೂಕಿನ ಬೇಗೂರು ಮರಡಿ ತಾಂಡಾದಲ್ಲಿನ ಗಾಳಿ ಆಂಜನೇಯ ಸ್ವಾಮಿ ದೇವಸ್ಥಾನದ ಮುಂಭಾಗದ ಬನ್ನಿ ಮಂಟಪದಲ್ಲಿ ದಸರಾ ಉತ್ಸವ ಉದ್ಘಾಟಿಸಿ ಅವರು ಮಾತನಾಡಿದರು.

ಶ್ರೀರಾಮಚಂದ್ರ ವನವಾಸದಿಂದ ಅಯೋಧ್ಯೆಗೆ ವಾಪಸಾಗಿದ್ದು ಹಾಗೂ ವಿಜಯನಗರದಲ್ಲಿ ಹಿಂದೂ ಸಾಮ್ರಾಜ್ಯಕ್ಕೆ ಸಂಕಲ್ಪದ ಅತ್ಯಂತ ಶುಭ ಸಂದರ್ಭ ಎಂದು ತಿಳಿಸಿದರು.

ಭೀಕರ ಬರಗಾಲದಿಂದ ರೈತ ಸಮುದಾಯ ತೀವ್ರ ಸಂಕಷ್ಟ ಎದುರಿಸಬೇಕಾಗಿದೆ ಎಂದ ಅವರು ಭೂಮಿಯ ಆರೋಗ್ಯ ಹಾಳಾಗುತ್ತಿದ್ದು ಮೆಕ್ಕೆಜೋಳ ಸಹಿತ ಫಸಲು ನಾಶವಾಗುತ್ತಿದೆ. ಏತ ನೀರಾವರಿ ಯೋಜನೆಯ ಪೈಪ್ ಲೈನ್ ಹಾಳಾಗದಂತೆ ಮೇಲ್ಭಾಗದ ರೈತರು ಬೇಕಾಬಿಟ್ಟಿ ನೀರು ಹಾಯಿಸಿ ಉಳಿದವರಿಗೆ ತೊಂದರೆಯಾಗದಂತೆ ತಾಲೂಕಿನ ಆಸ್ತಿಯನ್ನು ಕಾಪಾಡಿ ಎಂದು ಅವರು ಮನವಿ ಮಾಡಿದರು.

ಮುಂದಿನ ದಸರಾದಲ್ಲಿ ದೊಡ್ಡ ರ್‍ಯಾಂಪ್‌ ನಿರ್ಮಿಸಿ ಪಟಾಕಿ ಸಿಡಿಸಿ ತಡರಾತ್ರಿ ವರೆಗೆ ಜನತೆ ಸ್ಥಳದಲ್ಲಿದ್ದು ಸಂಭ್ರಮಿಸುವ ರೀತಿ ವಾತಾವರಣ ನಿರ್ಮಿಸಲಾಗುವುದು ಎಂದು ತಿಳಿಸಿದರು.

ತಾಯಿ ಚಾಮುಂಡೇಶ್ವರಿ ಪ್ರತಿಯೊಬ್ಬರಿಗೂ ನೆಮ್ಮದಿ ಜೀವನ ಕರುಣಿಸಲಿ ಎಂದು ಪ್ರಾರ್ಥಿಸಿದರು. ಪೋಷಕರು ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣಕ್ಕೆ ಮಾತ್ರ ಆದ್ಯತೆ ನೀಡುತ್ತಿದ್ದು, ಗುರುಹಿರಿಯರನ್ನು ಗೌರವಿಸುವ ಸಂಸ್ಕಾರ ಸಂಪ್ರದಾಯ ಪಾಲಿಸುವ ಬಗ್ಗೆ ತಿಳಿಹೇಳಬೇಕಾಗಿದೆ ಎಂದರು.

ವೇದಿಕೆಯಲ್ಲಿ ವಿವಿಧ ದೇವಸ್ಥಾನ ಸಮಿತಿ ಅಧ್ಯಕ್ಷ ವೀರೇಶ್, ನಗರದ ಅಶೋಕಣ್ಣ, ಚಾರಗಲ್ಲಿ ಪರಶುರಾಮ, ಹಳ್ಳೆಣ್ಣೆ ಗಿಡ್ಡಪ್ಪ, ಕೃಷ್ಣೋಜಿರಾವ್, ಸುಧೀರರಾವ್, ಭೀಮರಾವ್, ನಾಗಪ್ಪ, ಲಕ್ಷ್ಮಣರಾವ್ ಇದ್ದರು.

ಶಿಕಾರಿಪುರದ ಬೇಗೂರು ಮರಡಿ ತಾಂಡಾದಲ್ಲಿನ ಗಾಳಿ ಆಂಜನೇಯಸ್ವಾಮಿ ದೇವಸ್ಥಾನದ ಬನ್ನಿ ಮಂಟಪದಲ್ಲಿ ದಸರಾ ಉತ್ಸವಕ್ಕೆ ಸಂಸದ ರಾಘವೇಂದ್ರ ಚಾಲನೆ ನೀಡಿದರು.