ರೈತರು, ವ್ಯಾಪಾರಸ್ಥರು, ಬಡವರಿಗೆ ಸಹಕಾರ ಸಂಘಗಳಿಂದ ಅನುಕೂಲ

ಮರಿಯಮ್ಮನಹಳ್ಳಿ; ರಾಜ್ಯ ಮತ್ತು ಕೇಂದ್ರ ಸರ್ಕಾರವು ಅನೇಕ ಯೋಜನೆಗಳನ್ನು ರೈತರ ಅನುಕೂಲತೆಗಾಗಿ ಜಾರಿಗೊಳಿಸಿವೆ. ಸಹಕಾರ ತತ್ವದಡಿ ರೈತರಿಗೆ ಮತ್ತು ಸಹಕಾರಿಗಳಿಗೆ ನೆರವಾಗಿ ನೆರವಾಗಲಿವೆ ಎಂದು ಬಳ್ಳಾರಿ ಜಿಲ್ಲಾ ಸಹಕಾರ ಯೂನಿಯನ್ ಹೊಸಪೇಟೆಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ನಾಗರಾಜ ತಿಳಿಸಿದರು.

ಗ್ರಾಮೀಣ ಪ್ರದೇಶದ ಜನರು ಸ್ವಾಭಿಮಾನದಿಂದ ಜೀವನ ಸಾಗಿಸಲು ಸಹಕಾರ ಸಂಘಗಳು ಅಪಾರವಾದ ಕೊಡುಗೆ ನೀಡಿವೆ. ರೈತರಿಗೆ ಮತ್ತು ಜನಸಾಮಾನ್ಯರಿಗೆ ಇನ್ನಷ್ಟು ಸಹಾಯ ನೀಡಲು ಸಹಕಾರ ಸಂಘಗಳು ಮುಂದಾಗಿವೆ. ಸಹಕಾರ ಸಂಘಗಳನ್ನು ಜನರು ಸಮರ್ಪಕವಾಗಿ ಬಳ‍ಸಿಕೊಂಡು ಆರ್ಥಿಕಾಭಿವೃದ್ಧಿ ಹೊಂದಲು ಮುಂದಾಗಿದ್ದಾರೆ ಎಂದು ಅವರು ಹೇಳಿದರು.

ಸಹಕಾರ ಸಂಘಗಳು ರೈತರಿಗೆ, ಸಣ್ಣ ವ್ಯಾಪಾರಿಗಳಿಗೆ, ಬಡವರಿಗೆ ಅನುಕೂಲವಾಗಿವೆ. ವ್ಯಾಪಾರಸ್ಥರಿಗೆ ಸಾಲ ಸೌಲಭ್ಯ, ರೈತರಿಗೆ ಬಿತ್ತನೆಬೀಜ, ಗೊಬ್ಬರ ಸೇರಿದಂತೆ ಇತರೆ ಕೃಷಿ ಸಾಮಗ್ರಿಗಳನ್ನು ಸಹಕಾರ ಸಂಘದ ಮೂಲಕ ಪಡೆದುಕೊಳ್ಳಬಹುದು ಎಂದು ಅವರು ವಿವರಿಸಿದರು.

ಬಳ್ಳಾರಿ ಜಿಲ್ಲಾ ಸಹಕಾರ ಯೂನಿಯನ್‌ ಜಿಲ್ಲಾ ಸಹಕಾರ ಶಿಕ್ಷಕ ಶ್ರೀನಿವಾಸ ಗೊಲ್ಲರ್‌ ಸಭೆಯಲ್ಲಿ ಮಾತನಾಡಿದರು.