ಡೆಪ್ಯುಟಿ ಸ್ಪೀಕರ್‌ ಲಮಾಣಿ ವಿರುದ್ಧ ಎಫ್‌ಐಆರ್‌ ದಾಖಲಿಸಿ: ಸಂತ ಬಾಲಕೃಷ್ಣ ಮಹಾರಾಜ್

ಕನ್ನಡಪ್ರಭ ವಾರ್ತೆ ದಾವಣಗೆರೆ

ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ ಸಂತ ಸೇವಾಲಾಲ್‌ರ ವಂಶಸ್ಥರಾದ ತಾವು 8-9ನೇ ಪೀಳಿಗೆಯವರಾಗಿದ್ದು, ಮಹಾರಾಷ್ಟ್ರದ ಬರಾಡ್‌ನ ಪೌರಾದೇವಿ ಶಕ್ತಿ ಪೀಠದ ಶ್ರೀ ರಾಮರಾವ್ ಮಹಾರಾಜರಿಂದ ತಾವು ದೀಕ್ಷೆ ಪಡೆದು, ಸೂರಕೊಂಡನಕೊಪ್ಪ ಸುಕ್ಷೇತ್ರದಲ್ಲಿ ತಮ್ಮ ವಂಶಸ್ಥರು ಚಿಕ್ಕ ಕಲ್ಲಿನ ಮಂಟಪ ಕಟ್ಟಿದ್ದಲ್ಲಿ ಪೂಜೆ ಮಾಡಿಕೊಂಡು ಬಂದಿದ್ದೇವೆ ಎಂದರು.

ಸೂರಗೊಂಡನಕೊಪ್ಪದ ಸಂತರಾದ ತಮ್ಮನ್ನು ಸಮಾಜ ಬಾಂಧವರ ಮುಂದೆ ಸಾರ್ವಜನಿಕವಾಗಿ ಎಳೆದಾಡಿ, ಅವಾಚ್ಯವಾಗಿ ನಿಂದಿಸಿದ ರುದ್ರಪ್ಪ ಲಮಾಣಿ ವಿರುದ್ಧ ಕ್ರಮ ಕೈಗೊಳ್ಳಬೇಕು. ರುದ್ರಪ್ಪ ಲಮಾಣಿ ಕ್ಷಮಾಪಣೆ ಕೇಳಬೇಕು. ಅಂದಿನ ಘಟನೆ ಬಗ್ಗೆ ಸ್ಪಷ್ಟನೆ ನೀಡಬೇಕು. ಅಲ್ಲದೇ, ಸುಕ್ಷೇತ್ರದಲ್ಲಿ ಶ್ರೀ ಸಂತ ಸೇವಾಲಾಲರ ಮೂರ್ತಿ ಪೂಜೆಗೆ ಅವಕಾಶ ಮಾಡಿಕೊಡಬೇಕು ಎಂದು ಶ್ರೀ ಬಾಲಕೃಷ್ಣ ಮಹಾರಾಜ ಆಗ್ರಹಿಸಿದರು.

ಸಮಾಜದ ಮುಖಂಡರಾದ ಡ್ಯೂರಾ ನಾಯ್ಕ, ಪ್ರಕಾಶ ನಾಯ್ಕ, ಹೀರಾನಾಯ್ಕ, ಅನಂತ ನಾಯ್ಕ ಇತರರಿದ್ದರು.