ಈಚೆಗೆ ಆನೆಕಾಡುವಿನಲ್ಲಿ ಕಾರು, ಬೈಕು, ಪಿಕಪ್ ವಾಹನಗಳ ನಡುವೆ ನಡೆದ ಅಪಘಾತದಲ್ಲಿ ಮೃತಪಟ್ಟ ಹಾಗೂ ಗಾಯಾಳುಗಳಿಗೆ 7ನೇ ಹೊಸಕೋಟೆಯ ಹಿಂದೂ ಗೆಳೆಯರ ಬಳಗದ ವತಿಯಿಂದ ಧನಸಹಾಯ ನೀಡಿ ಸಾಂತ್ವನ ಹೇಳಲಾಯಿತು.
ಸುಂಟಿಕೊಪ್ಪ : ಈಚೆಗೆ ಆನೆಕಾಡುವಿನಲ್ಲಿ ಕಾರು, ಬೈಕು, ಪಿಕಪ್ ವಾಹನಗಳ ನಡುವೆ ನಡೆದ ಅಪಘಾತದಲ್ಲಿ ಮೃತಪಟ್ಟ ಹಾಗೂ ಗಾಯಾಳುಗಳಿಗೆ 7ನೇ ಹೊಸಕೋಟೆಯ ಹಿಂದೂ ಗೆಳೆಯರ ಬಳಗದ ವತಿಯಿಂದ ಧನಸಹಾಯ ನೀಡಿ ಸಾಂತ್ವನ ಹೇಳಲಾಯಿತು.
ಭೀಕರ ಅಪಘಾತದಲ್ಲಿ ಮೃತಪಟ್ಟ ತಮ್ಮ ಬಳಗದ ರತನ್ ಉಣ್ಣಿ ಅವರ ಮನೆಯವರಿಗೆ ರು. 36,500, ಆದರ್ಶ್ ಕುಟುಂಬಕ್ಕೆ ರು. 30, 000 ಹಾಗೂ ಗಾಯಾಳು ಚಂದ್ರಶೇಖರ್ ಅವರಿಗೆ ರು. 20, 000 ಗಳ ಸಹಾಯ ಧನ ನೀಡಿ ಧೈರ್ಯ ತುಂಬಿದರು.ಹಿಂದೂ ಗೆಳೆಯರ ಬಳಗದ ಅಧ್ಯಕ್ಷ ಶರವಣ ಕುಮಾರ್, ಕಾರ್ಯದರ್ಶಿ ಟಿ.ವಿ. ಪ್ರಕಾಶ್, ಉಪಾಧ್ಯಕ್ಷ ಸತೀಶ್ ಕುಮಾರ್, ಬಳಗದ ವಿಕ್ರಂ, ರವಿ, ಸಿಜು, ಆಟೋ ರವಿ ಮತ್ತು ಸಂಘಟನೆಯ ಸದಸ್ಯರು ಇದ್ದರು.ಕಳೆದ 2 ವರ್ಷಗಳಿಂದ ಈ ಬಳಗದ ಸದಸ್ಯರು ರಕ್ತದಾನ, ಬಡವರಿಗೆ ಸಹಾಯ ಸೇರಿದಂತೆ ಸಾಮಾಜಿಕ ಸೇವೆಗಳಲ್ಲಿ ತೊಡಗಿಕೊಂಡಿದ್ದು ಸಾರ್ವಜನಿಕರಲ್ಲಿ ಶ್ಲಾಘನೆ ವ್ಯಕ್ತವಾಗಿದೆ.