ಕೆರೆ ಕೋಡಿಯಲ್ಲಿ ಕೊಚ್ಚಿಹೋದ ಮೀನು: ಅಪಾರ ನಷ್ಟ

ಮಾಗಡಿ: ತಾಲೂಕಿನಲ್ಲಿ ವಾರದಿಂದ ಸುರಿದ ಸತತ ಮಳೆಯಿಂದ ಬಹುತೇಕ ತಾಲೂಕಿನ ಕೆರೆಗಳೆಲ್ಲ ಕೋಡಿ ಹರಿದು ಕೆರೆಯಲ್ಲಿ ಬಿಟ್ಟಿದ್ದ ಮೀನೆಲ್ಲ ಕೊಚ್ಚಿ ಹೋಗಿ ಅಪಾರ ನಷ್ಟ ಉಂಟಾದ ಘಟನೆ ನಡೆದಿದೆ.

ತಾಲೂಕಿನ ಬೆಳಗುಂಬ ಕೆರೆ ಹಾಗೂ ಕೆಂಪಸಾಗರ ಕೆರೆಗಳಿಗೆ ಇತ್ತೀಚೆಗಷ್ಟೇ ಮೀನು ಮರಿಗಳನ್ನು ಬಿಡಲಾಗಿತ್ತು. ಈಗ ಈ ಎರಡು ಕೆರೆಗಳು ಕೋಡಿ ಬಿದ್ದು ಅಪಾರ ಸಂಖ್ಯೆಯಲ್ಲಿ ನೀರು ಹರಿಯುತ್ತಿದೆ. ಮೀನುಗಾರಿಕೆ ಇಲಾಖೆ ಹಾಗೂ ಸಣ್ಣ ನೀರಾವರಿ ಇಲಾಖೆ ಅಧಿಕಾರಿಗಳು ಯಾವುದೇ ಕಾರಣಕ್ಕೂ ಮೀನನ್ನು ಹಿಡಿಯುವ ನಿಟ್ಟಿನಲ್ಲಿ ಕೆರೆಯ ಕೋಡಿಗೆ ತಂತಿ ಬಲೆ ಹಾಗೂ ಮೆಸ್ ಹಾಕಬಾರದು. ಬಲೆಗಳಲ್ಲಿ ವಸ್ತುಗಳು ಸಿಲುಕಿಕೊಂಡು ನೀರು ಅಲ್ಲೇ ಉಳಿದರೆ ಕೆರೆ ಏರಿಗೆ ಅಪಾಯ ಆಗುತ್ತದೆ ಎಂದು ಮೀನು ಬಿಟ್ಟಿದ್ದ ಮಾಲೀಕರಿಗೆ ಸೂಚನೆ ನೀಡಿದ್ದಾರೆ. ಇದರಿಂದ ಮೀನುಗಳು ಕೆರೆ ಕೋಡಿಯಿಂದ ಕೊಚ್ಚಿ ಹೋಗಿದ್ದು ಅಪಾರ ನಷ್ಟ ಉಂಟಾಗಿದೆ ಎಂದು ಮಾಲೀಕರು ತಿಳಿಸಿದ್ದಾರೆ.