ಬತ್ತೇರಿ ರಸ್ತೇಲಿ ಹೂ ಖರೀದಿ ಬಲು ಜೋರು

ಕನ್ನಡಪ್ರಭ ವಾರ್ತೆ ಗುಂಡ್ಲುಪೇಟೆ

ಹೂವಿಗೆ ಭಾರೀ ಬೇಡಿಕೆ ಇರುವ ಸುಳಿವರಿತ ಕೇರಳ ರಸ್ತೆಯಲ್ಲಿರುವ ರೈತರು ಹಾಗೂ ಮಾರಾಟಗಾರರು ರಸ್ತೆ ಬದಿಯಲ್ಲೇ ವ್ಯಾಪಾರಕ್ಕೆ ಇಳಿದಿದ್ದಾರೆ. ಓಣಂ ಹಬ್ಬದ ಪರಿಣಾಮ ಚೆಂಡು ಮಲ್ಲಿಗೆ ಕೆಂಪು, ಹಳದಿ, ಕಾಶಿಗೊಂಡ, ಗುಲಾಬಿಯ ೭ ವಿವಿಧ ಬಣ್ಣ ಹಾಗೂ ಸೇವಂತಿಗೆ ಬಿಳಿ, ಕೆಂಪು ಬಣ್ಣದ ಹೂವಿನ ರಾಶಿ ರಸ್ತೆಯಲ್ಲಿ ಖರೀದಿಗೆ ಪ್ರವಾಸಿಗರು ಮುಂದಾಗಿದ್ದರು.

ಹೂವಿಗೆ ಕೇರಳದಲ್ಲಿ ಭಾರೀ ಬೇಡಿಕೆ ಇರುವ ಕಾರಣ ರೈತರಿಂದ ಕಡಿಮೆ ಬೆಲೆಗೆ ಹೂ ಖರೀದಿಸಿ, ಕೇರಳಕ್ಕೆ ತೆರಳಿ ದುಪ್ಪಟ್ಟು ಹಣಕ್ಕೆ ಮಾರಾಟ ಮಾಡಿ ಮಧ್ಯವರ್ತಿಗಳು ಲಾಭ ಮಾಡಿಕೊಳ್ಳಲು ಮುಂದಾಗಿದ್ದಾರೆ. ರೈತರು ಮಾತ್ರ ಈ ಬಾರಿ ಒಂದು ಹೆಜ್ಜೆ ಮುಂದೆ ಹೋಗಿ ತಾವೇ ಹೂವಿನ ಮಾರಾಟಕ್ಕೆ ಮಾಡುತ್ತಿದ್ದಾರೆ.

ಓಣಂ ಹಬ್ಬದಲ್ಲಿ ರಂಗೋಲಿಗೆ ಹೂ ಬಳಕೆ:

ರಸ್ತೆಯ ಬದಿಯಲ್ಲಿ ರೈತರೇ ವ್ಯಾಪಾರ ಮಾಡುವ ಕಾರಣ ರೈತರಿಗೆ ಹೂವಿನ ಬೆಳೆ ಲಾಭದಾಯಕವಾಗಿದೆ. ಈ ಭಾರಿ ಇಳುವರಿ ಬಂದಿದೆ. ಆದರೆ ಕಳೆದ ಬಾರಿಗಿಂತ ಈ ಬಾರಿ ವ್ಯಾಪಾರ ಕಡಿಮೆಯಾದಂತಿದೆ.ಪರಶಿವ ಚನ್ನಮಲ್ಲೀಪುರ ಗ್ರಾಮರಸ್ತೆ ಬದಿಯಲ್ಲಿ ವಿವಿಧ ಬಗೆ ಬಣ್ಣದ ಹೂವು ನೋಡುವುದೇ ಒಂದು ಸೊಬಗಾಗಿದೆ. ಇಂಥ ದೃಶ್ಯ ಓಣಂ ಸಮಯದಲ್ಲಿ ಮಾತ್ರ ಕಾಣಲಿದೆ. ಹಲವಾರು ಬಗೆಯ ಬಣ್ಣದ ಹೂ ಖರೀದಿ ಮಾಡಿದ್ದೇನೆ.-ಬಿಜು, ಪ್ರವಾಸಿಗ, ಸುಲ್ತಾನ್ ಬತ್ತೇರಿ,