ಆಹಾರ ಸುರಕ್ಷತಾಧಿಕಾರಿಗಳ ಭೇಟಿ ಪರಿಶೀಲನೆ

ಕನ್ನಡಪ್ರಭ ವಾರ್ತೆ ಚನ್ನರಾಯಪಟ್ಟಣ

ಅಂಕಿತಾಧಿಕಾರಿ ಡಾ.ಅನಿಲ್ ಧವನ್ ಅವರ ಆದೇಶದಂತೆ ಪಟ್ಟಣದ ರಸ್ತೆ ಬದಿಯಲ್ಲಿರುವ ಕ್ಯಾಂಟೀನ್ ಸೇರಿದಂತೆ ೨೦ ಹೋಟೆಲ್‌ಗಳ ಮೇಲೆ ಆಹಾರ ಸುರಕ್ಷಿತ ಅಧಿಕಾರಿಗಳಾದ ಕೆ. ವಿನಯ್, ಎಂ.ಶರತ್ ಅವರು ದಿಢೀರ್‌ ಭೇಟಿ ನೀಡಿ ಆಹಾರ ಸುರಕ್ಷತೆ ಮತ್ತು ನೈರ್ಮಲ್ಯ ಮಾನದಂಡಗಳನ್ನು ಪರಿಶೀಲಿಸಿದರು.

ನೀರಿನ ಗುಣಮಟ್ಟದ ವಿಶ್ಲೇಷಣೆ, ಕೀಟ ನಿಯಂತ್ರಣ ಮತ್ತು ಆಹಾರ ನಿರ್ವಹಿಸುವವರ ವೈದ್ಯಕೀಯ ಫಿಟೈಸ್ ಪ್ರಮಾಣ ಪತ್ರಗಳು, ಬಳಸಿದ ಎಣ್ಣೆ, ತರಕಾರಿಗಳು, ಎಣ್ಣೆಗಳು ಮತ್ತು ಧಾನ್ಯಗಳು ಸೇರಿದಂತೆ ವಿನೆಗರ್ ಮತ್ತು ಆಹಾರ ಬಣ್ಣ ಏಜೆಂಟ್‌ಗಳಂತಹ ಮಸಾಲೆಗಳ ಸುರಕ್ಷತಾ ನಿಯತಾಂಕಗಳನ್ನು ಪರಿಶೀಲಿಸಲಾಯಿತು. ಎಲ್ಲಕ್ಕಿಂತ ಮುಖ್ಯವಾಗಿ ಬೇಸಿಗೆ ಸಮಯ ಆಗಿರುವುದರಿಂದ ಸ್ವಚ್ಛತೆಗೆ ಒತ್ತು ನೀಡಬೇಕು. ಸಾರ್ವಜನಿಕರು ಆಹಾರ ಸೇವನೆಯನ್ನು ಎಚ್ಚೆತ್ತುಕೊಂಡು ಸೇವಿಸಬೇಕಾಗಿದೆ ಎಂದರು. ಸೂಚನೆ ಪಾಲನೆ ಮಾಡದೇ ಇರುವ ಹೋಟೆಲ್ ಮಾಲೀಕರಿಗೆ ಸ್ಥಳದಲ್ಲೇ ಅಧಿಕಾರಿಗಳು ನೋಟಿಸ್ ಜಾರಿ ಮಾಡಿದರು.