ಗಣೇಶೋತ್ಸವ: ಗ್ರಾಹಕರಿಗೆ ಹೂವು-ಹಣ್ಣು ಬೆಲೆ ಏರಿಕೆ ಬಿಸಿ

ಹೂವಿನಹಡಗಲಿ: ತಾಲೂಕು ಕೇಂದ್ರ ಸೇರಿದಂತೆ ಎಲ್ಲ ಹಳ್ಳಿಗಳಲ್ಲಿ ಗಣೇಶೋತ್ಸವ ಹಬ್ಬಕ್ಕೆ ಭರದ ಸಿದ್ಧತೆ ಜೋರಾಗಿದೆ. ಜತೆಗೆ ಹಬ್ಬಕ್ಕೆ ಅಗತ್ಯವಿರುವ ಹೂವು, ಹಣ್ಣಿನ ಬೆಲೆ ಏರಿಕೆಯು ಗ್ರಾಹಕರಿಗೆ ಬಿಸಿ ಮುಟ್ಟಿದೆ.

ಹಣ್ಣಿನ ದರಪಟ್ಟಿ: ಸೇಬು ಕೆಜಿಗೆ ₹180ರಿಂದ ₹200, ಕಿತ್ತಳೆ- ₹100ರಿಂದ ₹150, ದಾಳಿಂಬೆ- ₹200ರಿಂದ ₹250, ಪೇರಲ- ₹60 ರಿಂದ ₹100, ಸೀತಾಫಲ- ₹100ರಿಂದ ₹120, ಮೊಸಂಬಿ- ₹80ರಿಂದ ₹120, ಮಲ್ಲಿಗೆ ಹೂವಿನ ಹಾರ ₹100ರಿಂದ ₹250, ಮಲ್ಲಿಗೆ ಹೂವು ಮೊಳಕ್ಕೆ ₹60ರಿಂದ ₹80, ಕನಕಾಂಬರ- ₹80ರಿಂದ ₹100, ಸೇವಂತಿಗೆ ಹೂವು ಮಾರಿಗೆ ₹100, ಚೆಂಡು ಹೂವು ಮಾರಿಗೆ ₹50 ರಿಂದ ₹80 ಬೆಲೆ ಇದೆ. 2 ಬಾಳೆ ಗಿಡಕ್ಕೆ ₹50ರಿಂದ ₹80, 2 ಕಬ್ಬಿಗೆ ₹30ರಿಂದ ₹50 ಇದೆ.

ಮಾರುಕಟ್ಟೆ ಧಾರಣೆಯಂತೆ ಹಣ್ಣುಗಳನ್ನು ಮಾರಾಟ ಮಾಡುತ್ತಿದ್ದೇವೆ. ವರಮಹಾಲಕ್ಷ್ಮೀ ಪೂಜೆಯಂದು ಹಣ್ಣಿನ ಬೆಲೆ ಏರಿಕೆ ಆಗಿತ್ತು. ಆದರೆ ಈ ಬಾರಿ ಗಣೇಶ ಹಬ್ಬಕ್ಕೆ ಕೆಲವು ಹಣ್ಣಿನ ಬೆಲೆ ಮಾತ್ರ ಏರಿಕೆಯಾಗಿದೆ ಎನ್ನುತ್ತಾರೆ ವ್ಯಾಪಾರಸ್ಥರು.