ಗಂಗಾಮತಸ್ಥರು ಜಾತಿ ಕಾಲಂ 9ರಲ್ಲಿ ಬೆಸ್ತ ಎಂದು ನಮೂದಿಸಿ: ಕೆ.ಶಾಂತಪ್ಪ

ಕನ್ನಡಪ್ರಭ ವಾರ್ತೆ ರಾಯಚೂರು

ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ರಾಜ್ಯದಲ್ಲಿರುವ ಗಂಗಾಮತಸ್ಥ ಸಮಾಜದಲ್ಲಿ 39 ಉಪ ಪಂಗಡಗಳಿದ್ದು, ಬೇರೆ ಬೇರೆ ಪ್ರದೇಶಗಳಲ್ಲಿ ಒಂದೊಂದು ಹೆಸರಿನಿಂದ ಗುರುತಿಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಹಿಂದುಳಿದ ವರ್ಗಗಳ ಆಯೋಗದಿಂದ ಕೈಗೊಂಡಿರುವ ಸಾಮಾಜಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆಯಲ್ಲಿ ಅರ್ಜಿಯ ಜಾತಿ ಕಲಂನ 9 ರಲ್ಲಿ ಬೆಸ್ತ ಎಂದು ನಮೂದಿಸಬೇಕು ಉಪ ಜಾತಿ ಕಲಂನಲ್ಲಿ ಪರ್ಯಾಯ ಪದ ಇಲ್ಲವೇ ಜಾತಿ ಪ್ರಮಾಣದಲ್ಲಿರುವ ಹೆಸರನ್ನು ಸೂಚಿಸಬೇಕು ಎಂದು ತಿಳಿಸಿದರು.

ಗಂಗಾಮತಸ್ಥ ಸಮಾಜವನ್ನು ಪರಿಶಿಷ್ಟ ಪಂಗಡಕ್ಕೆ ಸೇರಿಸಬೇಕು ಎನ್ನುವ ಬಲವಾದ ಬೇಡಿಕೆಯಿದೆ. ಅಷ್ಟೇ ಅಲ್ಲದೇ ಭವಿಷ್ಯದಲ್ಲಿ ಗಂಗಾಮತಸ್ಥ ಸಮಾಜಕ್ಕೆ ಸಾಮಾಜಿಕ, ಶೈಕ್ಷಣಿಕ, ಉದ್ಯೋಗ ಹಾಗೂ ರಾಜಕೀಯ ಕ್ಷೇತ್ರದಲ್ಲಿ ಅಭಿವೃದ್ಧಿಯನ್ನು ಸಾಧಿಸುವ ಅಗತ್ಯವಿದ್ದು , ಈ ಹಿನ್ನೆಲೆಯಲ್ಲಿ ಸಮೀಕ್ಷೆಯ ಜಾತಿ ಕಲಂ ನಲ್ಲಿ ತಪ್ಪದೇ ಬೆಸ್ತ ಎಂದು ಬರೆಸಬೇಕು ಎಂದು ವಿವರಿಸಿದರು.