ಕಾಫಿ ನಾಡಿನಾದ್ಯಂತ ಇಂದಿನಿಂದ ಗೌರಿ- ಗಣೇಶ ಹಬ್ಬದ ಸಡಗರ

ಜಿಲ್ಲೆಯಲ್ಲಿ ಈ ಬಾರಿ 1778 ಸಾರ್ವಜನಿಕ ಗಣಪತಿ ಪ್ರತಿಷ್ಟಾಪನೆ । ಭರದಿಂದ ಸಾಗುತ್ತಿರುವ ಸಕಲ ಸಿದ್ಧತೆ

ಕಾಫಿ ನಾಡಿನಲ್ಲಿ ಶುಕ್ರವಾರದಿಂದ ಗೌರಿ - ಗಣೇಶ ಹಬ್ಬದ ಸಡಗರ ಆರಂಭವಾಗಲಿದೆ. ಇದಕ್ಕೆ ಪೂರ್ವ ತಯಾರಿಯಂತೆ ನಗರ ಮತ್ತು ಪಟ್ಟಣ ಪ್ರದೇಶಗಳಲ್ಲಿ ಪೂಜಾ ಸಾಮಾಗ್ರಿಗಳ ಖರೀದಿ ಜೋರಾಗಿತ್ತು.

ಅನುಮತಿ ಪಡೆಯಲು ಜಿಲ್ಲಾ ಹಾಗೂ ತಾಲೂಕು ಆಡಳಿತ ಸಿಂಗಲ್ ವಿಂಡೋ ತೆರೆದಿದ್ದು, ಇದರಿಂದ ಸಾರ್ವಜನಿಕ ಗಣಪತಿ ಪ್ರತಿಷ್ಠಾಪನೆ ಮಾಡುವವರಿಗೆ ಹೆಚ್ಚಿನ ಅನುಕೂಲವಾಗಿದೆ. ಪೆಂಡಾಲ್‌ ನಿರ್ಮಾಣ ಕಾರ್ಯ, ವಿದ್ಯುತ್‌ ದೀಪದ ಅಲಂಕಾರ ಭರದಿಂದ ನಡೆಯುತ್ತಿದೆ.ಇಂದು ಗೌರಿ ಪ್ರತಿಷ್ಠಾಪನೆ:

ಇತ್ತ ಮಗಳಿಗೆ ಬಾಗಿನ ಕೊಡಲು ಮನೆಯ ಹಿರಿಯರು ಮೊರ, ಸೀರೆ, ಕುಪ್ಪಸ, ಬಳೆಗಳು, ಅರಿಶಿಣ ಕುಂಕುಮ, ಕಾಯಿ ಬಗೆ ಬಗೆಯ ಹಣ್ಣುಗಳನ್ನು ನಗರದಲ್ಲಿ ಈ ದಿನ ಖರೀದಿಸುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು. ಯುವತಿಯರು ಮತ್ತು ಮಹಿಳೆಯರು ಹಸಿರು ಗಾಜಿನ ಬಳೆ ಸೇರಿದಂತೆ ತಮಗಿಷ್ಟವಾದ ಬಳೆಗಳನ್ನು ಖರೀದಿಸಲು ಅಂಗಡಿಗಳಿಗೆ ಮುಗಿ ಬೀಳುತ್ತಿರುವುದು ಕಂಡು ಬಂತು.

ಚಿಕ್ಕಮಗಳೂರಿನ ಮಹಾತ್ಮಗಾಂಧಿ ರಸ್ತೆ, ಸಂತೆ ಮಾರ್ಕೆಟ್, ಹನುಮಂತಪ್ಪ ವೃತ್ತ, ತೊಗರಿಹಂಕಲ್ ವೃತ್ತ, ಗುರುನಾಥ ಚಿತ್ರಮಂದಿರದ ವೃತ್ತದಲ್ಲಿ ಹೂವು, ಹಣ್ಣುಗಳು ಮಾರಾಟ ಭರ್ಜರಿಯಾಗಿ ನಡೆಯಿತು. ಸೇವಂತಿಗೆ ಮಾರಿಗೆ 100 ರು.. ಚೆಂಡುಹೂವು 50-60, ಕಾಕಡ 200 ರು. ಮಲ್ಲಿಗೆ, ಕನಕಾಂಬರ 200 ರು. ಕಣಗಲು 50 ರು. ದರ ನಿಗದಿಯಾಗಿತ್ತು. ತೆಂಗಿನ ಕಾಯಿ 15 ರು.ಗಳಿಂದ 30 ರು.ಗಳಿಗೆ ಮಾರಾಟವಾಗುತ್ತಿದ್ದವು. ಬಾಳೆಹಣ್ಣು ಕೆಜಿ ಗೆ 120 ರು. ಹಸಿರು ಬಳೆ ಡಜನ್ 30 ರು. ಗೌರಿದಾರ 10ಕ್ಕೆ 6 ರೂಪಾಯಿನಂತೆ ಮಾರಾಟವಾಗುತ್ತಿದ್ದವು.

--- ಬಾಕ್ಸ್‌ ----ಗೌರಿ - ಗಣೇಶ ಹಬ್ಬ, ಈದ್ ಮಿಲಾದ್ ಹಬ್ಬ : ಜಿಲ್ಲಾಡಳಿತ ಸೂಚನೆಚಿಕ್ಕಮಗಳೂರು: ಜಿಲ್ಲೆಯಾದ್ಯಂತ ಹಿಂದೂ ಸಮುದಾಯದವರು ಸೆ. 6 ಮತ್ತು 7 ರಂದು ಗೌರಿ - ಗಣೇಶ ಹಬ್ಬ ಹಾಗೂ ಸೆ.16 ರಂದು ಮುಸ್ಲಿಂ ಬಾಂಧವರು ಈದ್ ಮಿಲಾದ್ ಹಬ್ಬದ ಸಂಬಂಧ ಕೆಲವು ಸೂಕ್ಷ್ಮ ಪ್ರದೇಶಗಳಲ್ಲಿ ಮೆರವಣಿಗೆ ಸಾಗುವ ಸಂದರ್ಭದಲ್ಲಿ ಪಟಾಕಿ ಹಚ್ಚುವುದು, ಕರ್ಪೂರ ಹಚ್ಚುವುದು, ವಿವಾದಿತ ಬ್ಯಾನರ್, ಬಂಟಿಂಗ್ಸ್‌ ಕಟ್ಟುವುದು, ವಿವಾದಾತ್ಮಕ ಘೋಷಣೆ ಕೂಗುವುದು, ಕುಂಕುಮ ಚೆಲ್ಲುವುದು, ಕುಣಿಯುವುದು, ವಿನಾಕಾರಣ ಬಾವುಟಗಳನ್ನು ಹಿಡಿದುಕೊಂಡು ಓಡಾಡು ವುದನ್ನು ಸೂಕ್ಷ್ಮ ಸ್ಥಳಗಳಲ್ಲಿ ನಿರ್ಬಂಧಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಮೀನಾ ನಾಗರಾಜ್‌ ತಿಳಿಸಿದ್ದಾರೆ.

ನಾಳೆ ಪ್ರಾಣಿ ವಧೆ ನಿಷೇಧ

-5 ಕೆಸಿಕೆಎಂ 4ಚಿಕ್ಕಮಗಳೂರಿನ ಎಂ.ಜಿ. ರಸ್ತೆಯಲ್ಲಿ ಪೂಜಾ ಸಾಮಾಗ್ರಿಗಳ ಖರೀದಿಯಲ್ಲಿ ತೊಡಗಿರುವ ಗ್ರಾಹಕರು.