ಜನಪರ ಆಡಳಿತ ನಡೆಸುವಲ್ಲಿ ಸರ್ಕಾರಗಳು ವಿಫಲ: ಯು. ಬಸವರಾಜ

ಸಿಪಿಎಂ ಬಹಿರಂಗಸಭೆಯ ರಾಜ್ಯ ಕಾರ್ಯದರ್ಶಿ ಮಂಡಳಿ ಸದಸ್ಯ

ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಜನಪರ ಆಡಳಿತ ನೀಡುವಲ್ಲಿ ವಿಫಲವಾಗಿವೆ. ಜನರು ಈಗಲೂ ಬದುಕು ನಡೆಸಲು ಕಷ್ಟ ಪಡುತ್ತಿದ್ದಾರೆ ಎಂದು ಸಿಪಿಎಂ ರಾಜ್ಯ ಕಾರ್ಯದರ್ಶಿ ಮಂಡಳಿ ಸದಸ್ಯ ಯು. ಬಸವರಾಜ ಹೇಳಿದರು.

ಶೋಷಿತ ವರ್ಗಕ್ಕೆ ಜೀವನ ಸಾಗಿಸಲು ಭೂಮಿ, ಕನಿಷ್ಠ ವೇತನ,‌ ಅಲ್ಪಸಂಖ್ಯಾತರ ರಕ್ಷಣೆ ಹಾಗೂ ಉದ್ಯೋಗ ಸೃಷ್ಟಿ, 16 ವಸ್ತುಗಳ ಆಹಾರ ಪಡಿತರ ಕೊಡಬೇಕಿದೆ. ಈ ಕುರಿತು ದೇಶಾದ್ಯಂತ ಸಿಪಿಐಎಂ ಪಕ್ಷವು ಪ್ರಬಲ ಹೋರಾಟ ನಡೆಸಿದೆ. ಸರ್ಕಾರಗಳು ಭ್ರಷ್ಟಾಚಾರದಲ್ಲಿ ತೊಡಗಿ ಕಾರ್ಪೋರೇಟ್ ಕಂಪನಿಗಳಿಗೆ ಲಕ್ಷಾಂತರ ‌ಎಕರೆ ಜಮೀನುಗಳನ್ನು ಮತ್ತು ಕೋಟ್ಯಂತರ ರು. ಸಾಲ ಮನ್ನಾ ಮಾಡಿ ಮತ್ತೊಮ್ಮೆ ಸಾಲ ನೀಡಲು ಮುಂದಾಗಿದೆ ಎಂದು ದೂರಿದರು.ಕೇರಳ ರಾಜ್ಯದಲ್ಲಿ ಆಡಳಿತ ನಡೆಸುತ್ತಿರುವ ಸಿಪಿಎಂ ಪಕ್ಷವು ‌ಅಲ್ಲಿನ ಜನಸಾಮಾನ್ಯರಿಗೆ ರೇಷನ್ ಅಂಗಡಿಗಳ ರೂಪದಲ್ಲಿ 16 ಆಹಾರ ವಸ್ತುಗಳ ಪಡಿತರ ಧಾನ್ಯಗಳನ್ನು ಕೊಡುತ್ತಿದೆ. ಕಾರ್ಮಿಕರಿಗೆ ಕನಿಷ್ಠ ವೇತನ ಜಾರಿ ಮಾಡಿದೆ. 60/80 ಅಳತೆಯ ನಿವೇಶನ ಹಾಗೂ ಸಾಗುವಳಿ ಮಾಡುತ್ತಿರುವ ರೈತರಿಗೆ ಪುಕ್ಕಟೆ ಜಮೀನುಗಳನ್ನು ಕೊಟ್ಟಿದೆ. ಆದರೆ ಇಲ್ಲಿನ ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳು ಏಕೆ ಕೊಡುತ್ತಿಲ್ಲ, ಅವರಿಗೆ ಏನಾಗಿದೆ ಇವರುಗಳಿಗೆ ಬಡವರ ಸಮಸ್ಯೆ ಪರಿಹರಿಸಲು ಆಗುತ್ತಿಲ್ಲ. ಇಂತಹವರನ್ನು ಕಿತ್ತೊಗೆಯದೆ ಬೇರೆ ಪರಿಹಾರವಿಲ್ಲ. ಕೇಂದ್ರ ಸರ್ಕಾರ ಸಾರ್ವಜನಿಕ ಆಸ್ತಿಗಳನ್ನು ವಿದೇಶಿ ಬಂಡವಾಳದಾರರಿಗೆ ಮಾರಾಟ ಮಾಡಲು ಯತ್ನಿಸುತ್ತಿದೆ. 1ಲಕ್ಷ ಕೋಟಿ ರು. ಸಾಲ ಮಾಡಿ ಈ ದೇಶದ ಜನರ ತಲೆ ಮೇಲೆ ಹೊರಿಸಿ ಬಡವರನ್ನು ಇನ್ನಷ್ಟು ಬಡವರನ್ನಾಗಿಸಿದೆ ಎಂದರು.