ಹುಬ್ಬಳ್ಳಿಗರ ಸೇವೆಗೆ ಅಜ್ಜನ ಭಕ್ತರು ಖುಷ್!

ಅಜೀಜಅಹ್ಮದ ಬಳಗಾನೂರ ಹುಬ್ಬಳ್ಳಿ

ಈ ಜಾತ್ರೆಗೆ ಲಕ್ಷಾಂತರ ಭಕ್ತರು ಸೇರುವುದು ಸಾಮಾನ್ಯ. ಹೀಗೆ ಬರುವ ಭಕ್ತರಿಗೆ ಊಟ, ನೀರಿನ ತೊಂದರೆಯಾಗದಂತೆ ನೂರಾರು ಸಂಘ-ಸಂಸ್ಥೆಗಳು, ಅಜ್ಜನ ಸದ್ಭಕ್ತರು ಸ್ವಯಂಪ್ರೇರಿತವಾಗಿ ಅನ್ನಪ್ರಸಾದ ಕಾರ್ಯ ಕೈಗೊಳ್ಳುತ್ತಾ ಬರುತ್ತಿದ್ದಾರೆ.

ಏನೇನು ವಿತರಣೆ?: ರೊಟ್ಟಿ ಊಟ, ಫಲಾವ್‌, ಸಿರಾ, ಉಪ್ಪಿಟ್ಟು, ಚುರುಮರಿ ವಗ್ಗರಣೆ, ಮೊಸರ ಅವಲಕ್ಕಿ, ಅವಲಕ್ಕಿ, ಖಾರಾ, ಚಿತ್ರಾನ್ನ, ಲಾಡು, ಬಗೆಬಗೆಯ ಹಣ್ಣುಗಳ ಜ್ಯೂಸ್‌, ಮಜ್ಜಿಗೆ, ಎಳನೀರು, ಕಲ್ಲಂಗಡಿ, ಸೇಬು, ದ್ರಾಕ್ಷಿ, ಬಾಳೆಹಣ್ಣು, ಹಾಲು, ಕಬ್ಬಿನ ಹಾಲು, ಕರ್ಜೂರ, ಚುರುಮರಿ ಪ್ಯಾಕೆಟ್‌, ಜ್ಯೂಸ್‌, ನೀರಿನ ಬಾಟಲ್‌ಗಳನ್ನು ಉಚಿತವಾಗಿ ನೀಡಿದರು.

ದೂರದ ಊರುಗಳಿಂದ ಪಾದಯಾತ್ರೆ ಕೈಗೊಂಡು ಬಸವಳಿದು ಬರುವ ಭಕ್ತರಿಗೆ ಕಳೆದ 8-10 ವರ್ಷಗಳಿಂದ ಉಪಾಹಾರದೊಂದಿಗೆ ಔಷಧ ಹಾಗೂ ಕಾಲುಗಳಿಗೆ ಮಸಾಜ್‌ ಸೇವೆ ಮಾಡುತ್ತಿದ್ದಾರೆ. ಫೆ. 25ರಂದು ಬೆಳಗ್ಗೆ 8 ಗಂಟೆಗೆ ಆರಂಭವಾದ ಅವರ ಸೇವಾ ಕಾರ್ಯ ಫೆ. 28ರ ಬೆಳಗ್ಗೆ 8 ಗಂಟೆ ವರೆಗೆ 72 ಗಂಟೆಗಳ ಕಾಲ ನಡೆಯಲಿದೆ.

ಎಲ್ಲವೂ ಅಜ್ಜನ ಸೇವೆಗಾಗಿ: ಕಳೆದ 8-10 ವರ್ಷಗಳಿಂದ ಪ್ರತಿವರ್ಷವೂ ಅಜ್ಜನ ಜಾತ್ರೆಯಲ್ಲಿ ಈ ಸೇವಾಕಾರ್ಯವನ್ನು ಎಲ್ಲ ಸ್ನೇಹಿತರ ಸಹಕಾರದಿಂದ ನಡೆಸಿಕೊಂಡು ಬರುತ್ತಿದ್ದೇವೆ. ಕಳೆದ ಮೂರು ದಿನಗಳಲ್ಲಿ 4 ಸಾವಿರಕ್ಕೂ ಅಧಿಕ ಜನರಿಗೆ ಔಷಧ ವಿತರಣೆ ಮಾಡಲಾಗಿದೆ. 1500ಕ್ಕೂ ಅಧಿಕ ಜನರಿಗೆ ಮಸಾಜ್ ಮಾಡಲಾಗಿದೆ. ಪ್ರತಿವರ್ಷವೂ ಸಂಖ್ಯೆ ಹೆಚ್ಚಾಗುತ್ತಿರುವುದು ಸಂತಸ ತಂದಿದೆ. ಇದೆಲ್ಲ ಅಜ್ಜನ ಸೇವೆಗಾಗಿ ನಾನು ಮತ್ತು ನನ್ನ ಸ್ನೇಹಿತರು ಮಾಡುತ್ತಿರುವ ಸೇವಾಕಾರ್ಯ ಎಂದು ವೀರಯ್ಯಸ್ವಾಮಿ ಸಾಲಿಮಠ ''''ಕನ್ನಡಪ್ರಭ''''ಕ್ಕೆ ತಿಳಿಸಿದರು.