ಇಂದಿನಿಂದ ಹಜರತ್‌ ಜಮಾಲಶಾವಲಿ ಶರಣರ ಉರೂಸ್‌

ರಿಯಾಜಅಹಮ್ಮದ ಎಂ. ದೊಡ್ಡಮನಿ ಡಂಬಳ

ಫೆ. 15 ರಂದು ರಾತ್ರಿ 8 ಕ್ಕೆ ಗಂಧದ ಮೆರವಣಿಗೆ, ಚಕ್ಕಡಿಯಲ್ಲಿ ನಗಾರಿ ಹೊತ್ತ ಎತ್ತುಗಳ ಮೆರವಣಿಗೆ ರಾತ್ರಿಯಲ್ಲ ನಡೆದು ಬೆಳಗಿನ 5 ಕ್ಕೆ ದರ್ಗಾಕ್ಕೆ ತಲುಪಲಿದೆ.

ಹಜರತ್ ಜಮಾಲಶಾವಲಿ ಶರಣರ ಜಾತ್ಯತೀತ ಸಂತರು, ಅದಕ್ಕಿಂತ ಮಿಗಿಲಾಗಿ ಅಖಂಡ ಮಾನವ ಸಮುದಾಯದ ಹಿತಾಸಕ್ತಿ, ಕ್ರಿಯಾಶೀಲ ಬದುಕಿನ ಬಗ್ಗೆ ಧರ್ಮದ ಗಡಿ ದಾಟಿ ಚಿಂತಿಸಿ ಲೋಕ ಸಂಚಾರ ಮಾಡಿ ತಾವು ಕಂಡ ಜ್ಞಾನವನ್ನು ಸರಳವಾಗಿ ಪ್ರಸಾರ ಮಾಡಿದ ವಿಶ್ವ ಧರ್ಮಿಗಳಾಗಿದ್ದರು.

ಪವಾಡಗಳ ದರ್ಗಾ: ಎತ್ತುಗಳ ಆರೋಗ್ಯದಲ್ಲಿ ಏರುಪೇರಾದರೆ ರೈತರು ಜಮಾಲಶಾವಲಿ ಶರಣರ ದರ್ಗಾಕ್ಕೆ ತೆರಳಿ ಭಕ್ತಿ ಸಮರ್ಪಿಸಿದ ನಂತರ ಎತ್ತುಗಳ ಆರೋಗ್ಯದಲ್ಲಿ ಚೇತರಿಕೆಯಾಗುತ್ತದೆ. ಭಕ್ತರ ಆಶಯ, ಇಷ್ಟಾರ್ಥಗಳು ಈಡೇರುತ್ತವೆ ಎನ್ನುವ ನಂಬಿಕೆಯಿದೆ.

ಬಸವತತ್ವದ ಜಾಗೃತಪೀಠ ತೋಂಟದಾರ್ಯ ಮಠದ ಜಾತ್ರೆಯ ನಂತರ ಪ್ರತಿ ವರ್ಷ ಹಜರತ ಜಮಾಲಶಾವಲಿ ಶರಣರ ಗಂಧ ಮತ್ತು ಉರೂಸ್‌ ನಡೆಯುವುದು ಭಾವೈಕ್ಯತೆಯ ಸಂಕೇತವಾಗಿದೆ ಎಂದು ಸಮಾಜ ಸೇವಕ ಜಾಕೀರ ಖಾದರಸಾಬ ಮೂಲಿಮನಿ ಹೇಳಿದರು.