ಬಿರುಗಾಳಿಗೆ ನೆಲಕ್ಕೆ ಅಪ್ಪಳಿಸಿದ ನೂರಾರು ಮರಗಳು

ಗುಡಿಸಲು ಚಾವಣಿ ಜಖಂ, ಬಾಳೆ ಬೆಳೆ ಹಾನಿಕನ್ನಡಪ್ರಭ ವಾರ್ತೆ ಗಂಗಾವತಿ

ನಗರದ ಜಯನಗರದಲ್ಲಿ ಬಿರುಗಾಳಿಗೆ ಮರಗಳು ಬಿದ್ದು ಹೋಗಿವೆ. ಇದರಿಂದ ಮನೆ ಮುಂಭಾಗದಲ್ಲಿಟ್ಟಿದ್ದ ಬೈಕ್ ಮತ್ತು ಕಾರುಗಳು ಜಖಂಗೊಂಡಿವೆ. ಅದರಂತೆ ಬಸ್ ನಿಲ್ದಾಣದ ರಸ್ತೆಯ ಹೋಟೆಲ್‌ಗಳು ಸೀಟುಗಳು ಹಾರಿ ಹೋಗಿವೆ. ಇದರಿಂದ ಹೋಟೆಲ್ ಮುಂಭಾಗದಲ್ಲಿರುವ ತಗಡಿನ ಸೀಟುಗಳು ಮುರಿದು ಹೋಗಿವೆ. ಅಲ್ಲದೆ ಹೊಸಳ್ಳಿ ರಸ್ತೆ, ಗುಂಡಮ್ಮ ಕ್ಯಾಂಪ್, ಮುಜಾವರ ಕ್ಯಾಂಪುಗಳಲ್ಲಿರುವ ಗುಡಿಸಲುಗಳ ಮೇಲ್ಚಾವಣೆ ಹಾರಿ ಹೋಗಿವೆ.

ತಡ ರಾತ್ರಿ ಬೀಸಿದ ಬಿರುಗಾಳಿಗೆ ವಿದ್ಯುತ್ ತಂತಿ ಹರಿದು ರಸ್ತೆಯ ಮೇಲೆ ಬಿದ್ದಿವೆ. ಇದರಿಂದ ವಿದ್ಯುತ್ ಸ್ಥಗಿತಗೊಂಡು ಕಗ್ಗತ್ತಲು ಆವರಿಸಿತ್ತು. ಬಿರುಗಾಳಿ ಬೀಸುವ ಮೂನ್ಸೂಚನೆಯಿಂದಾಗಿ ಜೆಸ್ಕಾಂ ಸಿಬ್ಬಂದಿ ವಿದ್ಯುತ್ ಪೂರೈಕೆ ಸ್ಥಗಿತಗೊಳಿಸಿದ್ದರು.

ಬಾಳೆ ಬೆಳೆ ಹಾನಿ:

ಕಾರಟಗಿ ತಾಲೂಕಿನಾದ್ಯಂತ ಉತ್ತಮ ಮಳೆ:ಕಳೆದ ಎರಡ್ಮೂರು ತಿಂಗಳಿನಿಂದ ನೆತ್ತಿ ಸುಡುವ ಬಿಸಲಿನ ತಾಪಕ್ಕೆ ಬಳಲಿ ಬೆಂಡಾಗಿದ್ದ ಕಾರಟಗಿ ತಾಲೂಕಿನಲ್ಲಿ ಕಳೆದ ೨೪ ಗಂಟೆಗಳಲ್ಲಿ ಉತ್ತಮ ಮಳೆಯಾಗಿ ಜನರ ನೆಮ್ಮದಿಯ ನಿಟ್ಟುಸಿರು ಬಿಡುವಂತಾಗಿದೆ.

ಇನ್ನು ಗುರುವಾರ ಮಧ್ಯಾಹ್ನದಿಂದ ಮೋಡ ಕವಿದ ವಾತಾವರಣ ಆವರಿಸಿತ್ತು. ಸಂಜೆಯಾಗುತ್ತಲೆ ಮಳೆರಾಯ ತನ್ನ ಕೃಪೆಯನ್ನು ತೋರಿ ಬಿಸಿಲ ತಾಪಕ್ಕೆ ಬೆಂಡಾದ ಜನರಿಗೆ ಕೊಂಚ ತಂಪೆರೆದಿದ್ದಾನೆ. ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ಗುರುವಾರ ಸಂಜೆ ಭಾರೀ ಗಾಳಿ ಸಹಿತ ಮಳೆ ಸುರಿದಿದೆ. ತಾಲೂಕಿನ ಸಿದ್ದಾಪುರ, ಕೊಟ್ನೆಕಲ್, ಬರಗೂರು, ಅರುಣೋದಯ ತಾಂಡಾ, ಬೆನ್ನೂರು ಸೇರಿ ವಿವಿಧಡೆ ಸುಮಾರು ೫.೩೦ರಿಂದ ನಿರಂತರವಾಗಿ ಮಳೆಯಾಗಿದ್ದು, ರಸ್ತೆಯಲ್ಲೆಲ್ಲ ನೀರು ಹರಿದಾಡಿದೆ.ಇನ್ನು ಚೆಳ್ಳೂರು, ಹಗೇದಾಳ, ತೊಂಡಿಹಾಳ, ಹುಳ್ಕಿಹಾಳ, ಸಿಂಗನಾಳ ಭಾಗದಲ್ಲಿ ಸಂಜೆ ೪ರಿಂದ ಮಳೆ ಸುರಿಯುತ್ತಿದ್ದು ರಾತ್ರಿ ವರೆಗೂ ಈ ಗ್ರಾಮಗಳಲ್ಲಿಯೂ ಉತ್ತಮ ಮಳೆಯಾಗಿದೆ. ಈಗ ವರುಣನ ಆಗಮನ ಜನರಲ್ಲಿ ಮುಖ್ಯವಾಗಿ ರೈತರಲ್ಲಿ ಮಂದಹಾಸ ಮೂಡಿಸಿದೆ.