ಮಾರಾಕಾಯುಧಗಳಿಂದ ಕೊಚ್ಚಿ ಪತ್ನಿಯ ಕೊಲೆ ಮಾಡಿದ ಪತಿ

ಮಗಳ ಎದುರೇ ತಾಯಿಯ ಹತ್ಯೆ । ಮೊದಲ ಪತಿಯಿಂದ ಕೃತ್ಯ । ಎರಡನೇ ಮದುವೆಯಾದ್ದರಿಂದ ಕೊಲೆ ಶಂಕೆ

ಮಹಿಳೆಯೊಬ್ಬರನ್ನು ನಡು ರಸ್ತೆಯಲ್ಲೇ ಮಾರಾಕಾಯುಧಗಳಿಂದ ಬರ್ಬರವಾಗಿ ಕೊಚ್ಚಿ ಕೊಲೆ ಮಾಡಿರುವ ಘಟನೆ ನಗರದ ಅಂಜನಿ ಬಡಾವಣೆಯ ಬಳಿ ನಡೆದಿದೆ.

ಮೃತ ಸುಮಿತ್ರಮ್ಮ ಮೂಲತಃ ಶ್ರೀನಿವಾಸಪುರ ತಾಲೂಕಿನ ಬೈನಹಳ್ಳಿ ಗ್ರಾಮದವರಾಗಿದ್ದು, 12 ವರ್ಷಗಳ ಹಿಂದೆ ತಾಲೂಕಿನ ಕಾಪ್ಪಲ್ಲಿಯ ವೆಂಕಟರೆಡ್ಡಿ ಜೊತೆ ವಿವಾಹವಾಗಿತ್ತೆಂದು ತಿಳಿದು ಬಂದಿದ್ದು, ದಂಪತಿಗೆ ವಿಷ್ಣುಪ್ರಿಯಾ ಎಂಬ 11 ವರ್ಷದ ಮಗಳಿದ್ದು, ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಒಂದು ವರ್ಷದ ಹಿಂದೆ ಗಂಡನನ್ನು ಬಿಟ್ಟು ಬಂದು ನಗರದಲ್ಲಿ ಬಾಡಿಗೆ ಮನೆ ಮಾಡಿಕೊಂಡು ವಾಸವಿದ್ದರು ನ್ಯಾಯಾಲಯದಲ್ಲಿ ವಿಚ್ಛೇದನ ಪ್ರಕರಣ ಬಾಕಿ ಇರುವಾಗಲೇ ಅದೇ ಗ್ರಾಮದ ರಮೇಶ್ ಎಂಬುವರನ್ನು ರಹಸ್ಯವಾಗಿ ಎರಡನೇ ಮದುವೆಯಾಗಿ ಮಗಳೊಂದಿಗೆ ಜೀವನ ನಡೆಸುತ್ತಿದ್ದರೆಂದು ತಿಳಿದುಬಂದಿದೆ.

ನಡುರಸ್ತೆಯಲ್ಲೇ ರಕ್ತದ ಮಡುವಿನಲ್ಲಿ ಬಿದ್ದು ಗಾಯಗೊಂಡು ಜೀವನ್ಮರಣದ ನಡುವೆ ಹೋರಾಟ ಮಾಡುತ್ತಿದ್ದ ಆಕೆಯನ್ನು ಸಾರ್ವಜನಿಕ ಆಸ್ಪತ್ರೆಗೆ ಸಾಗಿಸಲು ಯಾರೂ ಮುಂದೆ ಬಂದಿರಲಿಲ್ಲ. ಕೊನೆಗೆ ಸ್ಥಳಕ್ಕೆ ಧಾವಿಸಿದ ಪೊಲೀಸರೇ ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ಕೊಡಿಸಲು ಪ್ರಯತ್ನಿಸಿದರೂ ಅದು ಫಲಕಾರಿಯಾಗಲಿಲ್ಲ, ಕೊಲೆ ನಡೆದು 1 ಗಂಟೆಯಾದರೂ ಸ್ಥಳಕ್ಕೆ ಆ್ಯಂಬುಲೆನ್ಸ್ ಬರಲಿಲ್ಲವೆಂದು ಆಟೋದಲ್ಲಿ ಸಾಗಿಸಲು ಮುಂದಾದಾಗ ಆ್ಯಂಬುಲೆನ್ಸ್ ಬಂದಿದ್ದು ಸಾರ್ವಜನಿಕ ಆಸ್ಪತ್ರೆಗೆ ಸಾಗಿಸಿದ್ದು ಆಕೆ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾಳೆ.

ಚಿತ್ರಶೀರ್ಷಿಕೆ: ಮೃತಳಾದ ಸುಮಿತ್ರಮ್ಮಳ ಭಾವಚಿತ್ರ ಮತ್ತು ಕೊಲೆ ಮಾಡಿದ ಪತಿ ವೆಂಕಟರೆಡ್ಡಿರ ಭಾವಚಿತ್ರ.