ಜಾನಪದ ಉಳಿದರೆ ಆಚಾರ ವಿಚಾರಕ್ಕೆ ಬೆಲೆ: ಡಾ. ಟಿ.ಎಂ. ಭಾಸ್ಕರ

ಹಾನಗಲ್ಲ: ರಾಷ್ಟ್ರೀಯ ಭಾವೈಕ್ಯದ ಜಾನಪದ ಎಲ್ಲ ಕಾಲದಲ್ಲೂ ಸಂಭ್ರಮದ ನಡೆ ನುಡಿ ಅರಳಿಸಿ ಬದುಕನ್ನು ಹಸನುಗೊಳಿಸುವ ದಿವ್ಯ ಶಕ್ತಿ ಹೊಂದಿದ್ದು, ಜಾನಪದ ಉಳಿದರೆ ಪ್ರೀತಿ ಗೌರವದ ಆಚಾರ ವಿಚಾರಗಳು ಉಳಿಯುತ್ತವೆ ಎಂದು ಜಾನಪದ ವಿಶ್ವವಿದ್ಯಾಲಯದ ಕುಲಪತಿ ಡಾ. ಟಿ.ಎಂ. ಭಾಸ್ಕರ ತಿಳಿಸಿದರು.ತಾಲೂಕಿನ ಅಕ್ಕಿಆಲೂರಿನ ಎಚ್‌ಟಿಇಎಸ್ ಕಲಾ ಹಾಗೂ ಎಸ್‌ಬಿ ಜಾಬಿನ ವಾಣಿಜ್ಯ ಪ್ರಥಮದರ್ಜೆ ಮಹಾವಿದ್ಯಾಲಯದಲ್ಲಿ ಆಯೋಜಿಸಿದ್ದ ಜಾನಪದ ಉತ್ಸವ ಉದ್ಘಾಟಿಸಿ ಮಾತನಾಡಿ, ನಾಳಿನ ಪೀಳಿಗೆಗೆ ಜಾನಪದ ಉಳಿಸಲು ಎಲ್ಲ ವಿದ್ಯಾಲಯಗಳು ಮುಂದಾಗಬೇಕು. ನಮ್ಮ ಸಂಸ್ಕೃತಿಯ ಮೂಲ ಬೇರುಗಳು ಇಲ್ಲಿವೆ. ಕಲೆ ಸಂಸ್ಕೃತಿ ಅನುಕರಣೀಯ. ಜಾನಪದ ವಿಶ್ವವಿದ್ಯಾಲಯ ಮಾಡುವ ಕಾರ್ಯವನ್ನು ಈ ಜಾನಪದ ಉತ್ಸವ ಅರ್ಥಪೂರ್ಣವಾಗಿ ಕೈಗೊಂಡಿದೆ. ಇದು ಅವಿಸ್ಮರಣೀಯ ಹಾಗೂ ಅನುಕರಣೀಯ ಎಂದರು.ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷ ರಾಜಶೇಖರ ಕಟ್ಟೇಗೌಡರ ಜಾನಪದ ಮೆರವಣಿಗೆಗೆ ಚಾಲನೆ ನೀಡಿ ಮಾತನಾಡಿ, ಆಧುನಿಕತೆಯ ಭರಾಟೆಯಲ್ಲಿ ನಮ್ಮ ಹಳ್ಳಿಗಳಲ್ಲಿ ಜೀವಂತವಾಗಿದ್ದ ಜನಪದವನ್ನು ವಿದ್ಯಾರ್ಥಿಗಳು ಅನುಕರಣೀಯವಾಗಿ ಸಂಭ್ರಮಾಚರಣೆಗೆ ತಂದುದು ನಿಜಕ್ಕೂ ಅಭಿನಂದನೀಯ. ಇದು ಊಹೆಗೆ ಮೀರಿದ ಆಚರಣೆ ಎಂದರು.

If folklore remains, then the issue of ethics has value: Dr. T.M. Bhaskara

ನಾಳಿನ ಪೀಳಿಗೆಗೆ ಜಾನಪದ ಉಳಿಸಲು ಎಲ್ಲ ವಿದ್ಯಾಲಯಗಳು ಮುಂದಾಗಬೇಕು. ನಮ್ಮ ಸಂಸ್ಕೃತಿಯ ಮೂಲ ಬೇರುಗಳು ಇಲ್ಲಿವೆ.