ಭರ್ತಿಯಾದ ಆನಿಕೆರೆ, ಸದ್ಯಕ್ಕಿಲ್ಲ ಕುಡಿವ ನೀರಿನ ಕೊರತೆ

ಮಾರುತಿ ಶಿಡ್ಲಾಪೂರಕನ್ನಡಪ್ರಭ ವಾರ್ತೆ ಹಾನಗಲ್ಲ ನೂರಾರು ಎಕರೆ ತೋಟ ಕೃಷಿಭೂಮಿಗೆ ನೀರು, ಪಟ್ಟಣಕ್ಕೆ ಕುಡಿಯುವ ನೀರು ಒದಗಿಸುವ ೧೧೯ ಎಕರೆ ವಿಸ್ತೀರ್ಣದ ಆನಿಕೆರೆ ತುಂಬಿ ಕೋಡಿ ಹರಿಯುತ್ತಿದೆ. ಶಾಸಕ ಶ್ರೀನಿವಾಸ ಮಾನೆ ಬಾಗಿನ ಅರ್ಪಿಸಿದ್ದಾರೆ. ಬರುವ ಫೆಬ್ರವರಿವರೆಗೆ ಪಟ್ಟಣಕ್ಕೆ ಕುಡಿಯುವ ನೀರಿನ ಸಮಸ್ಯೆಯೇ ಇಲ್ಲ.ಕಳೆದ ವರ್ಷ ಮಳೆ ಕೊರತೆಯಿಂದಾಗಿ ನೀರಿಲ್ಲದೆ ಹಾನಗಲ್ಲ ಪಟ್ಟಣಕ್ಕೆ ಕುಡಿಯುವ ನೀರಿನ ಸಮಸ್ಯೆಗೆ ಕಾರಣವಾಗಿ ಪುರಸಭೆ ನೀರಿಗಾಗಿ ಹರ ಸಾಹಸವನ್ನೇ ಮಾಡಬೇಕಾಯಿತು. ಈ ಬಾರಿ ಹಾನಗಲ್ಲ ಆನಿಕೆರೆಗೆ ಜಲಮೂಲವಾದ ಝಡತಿ ಕಾಲುವೆ ಇರುವ ಅರಣ್ಯ ಪ್ರದೇಶದಲ್ಲಿ ಉತ್ತಮ ಮಳೆ ಸುರಿದು ತುಂಬಿ ಹರಿಯುತ್ತಿದೆ. ಕಳೆದ ಬೇಸಿಗೆಯಲ್ಲಿ ತಾಲೂಕಿನ ನೀರಾವರಿಯ ಜಲಮೂಲವಾದ ಮುಂಡಗೋಡ ತಾಲೂಕಿನಲ್ಲಿರುವ ಧರ್ಮಾ ಜಲಾಶಯದಲ್ಲಿರುವ ರಿಜರ್ವ್‌ ನೀರನ್ನು ಪೊಲೀಸ್‌ ಕಾವಲಿನಲ್ಲಿ ಧರ್ಮಾ ಕಾಲುವೆ ಮೂಲಕ ಆನಿಕೆರೆಗೆ ಹರಿಸಲಾಗಿತ್ತು. ಧರ್ಮಾ ಕಾಲುವೆಯಲ್ಲಿ ಹರಿಸುವಾಗ ರೈತರು ಬಳಸಿಕೊಳ್ಳುವಷ್ಟು ನೀರಿಲ್ಲದ ಕಾರಣ ಈ ಕ್ರಮ ಕೈಗೊಳ್ಳಲಾಗಿತ್ತು. ಅಲ್ಲದೆ ಬೇಸಿಗೆಯ ಸಂದರ್ಭದಲ್ಲಿ ಮತ್ತೆ ನೀರಿನ ಕೊರತೆಯಾದಾಗ ಮಳೆಗಾಲದ ಹೊತ್ತಿಗೆ ವರದಾ ನದಿಯಿಂದ ಬಾಳಂಬೀಡ ಏತ ನೀರಾವರಿ ಯೋಜನೆಯ ನೀರನ್ನು ಆನಿಕೆರೆಗೆ ತರಲಾಗಿತ್ತು. ಅಷ್ಟರಲ್ಲಿ ಉತ್ತಮ ಮಳೆ ಆರಂಭವಾಗಿ ಒಂದು ತಿಂಗಳ ನಂತರ ಕೆರೆ ತುಂಬಿದೆ. ರೈತರ ಕೋರಿಕೆ: