ಪಾಕ್‌ಗೆ ಪೈಗಂಬರ್ ತತ್ವ ಅರ್ಥವಾಗಿದ್ದರೆ ಹಿಂಸೆ ಮಾಡುತ್ತಿರಲಿಲ್ಲ: ಶಾಂತವೀರ ಸ್ವಾಮೀಜಿ

ಕುಂಚಿಟಿಗ ಮಠದಲ್ಲಿ ಸುಜ್ಞಾನ ಸಂಗಮ ಕಾರ್ಯಕ್ರಮ

ಪಾಕಿಸ್ತಾನದ ಜನರಿಗೆ ಪೈಗಂಬರ್ ತತ್ವ ಅರ್ಥವಾಗಿದ್ದರೆ ಹಿಂಸಾತ್ಮಕ ಚಟುವಟಿಕೆಯಲ್ಲಿ ಭಾಗವಹಿಸುತ್ತಿರಲಿಲ್ಲ ಎಂದು ಕುಂಚಿಟಗ ಮಠದ ಶಾಂತವೀರ ಸ್ವಾಮೀಜಿ ಹೇಳಿದರು.

ಭಯೋತ್ಪಾದನೆ ಹುಟ್ಟಲು ನಮ್ಮವರೆಂಬ ಭಾವ ಕಳೆದಿರುವುದೇ ಈ ಹಿನಾ ಕೃತ್ಯಕ್ಕೆ ಕಾರಣವಾಗಿದೆ. ಭಾರತೀಯರು ಸಹಿಷ್ಣುತೆ ಸಹಬಾಳ್ವೆ ಸೌಹಾರ್ದತೆಯ ಮಂತ್ರವನ್ನು ನಮ್ಮ ಯೋಗಿಗಳು ಋಷಿಗಳು ಮಹಾತ್ಮರು ಸಂತರಿಂದ ಮಾನವೀಯತೆಯನ್ನು ಕಲಿತರೆ ಪಾಕಿಸ್ತಾನದಲ್ಲಿ ಭಯ ಬೆದರಿಕೆಯ ಭಯೋತ್ಪಾದನೆ ಇರುವುದು ಆ ದೇಶದ ಪ್ರಗತಿಗೆ ಸರಿಯಾದುದ್ದಲ್ಲ. ಯಾವುದೇ ದೇಶ ಪ್ರಗತಿ ಕಾಣಲು ಸರ್ವತೋಮುಖ ಅಭಿವೃದ್ಧಿಗೆ ಸರ್ವರ ಸಹಭಾಗಿತ್ವ, ಮಾನವೀಯತೆ ಅಗತ್ಯವಾಗಿದೆ. ಈಗ ನಡೆಯುತ್ತಿರುವ ಹಿಂಸಾಚಾರ ಕೃತ್ಯವನ್ನು ನೋಡಿದರೆ ಪಾಕಿಸ್ತಾನದಲ್ಲಿ ಮನುಷ್ಯತ್ವ ಮರೆಯಾಗಿದೆ ಕ್ರೌರ್ಯ ತಾಂಡವಾಡುತ್ತಿದೆ ಅಜ್ಞಾನ ಅವಿವೇಕ ಪ್ರದರ್ಶನವಾಗುತ್ತಿದೆ. ಇದರಿಂದ ಹೊರಬರಲು ಅವರಿಗೆ ನಿಜವಾದ ಮಹಮ್ಮದ್ ಪೈಗಂಬರ್ ಕುರಾನ್ ಇಸ್ಲಾಂ ತತ್ವವನ್ನು ಬೋಧಿಸುವ ಉತ್ತಮ ಧಾರ್ಮಿಕರು ಅವಶ್ಯಕವಾಗಿದೆ ಎಂದರು.

ಹಳ್ಳಿಗಳ ಪ್ರಗತಿಯಾಗಲೆಂದು ಶ್ರೀಮಠದಿಂದ ಎಚ್.ರೊಪ್ಪ ಗ್ರಾಮಕ್ಕೆ ಎರಡು ಲಕ್ಷ ರು. ಚೆಕ್‌ನ್ನು ಹಸ್ತಾಂತರ ಮಾಡಲಾಯಿತು.

ಕಾರ್ಮಿಕ ದಿನಾಚರಣೆ ಪ್ರಯುಕ್ತ ಹೊಸದುರ್ಗ ಕಾರ್ಮಿಕ ಸಂಘದ ಅಧ್ಯಕ್ಷರಾದ ರಂಗಸ್ವಾಮಿ ಅವರನ್ನು ಶ್ರೀಮಠದಿಂದ ಸನ್ಮಾನಿಸಲಾಯಿತು. ಕಸಾಪ ಅಧ್ಯಕ್ಷ ಓಂಕಾರಪ್ಪ, ಮುಖಂಡರಾದ ಬಿ.ಎಸ್.ದ್ಯಾಮಣ್ಣ. ಕೋಡಿಹಳ್ಳಿ ತಮ್ಮಣ್ಣ. ಸಮಾಜದ ಅಧ್ಯಕ್ಷರಾದ ಕಲ್ಕೆರೆ ಶೇಖರಪ್ಪ. ಉಪಾಧ್ಯಕ್ಷರಾದ ಧರಣಪ್ಪ. ಕಾರ್ಯದರ್ಶಿ ತಣಿಗೆಕಲ್ಲು ಲೋಕಣ್ಣ. ನಿವೃತ್ತ ಶಿಕ್ಷಕರಾದ ತಣಿಗೇಕಲ್ಲು ತಿಪ್ಪೇಸ್ವಾಮಿ. ಪುರಸಭೆ ಮಾಜಿ ಅಧ್ಯಕ್ಷ ಶ್ರೀನಿವಾಸ್. ಕುಂಚಶ್ರೀ ಸಂಗಮೇಶ್ವರ ಮಹಿಳಾ ಸಂಘದ ಪದಾಧಿಕಾರಿಗಳು. ಸಂಗಮೇಶ್ವರ ಸಮುದಾಯ ಭವನ ಸಮಿತಿಯ ಪದಾಧಿಕಾರಿಗಳು ಭಾಗವಹಿಸಿದ್ದರು.