ಆರೋಪ ಸುಳ್ಳಾದರೆ ದೂಡಾ ಸ್ಥಾನ ತ್ಯಜಿಸಲಿ: ಶಿವಕುಮಾರ

ಕನ್ನಡಪ್ರಭ ವಾರ್ತೆ ದಾವಣಗೆರೆ

ನಗರದಲ್ಲಿ ಬುಧವಾರ ಮಾಧ್ಮಗೋಷ್ಠಿಯಲ್ಲಿ ಮಾತನಾಡಿ, ಹಿಟ್ ಅಂಡ್ ರನ್ ಮನಸ್ಥಿತಿಯ ದಿನೇಶ್‌ ಶೆಟ್ಟಿ ನನ್ನ ವಿರುದ್ಧ ಸುಳ್ಳು ಆರೋಪ ಮಾಡಿದ್ದು, ಸ್ವತಃ ನಾನು ನಮ್ಮೆಲ್ಲಾ ಕಾರ್ಯಕರ್ತರು ದೂಡಾ ಆಯುಕ್ತರನ್ನು ಭೇಟಿ ಮಾಡಿ, ನನ್ನ ಹಾಗೂ ನನ್ನ ಕುಟುಂಬ ಸದಸ್ಯರ ಹೆಸರಿಗೆ ಕಾನೂನುಬಾಹಿರವಾಗಿ ಯಾವುದೇ ನಿವೇಶನ ಪಡೆದಿದ್ದರೆ ಮಾಹಿತಿ, ಕಡತ ನೀಡುವಂತೆ, ಪಡೆದಿಲ್ಲವೆಂದರೆ ಹಿಂಬರಹ ನೀಡುವಂತೆ ಮನವಿ ಮಾಡಿದ್ದೇನೆ ಎಂದರು.

ದೂಡಾದಿಂದ ಶಾಬನೂರು ಗ್ರಾಮದ ರಿ.ಸ.ನಂ.127-1 ಬಿ ಮತ್ತು 127-2 ಎಬಿಸಿ ನಲ್ಲಿರುವ ಸ್ವಾಮಿ ವಿವೇಕಾನಂದ ಬಡಾವಣೆಯ ಪಾರ್ಕ್ 1984ರಲ್ಲೇ ಅನುಮೋದನೆಯಾದ ಲೇಔಟ್‌ನಲ್ಲಿರುವ 210-80 ಅಡಿ ಅಳತೆಯ ಪಾರ್ಕನ್ನು ಹಾಲಿ ದೂಡಾ ಅಧ್ಯಕ್ಷ ದಿನೇಶ ಶೆಟ್ಟಿ ಖಾಸಗಿ ವ್ಯಕ್ತಿಗಳಿಗೆ ಏಕ ನಿವೇಶನ ಮಾಡಿಕೊಟ್ಟಿದ್ದು ಯಾವ ಕಾರಣಕ್ಕೆಂಬುದುನ್ನು ಬಹಿರಂಗಪಡಿಸಲಿ ಎಂದು ಕಿಡಿಕಾರಿದರು.

ಬಿಜೆಪಿ ಮುಖಂಡರಾದ ರಮೇಶ ನಾಯ್ಕ, ಶಿವನಗೌಡ ಪಾಟೀಲ, ನವೀನಕುಮಾರ, ಹರೀಶ, ರವಿಕುಮಾರ, ಹನುಮಂತ, ಪುಲಯ್ಯ, ಟಿಂಕರ್ ಮಂಜಣ್ಣ, ಹೊರಗೂರ ರವೀಶ, ಬಾಲಚಂದ್ರ ಶ್ರೇಷ್ಠಿ, ಪರಶುರಾಮ, ರಾಜು ನೀಲಗುಂದ, ಕುಂದುವಾಡ ಮಂಜು, ರಾಹುಲ್, ಪ್ರಜ್ವಲ್, ರಾಜು ಇತರರು ಇದ್ದರು.

ಹಿಂದೂ ಕಾರ್ಯಕರ್ತರ ಬಗ್ಗೆ ಹಗುರವಾಗಿ ದಿನೇಶ್‌ ಶೆಟ್ಟಿ ಮಾತನಾಡಿದ್ದು, ವಿಧಾನಸೌಧದ ಅಂಗಳದಲ್ಲಿ ಪಾಕಿಸ್ತಾನ ಪರ ಜೈಕಾರ ಹಾಕಿದ, ದಾವಣಗೆರೆಯಲ್ಲಿ ಹಿಂದೂಗಳ ಹತ್ಯೆಗೆ ಕರೆ ನೀಡಿದ್ದ ಕಾಂಗ್ರೆಸ್ಸಿನ ಪಾಲಿಕೆ ಮಾಜಿ ಸದಸ್ಯ, ಹಿಂದೂ ದೇವರುಗಳ ಫ್ಲೆಕ್ಸ್ ಹರಿದು ಹಾಕಿದ್ದ ಮತಾಂಧ ಮುಸ್ಲಿಮರ ಪರ ದಿನೇಶ್‌ ಶೆಟ್ಟಿಯಂತಹವರು ಇದ್ದಾರೆ. ದಾವಣಗೆರೆಯಲ್ಲಿ ಅಕ್ರಮ ಬಾಂಗ್ಲಾ ವಲಸಿಗರಿದ್ದರೂ ಕಾಂಗ್ರೆಸ್ಸಿಗರು ಮೌನ ವಹಿಸಿದ್ದಾರೆ. ಕಾಂಗ್ರೆಸ್ ಪಕ್ಷವೇ ಕೋಮುವಾದಿ ಪಕ್ಷವಾಗಿದೆ ಎಂದು ಶಿವಕುಮಾರ ಕಿಡಿಕಾರಿದರು.