ಗ್ಯಾರಂಟಿ ಹಣ ನೀಡದಿದ್ದರೆ ಸರ್ಕಾರ ಕ್ಷಮೆ ಕೇಳಲಿ: ಕುಮಾರಸ್ವಾಮಿ ಆಗ್ರಹ

ಕನ್ನಡಪ್ರಭ ವಾರ್ತೆ ಕನಕಪುರ

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸುಳ್ಳು ಭರವಸೆಗಳನ್ನು ನೀಡಿ ಅಧಿಕಾರಕ್ಕೆ ಬಂದ ಕಾಂಗ್ರೆಸ್‌ ಸರ್ಕಾರ ಗ್ಯಾರಂಟಿ ಯೋಜನೆಗಳನ್ನು ಸಮರ್ಪಕವಾಗಿ ನೀಡದೆ ಒಂದೆಡೆ ಜನತೆಯನ್ನು ವಂಚಿಸುತ್ತಿದ್ದರೆ, ಮತ್ತೊಂದೆಡೆ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ ಎಂಬ ಬಿಳಿಯಾನೆ ಮಾತ್ರ ಹಣದ ಹೊಳೆ ಹರಿಸಿ ಸಾಕುತ್ತಿದೆ. ಕಳೆದ ನಾಲ್ಕು ತಿಂಗಳಿಂದಲೂ ಗೃಹಲಕ್ಷ್ಮೀ, ಅನ್ನ ಭಾಗ್ಯದ ಹಣ ನೀಡದೆ ವಂಚಿಸಿದೆ. ಸಾರಿಗೆ ಇಲಾಖೆಗೂ ಹಣದ ಬಾಕಿ ಪಾವತಿಸಿಲ್ಲ. ಆದರೆ ಸಮಿತಿಯನ್ನು ಮಾತ್ರ ಐಷಾರಾಮಿ ಕೊಠಡಿ, ಸವಲತ್ತು ನೀಡಿ ಸಾಕುತ್ತಿದೆ. ಜನರಿಗೆ ಈ ಸಮಿತಿಯಿಂದ ನಯಾ ಪೈಸೆಯೂ ಪ್ರಯೋಜನವಿಲ್ಲ. ಇಂತಹ ಸಮಿತಿಗೆ ಹಣದ ಹೊಳೆ ಹರಿಸಿ ಸರ್ಕಾರಿ ಕಾರ್ಯಕ್ರಮಗಳಲ್ಲಿ ಪ್ರೋಟೋ ಕಾಲ್ ನಿಯಮಾವಳಿಯಲ್ಲಿ ಸ್ಥಾನಮಾನ ನೀಡಿ ಮೆರೆಸುತ್ತಿರುವುದರ ಔಚಿತ್ಯವೇನು ಎಂದು ಪ್ರಶ್ನಿಸಿದರು.

ರಾಜ್ಯ ರೈತ ಸಂಘದ ಸಂಚಾಲಕರಾದ ಚೀಲೂರು ಮುನಿರಾಜು ಮಾತನಾಡಿ, ರಾಜ್ಯ ಸರ್ಕಾರ ದಿವಾಳಿಯಾಗಿದ್ದು, ಇಲಾಖೆಗಳಿಗೆ ಹಣದ ಬಾಕಿ ಇರಿಸಿಕೊಂಡು ಹೆಣಗಾಡುತ್ತಿದೆ. ಅಭಿವೃದ್ಧಿ ಎಂಬುದು ಮರೀಚಿಕೆಯಾಗಿದೆ. ರೈತರ ಹೆಸರಿನಲ್ಲಿ ಅಧಿಕಾರಕ್ಕೆ ಬಂದು ರೈತರ ಬದುಕಿಗೆ ಭದ್ರ ಬುನಾದಿ ಹಾಕುವ ಯಾವುದೇ ಯೋಜನೆಗಳನ್ನು ಜಾರಿಗೆ ತರದೇ ಕೇವಲ ಬೂಟಾಟಿಕೆ ಹೇಳಿಕೊಂಡು ಕಾಲ ಕಳೆಯುತ್ತಿದೆ ಎಂದು ವಾಗ್ದಾಳಿ ನಡೆಸಿದರು.