ಸಾಮಾಜಿಕ ನ್ಯಾಯ ನಮ್ಮಿಂದ ಕಿತ್ತುಕೊಂಡಾಗಲಷ್ಟೇ ಅದರ ಬೆಲೆ ಗೊತ್ತಾಗುತ್ತದೆ

ಕನ್ನಡಪ್ರಭ ವಾರ್ತೆ ಮೈಸೂರು

ನಗರದ ರಂಗಾಯಣವು ಆಯೋಜಿಸಿರುವ ಬಹುರೂಪಿ ರಾಷ್ಟ್ರೀಯ ನಾಟಕೋತ್ಸವವನ್ನು ಮಂಗಳವಾರ ವನರಂಗದಲ್ಲಿ ಉದ್ಘಾಟಿಸಿ ಮಾತನಾಡಿದ ಅವರು, ಬಿಡುಗಡೆ ಎಂಬ ಶಬ್ಧ ಕೆಟ್ಟ ಪದದಂತೆ ಕೇಳಿಸುತ್ತಿದೆ. ದೇಶ ಹಾಗೂ ಸಂಸ್ಕೃತಿಗೆ ಇದು ದುರದೃಷ್ಟಕರ ಸಂದರ್ಭ ಎಂದು ವಿಷಾದಿಸಿದರು.

ಕರ್ನಾಟಕವು ರಾಷ್ಟ್ರಕ್ಕೆ ರಂಗಭೂಮಿ ಅಪೂರ್ವವಾದ ಕೊಡುಗೆ ನೀಡಿದೆ. ಅದಕ್ಕೆ ಬಿ.ವಿ. ಕಾರಂತ, ಕೆ.ವಿ. ಸುಬ್ಬಣ್ಣ ಅಂತಹವರು ಕಾರಣ. ಭಾರತೀಯ ರಂಗಭೂಮಿಗೆ ರಾಜ್ಯವು ನೀಡಿರುವ ಕೊಡುಗೆಯನ್ನು ಎನ್ಎಸ್‌ ಡಿಯಲ್ಲಿ ಕಲಿತವರೂ ಸೇರಿದಂತೆ ದೇಶದ ಎಲ್ಲಾ ರಂಗಕರ್ಮಿಗಳು ಮಕ್ಕಳಂತೆ ಸಂಭ್ರಮಿಸುತ್ತೇವೆ ಎಂದರು.

ಪ್ರಕಾಶ್‌ ರಾಜ್ ಅವರ ನಿರ್ದಿಗಂತದಲ್ಲಿ ಎರಡು ದಿನ ಕಳೆದೆ. ಅಲ್ಲಿ ರಂಗಭೂಮಿ ಕಲಿತವರಿಗೆ ಜೀವನ ಭದ್ರತೆಯನ್ನು ಕೊಡುವುದಲ್ಲದೇ, ಸ್ವಾತಂತ್ರ್ಯವನ್ನು ನೀಡಿದೆ. ಅಲ್ಲಿ ಹೆಜ್ಜೆ ಹಾಕುತ್ತಿದ್ದಾಗ, ಕಾರಂತರ ಪ್ರತಿಮೆಯೂ ಬಂತು. ಪ್ರಕಾಶ್‌ ರಾಜ್ ಅವರು ಪ್ರತಿಮೆಯ ಮುಟ್ಟಿ ‘ಇದು ನಮ್ಮ ಕಾರಂತರು’ ಎಂದರು, ಅದನ್ನು ಮರೆಯಲಾರೆ ಎಂದರು.

----

ಇತಿಹಾಸವನ್ನು ತಿರುಚುವ ಕೆಲಸ ನಡೆಯುತ್ತಿದೆ. ತಮ್ಮದೇ ದೃಷ್ಟಿಕೋನಗಳನ್ನು ಸಮಾಜದಲ್ಲಿ ನೆಲೆಗೊಳಿಸಲಾಗುತ್ತಿದೆ. ಮುಂದಿನ ತಲೆಮಾರು ಇತಿಹಾಸ ಓದುವಾಗ ತಪ್ಪು ಮಾಡಿದವರನ್ನು ಮರೆಯಬಹುದು. ಆದರೆ, ಮೌನವಾಗಿದ್ದವರನ್ನು ಎಂದೂ ಕ್ಷಮಿಸುವುದಿಲ್ಲ.