ಭಾರತ ಅವಕಾಶಗಳ ಹೆಬ್ಬಾಗಿಲು: ಉಪ ರಾಷ್ಟ್ರಪತಿ ಜಗದೀಪ್ ಧನಕರ್

ಕನ್ನಡಪ್ರಭ ವಾರ್ತೆ ಮಂಡ್ಯ

ನಾಗಮಂಗಲ ತಾಲೂಕು ಬಿಜಿಎಸ್ ನಗರದಲ್ಲಿರುವ ಆದಿ ಚುಂಚನಗಿರಿ ವಿಶ್ವವಿದ್ಯಾಲಯದ ಆಡಿಟೋರಿಯಂನಲ್ಲಿ ಆಯೋಜಿಸಿದ್ದ ಸಂವಾದ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಹಿಂದೆ ದೇಶದಲ್ಲಿ ಭ್ರಷ್ಟಾಚಾರ ಹೆಚ್ಚಾಗಿತ್ತು. ಈಗ ಅದಕ್ಕೆಲ್ಲಾ ಕಡಿವಾಣ ಹಾಕಿದೆ. ಯುವಜನರು, ವಿದ್ಯಾರ್ಥಿಗಳ ಆಸೆ-ಕನಸುಗಳನ್ನು ನನಸು ಮಾಡಿಕೊಳ್ಳಲು ಉತ್ತಮ ಸದಾವಕಾಶ ಒದಗಿಸಲಾಗಿದೆ. ಈಗ ಅವಕಾಶಗಳ ವ್ಯಾಪ್ತಿಯನ್ನು ವಿಸ್ತಾರಗೊಳಿಸಲಾಗಿದೆ. ಇದನ್ನು ಸದುಪಯೋಗಪಡಿಸಿಕೊಂಡು ಮಹತ್ತರವಾದ ಕೊಡುಗೆ ನೀಡಲು ಎಲ್ಲರೂ ಸಂಕಲ್ಪ ಮಾಡುವಂತೆ ಕಿವಿಮಾತು ಹೇಳಿದರು.

‘ವಸುದೈವ ಕುಟುಂಬಕಂ’ ತತ್ವದಡಿ ಎಲ್ಲರೂ ನಡೆಯಬೇಕು. ಐದು ಸಾವಿರ ವರ್ಷಗಳ ಹಿಂದಿನ ತತ್ವಶಾಸ್ತ್ರ ಜಾಗತಿಕ ಶಾಂತಿ ಮತ್ತು ಶಾಂತಿಯ ಸಂದೇಶವನ್ನು ಸಾರುತ್ತಿದೆ. ಅದನ್ನು ಎಂದಿಗೂ ಹಾಳುಮಾಡಬಾರದು. ಕೆಲವರು ಇದನ್ನೇ ವಿನಾಶ ಎಂದು ಪರಿಭಾವಿಸಿದ್ದಾರೆ. ಇದು ತಪ್ಪುಕಲ್ಪನೆ ಎಂದು ಸಮಜಾಯಿಸಿ ನೀಡಿದರು.

ವಿವೇಕಾನಂದರು ಹೇಳುವಂತೆ ‘ಏಳಿ ಎದ್ದೇಳಿ ಗುರಿಮುಟ್ಟುವ ತನಕ ನಿಲ್ಲದಿರಿ’ ಎಂಬ ಮಾತಿನಂತೆ ಒಳ್ಳೆಯ ಕೆಲಸ ಮಾಡುವುದಕ್ಕೆ ಹಿಂಜರಿಕೆ ಬೇಡ. ಏಕೆಂದರೆ ನಾವು ವಿಕಸಿತ ಭಾರತದತ್ತ ಮುನ್ನಡೆಯುತ್ತಿದ್ದೇವೆ. ಅದಕ್ಕಾಗಿ ದೇಶದ ಯುವಜನರು ಮಹತ್ವದ ಕೊಡುಗೆ ನೀಡುವುದಕ್ಕೆ ಸಜ್ಜಾಗಬೇಕು ಎಂದರು.