ಕುಸುಮಾವತಿಯೇ ಸೌಜನ್ಯ ತಾಯಿನಾ?: ತನಿಖೆಗೆ ಆಗ್ರಹ

ಕನ್ನಡಪ್ರಭ ವಾರ್ತೆ ಬೆಳ್ತಂಗಡಿ:

ಈ ಕುರಿತು ಅವರು ವಿಶೇಷ ತನಿಖಾ ದಳಕ್ಕೆ (ಎಸ್‌ಐಟಿ) ಮನವಿ ಹಾಗೂ ಬೆಳ್ತಂಗಡಿ ತಹಸೀಲ್ದಾರ್‌ ಹಾಗೂ ಪುತ್ತೂರು ಸಹಾಯಕ ಆಯುಕ್ತರಿಗೆ ದೂರು ಸಲ್ಲಿಸಿದ್ದಾರೆ. ಧರ್ಮಸ್ಥಳ ಗ್ರಾಮದ ಪಾಂಗಳ ಎಂಬಲ್ಲಿರುವ ಸ.ನಂ. 171/1ಪಿ1 (0.40 ಎಕ್ರೆ), 175/ಪಿ1 (0.25 ಎಕ್ರೆ) ಮತ್ತು 171/ಪಿ1 (1.97 ಎಕ್ರೆ) ಸ್ಥಿರಾಸ್ತಿಗಳು ಮೂಲತಃ ಸರ್ಕಾರಿ ಜಮೀನುಗಳಾಗಿರುತ್ತವೆ. ಈ ಜಮೀನುಗಳು ಅಕ್ರಮ-ಸಕ್ರಮ ಯೋಜನೆಯಡಿ ಇಂದಿರಾವತಿ ಚಂದಪ್ಪಗೌಡ ಎಂಬವರಿಗೆ 2015ರಲ್ಲಿ ಮಂಜೂರಾಗಿದೆ. ಆದರೆ ಜಮೀನುಗಳು ವಾಸ್ತವದಲ್ಲಿ ಕುಸುಮಾವತಿ ಎಂಬವರ ಸ್ವಾಧೀನದಲ್ಲಿರುತ್ತವೆ. ಇಂದಿರಾವತಿ ಎಂಬ ಹೆಸರಿನ ಯಾವುದೇ ಮಹಿಳೆ ಪಾಂಗಳ ಪರಿಸರದಲ್ಲಿ ವಾಸವಾಗಿರುವುದಿಲ್ಲ ಎಂದು ಕಿಶೋರ್‌ ಮನವಿ ಪತ್ರದಲ್ಲಿ ತಿಳಿಸಿದ್ದಾರೆ.

ನಮೂನೆ 53ರ ಪ್ರಕಾರ ಇಂದಿರಾವತಿ ಜನಿಸಿದ್ದು 1967ರಲ್ಲಿ. ಆಧಾರ್ ದಾಖಲೆ ಪ್ರಕಾರ ಕುಸುಮಾವತಿ ಜನಿಸಿದ್ದು 1978. ಇಬ್ಬರ ನಡುವೆ ಸುಮಾರು 11 ವರ್ಷಗಳ ವ್ಯತ್ಯಾಸವಿದ್ದು, ಇವರು ಒಬ್ಬರೇ ವ್ಯಕ್ತಿಯಾಗಿರಲು ಸಾಧ್ಯವಿಲ್ಲ. ಮಾತ್ರವಲ್ಲದೆ ಪಡಿತರ ಚೀಟಿಯ ಪ್ರಕಾರ ಕುಸುಮಾವತಿ ಜನಿಸಿದ್ದು 1981. ಇದು ಅವರದ್ದೇ ಆಧಾರ್ ದಾಖಲೆಗೂ ಹೊಂದಿಕೆಯಾ ಗುವುದಿಲ್ಲ. ಹೀಗಿದ್ದರೂ ಕುಸುಮಾವತಿ ಅವರು ಕುಸುಮಾವತಿ ಯಾನೆ ಇಂದಿರಾವತಿ ಎಂದು ತಾನು ಮತ್ತು ಇಂದಿರಾವತಿ ಒಬ್ಬರೇ ಎಂಬುದಾಗಿ ಪ್ರಮಾಣಪತ್ರ (ಅಫಿಡವಿಟ್) ಹಾಗೂ ಇತರ ದಾಖಲೆಗಳನ್ನು ಸಲ್ಲಿಸಿರುತ್ತಾರೆ ಎಂದು ಕಿಶೋರ್‌ ತಿಳಿಸಿದ್ದಾರೆ.

ಇಂದಿರಾವತಿ ಮತ್ತು ಕುಸುಮಾವತಿ ಬೇರೆ ಬೇರೆ ವ್ಯಕ್ತಿಗಳೇ? ಈ ಮೇಲೆ ತಿಳಿಸಿರುವ ದಾಖಲೆಗಳ ಪ್ರಕಾರ ಇಬ್ಬರೂ ಒಂದೇ ವ್ಯಕ್ತಿಯಾಗಲು ಸಾಧ್ಯವಿಲ್ಲ. ಇಂದಿರಾವತಿ ಮತ್ತು ಕುಸುಮಾವತಿ ಅವರಿಗೆ ದಿ.ಚಂದಪ್ಪ ಗೌಡರೊಂದಿಗಿನ ಸಂಬಂಧವೇನು? ವಯಸ್ಸಿನ ಅಂತರ /ವ್ಯತ್ಯಾಸಗಳ ಕಾರಣಕ್ಕೆ, ಸೌಜನ್ಯ ಮತ್ತು ಸೌಮ್ಯ ಇವರ ನಿಜವಾದ ತಾಯಿ ಯಾರು ಎಂಬ ಸಂಶಯವಿದೆ. ಇಂದಿರಾವತಿ ಈಗ ಎಲ್ಲಿದ್ದಾರೆ? ಅವರು ಜೀವಂತವಿದ್ದಾರೆಯೇ? ಮರಣ ಹೊಂದಿದ್ದರೆ ಅದರ ದಿನಾಂಕ, ಸ್ಥಳ, ಕಾರಣ ಹಾಗೂ ಮರಣ ನೋಂದಣಿ ಆಗಿದೆಯೇ? ಕಾಣೆಯಾಗಿದ್ದರೆ ಯಾವಾಗಿನಿಂದ, ಮತ್ತು ಕಾಣೆಯಾದ ಬಗ್ಗೆ ದೂರು ದಾಖಲಾಗಿದೆಯೇ? ಇಂದಿರಾವತಿ ಹೆಸರಿನಲ್ಲಿ 1999ರಲ್ಲಿ ಅರ್ಜಿ ಸಲ್ಲಿಸಿದ ವ್ಯಕ್ತಿ ಯಾರು? 2015ರಲ್ಲಿ ಮಂಜೂರಾತಿ ಪಡೆದ ವ್ಯಕ್ತಿ ಯಾರು? ಮಂಜೂರಾತಿ ಪ್ರಕ್ರಿಯೆಯಲ್ಲಿ ಯಾವುದೇ ಅಧಿಕಾರಿ/ನೌಕರರು ಶಾಮೀಲಾಗಿದ್ದಾರೆಯೇ? ಕುಸುಮಾವತಿಯವರು ಸೌಜನ್ಯಳ ನಿಜವಾದ ತಾಯಿ ಅಲ್ಲದಿದ್ದರೂ, ಜನರ ಸಹಾನುಭೂತಿ ಪಡೆಯುವ ಉದ್ದೇಶದಿಂದ ತಾನು ಅವಳ ತಾಯಿ ಎಂದು ಬಿಂಬಿಸಿಕೊಳ್ಳುತ್ತಿದ್ದಾರೆಯೇ? ಈ ಮೇಲಿನ ಜಮೀನಿನ ವಿಚಾರಕ್ಕಾಗಿ ಸೌಜನ್ಯಳ ಕೊಲೆಯನ್ನು ಮಾಡಿಸಲಾಯಿತೇ? ಈ ವಿಚಾರಗಳಲ್ಲಿ ವಿಠಲ ಗೌಡರ ಪಾತ್ರದ ಬಗ್ಗೆ ಕೂಲಂಕುಷ ತನಿಖೆ ನಡೆಸಬೇಕು ಎಂದು ಮನವಿಯಲ್ಲಿ ಆಗ್ರಹಿಸಲಾಗಿದೆ.ಕುಸುಮಾವತಿ ಸೌಜನ್ಯಾ ತಾಯಿ ಎಂಬುದರಲ್ಲಿ ಶಂಕೆ ಇಲ್ಲ: ಎಸ್‌ಐಟಿ: