ಗುಂಡ್ಲುಪೇಟೆಯಲ್ಲಿ ರಾಜಧನ ಸೋರಿಕೆಗೆ ಜಿಲ್ಲಾ ಸಮಿತಿಯೇ ಸಾಥ್?

ಇದ್ದೂ ಇಲ್ಲದಂತಾದ ಖನಿಜ ತನಿಖಾ ಠಾಣೆ । ವಾರದಿಂದ ಸ್ಥಗಿತ । ಹೋಂ ಗಾರ್ಡ್‌ ನೇಮಿಸಲು ವಾರಗಟ್ಟಲೆ ಭೂ ವಿಜ್ಞಾನ ಇಲಾಖೆಯಿಂದ ಸಮಯ ವ್ಯರ್ಥಕನ್ನಡಪ್ರಭ ವಾರ್ತೆ ಗುಂಡ್ಲುಪೇಟೆ

ಜಿಲ್ಲಾ ಟಾಸ್ಕ್ ಪೋರ್ಸ್ ಸಮಿತಿ ಮೈಸೂರು-ಊಟಿ ಹೆದ್ದಾರಿಯ ಹಿರೀಕಾಟಿ ಬಳಿ ಖನಿಜ ತನಿಖಾ ಠಾಣೆ ಆರಂಭಕ್ಕೆ ಕನ್ನಡಪ್ರಭ ವರದಿಯೇ ಪ್ರಮುಖ ಕಾರಣ. ಆದರೆ ಆರಂಭವಾದ ಖನಿಜ ತನಿಖಾ ಠಾಣೆ ತಿಂಗಳ ಮೊದಲ ವಾರದ ಆರಂಭದಲ್ಲಿ ಹೋಂ ಗಾರ್ಡ್‌ಗಳ ಬದಲಾವಣೆ ಆಗಬೇಕಿತ್ತು. ಆದರೆ ಹೋಂ ಗಾರ್ಡ್‌ ನೇಮಕವಾಗಲು ವಾರಗಟ್ಟಲೆ ಸಮಯ ತೆಗೆದುಕೊಳ್ಳುತ್ತಿದೆ ಜಿಲ್ಲಾ ಮತ್ತು ಭೂ ವಿಜ್ಞಾನ ಇಲಾಖೆ.

ರಾಜ ಮಾರ್ಗ:

ಖನಿಜ ತನಿಖಾ ಠಾಣೆ ಇದ್ದರೂ ಇಲ್ಲದಂತಾಗಿದೆ. ಹೋಂ ಗಾರ್ಡ್‌ಗಳು ಟಿಪ್ಪರ್‌ಗಳ ತಡೆದು ನಿಲ್ಲಿಸಿ ತಪಾಸಣೆ ನಡೆಸುತ್ತಿಲ್ಲ. ರಾಜಧನ ವಂಚಿಸಲು ತುದಿಗಾಲ ಮೇಲೆ ನಿಂತ ಕೆಲ ಕ್ರಷರ್‌ ಮಾಲೀಕರು ರಾಜಧನ ವಂಚಿಸುತ್ತೇವೆ ಎಂದವರಿಗೆ ಈ ಚೆಕ್‌ಪೋಸ್ಟ್‌ ರಾಜ ಮಾರ್ಗವಾಗಿದೆ.

ಕ್ವಾರಿಯ ಕಚ್ಚಾ ವಸ್ತುಗಳು ಹಾಗೂ ಕ್ರಷರ್ ಉತ್ಪನ್ನಗಳ ಸಾಗಾಣಿಕೆ ಪರ‍್ಮಿಟ್/ಎಂಡಿಪಿ ಇಲ್ಲದೆ ಹಾಗೂ ಪರ‍್ಮಿಟ್ ಅರ್ಧಕ್ಕರ್ಧ ಹಾಕಿ ಹೆಚ್ಚಾಗಿ ಎಂಡಿಪಿ ಇಲ್ಲದೆ ಟಿಪ್ಪರ್‌ಗಳಲ್ಲಿ ಹಗಲು ರಾತ್ರಿ ಲೂಟಿಯಾಗುತ್ತಿದೆ. ಇದಕ್ಕೆ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯೇ ಕಾರಣವಾಗಿದೆ

ತಾಲೂಕಿನ ಹಿರೀಕಾಟಿ ಅಕ್ರಮ ಗಣಿಗಾರಿಕೆ ಸದ್ದು, ಕೋಟ್ಯಂತರ ಬಾಕಿ ಹಾಗೂ ಹಿರೀಕಾಟಿ ಬಳಿಯ ಖನಿಜ ತನಿಖಾ ಠಾಣೆ ಇಲ್ಲದಿರುವ ಬಗ್ಗೆ ಜಿಲ್ಲಾಧಿಕಾರಿ ಗಮನ ಹರಿಸುತ್ತಿಲ್ಲ. ಹಿರೀಕಾಟಿ ಕ್ವಾರಿಯಲ್ಲಿ ಅಕ್ರಮ ಗಣಿಗಾರಿಕೆ ಎಗ್ಗಿಲ್ಲದೆ ನಡೆಯುತ್ತಿದೆ. ಕೋಟ್ಯಂತರ ಬಾಕಿ ಇರುವ ಮಂದಿಗೆ ಲೀಸ್ ಕೊಟ್ಟಿದ್ದಾರೆ. ಮತ್ತೆ ಬಾಕಿ ಇರುವ ಮಂದಿಗೆ ಲೀಸ್ ಕೊಡಲು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಹೇಳಿದೆ ಎನ್ನಲಾಗಿದೆ.