ಸುಸಂಸ್ಕೃತ ಸಮಾಜಕ್ಕಾಗಿ ಶ್ರಮಿಸುತ್ತಿರುವ ಜನಜಾಗೃತಿ ವೇದಿಕೆ: ಶಿವರಾಮ ಹೆಬ್ಬಾರ

ಗಾಂಧಿ ಸ್ಮರಣೆ, ಜನಜಾಗೃತಿ ಸಮಾವೇಶ ಉದ್ಘಾಟಿಸಿದ ಶಾಸಕಕನ್ನಡಪ್ರಭ ವಾರ್ತೆ ಯಲ್ಲಾಪುರ

ಶನಿವಾರ ಪಟ್ಟಣದ ರೈತ ಸಭಾಭವನದಲ್ಲಿ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ, ಯಲ್ಲಾಪುರ, ಮುಂಡಗೋಡು, ಶಿರಸಿ ಜಿಲ್ಲೆ, ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆ ಹಾಗೂ ಜಿಲ್ಲಾ ಜನಜಾಗೃತಿ ವೇದಿಕೆ ಆಶ್ರಯದಲ್ಲಿ ಹಮ್ಮಿಕೊಂಡ ಗಾಂಧಿ ಸ್ಮರಣೆ ಮತ್ತು ಬೃಹತ್ ಜನಜಾಗೃತಿ ಸಮಾವೇಶ ಉದ್ಘಾಟಿಸಿ ಮಾತನಾಡಿದರು.

ಅಧ್ಯಕ್ಷತೆ ವಹಿಸಿದ್ದ ಶಿರಸಿ ಜಿಲ್ಲಾ ಜನಜಾಗೃತಿ ವೇದಿಕೆಯ ಅಧ್ಯಕ್ಷ ಕಾಳಿಂಗರಾಜ್ ಎಂ.ಎಸ್. ಮಾತನಾಡಿ, ಒಂದು ಕುಟುಂಬ ಸುವ್ಯವಸ್ಥಿತವಾಗಿ ಬದುಕಬೇಕಾದರೆ ಮಹಿಳೆಯರ ಪಾತ್ರ ಮಹತ್ವದ್ದು, ಸ್ವಸ್ಥ ಸಮಾಜ ನಿರ್ಮಾಣದಲ್ಲಿ ಜನಜಾಗೃತಿ ವೇದಿಕೆ ಮಹತ್ವದ ಪಾತ್ರ ವಹಿಸುತ್ತಿದೆ. ೨೦೦೦ದ ಮದ್ಯವರ್ಜನ ಶಿಬಿರವನ್ನು ಸದ್ಯದಲ್ಲಿಯೇ ನಡೆಸಲಾಗುತ್ತಿದೆ. ಪೂಜ್ಯ ಹೆಗ್ಗಡೆಯವರ ಮಾರ್ಗದರ್ಶನದಲ್ಲಿ ಗಾಂಧೀಜಿಯವರ ಕನಸನ್ನು ನನಸಾಗಿಸುವ ಕಾರ್ಯ ಮಾಡಲಾಗುತ್ತಿದೆ ಎಂದರು.

ಯೋಜನೆಯ ಜಿಲ್ಲಾ ನಿರ್ದೇಶಕ ದಿನೇಶ ಎಂ. ಆಶಯ ಮಾತನಾಡಿ, ಸಮಾಜವನ್ನು ದುಶ್ಚಟದಿಂದ ಮುಕ್ತವಾಗಿಸುವ ಉದ್ದೇಶದಿಂದ ರಾಜ್ಯದೆಲ್ಲೆಡೆ ಜನಜಾಗೃತಿ ವೇದಿಕೆ ಕಾರ್ಯ ಮಾಡುತ್ತಿದೆ. ಈಗಾಗಲೇ ೧೯೯೫ ಮದ್ಯವರ್ಜನ ಶಿಬಿರ ಮಾಡಲಾಗಿದೆ. ಅಲ್ಲದೇ ೧.೫೦ ಕೋಟಿ ಸಾಲ ನೀಡಲಾಗಿದೆ. ೧.೩೩ ಲಕ್ಷ ಜನರನ್ನು ಕುಡಿತದಿಂದ ರಕ್ಷಣೆ ಮಾಡಲಾಗಿದೆ. ೧೦೭೪ ಶಿಕ್ಷಕರನ್ನು ನೇಮಿಸಿ ಅವರ ಸಂಬಳಕ್ಕಾಗಿ ೨೯ ಕೋಟಿ ಖರ್ಚು ಮಾಡಲಾಗಿದೆ ಎಂದು ಸಂಸ್ಥೆಯ ವಿವರವಾದ ಮಾಹಿತಿ ನೀಡಿದರು.

ಯಲ್ಲಾಪುರ ಸೇವಾ ಪ್ರತಿನಿಧಿ ಬಳಗ ದೇವಗೀತೆ ಪ್ರಸ್ತುತಪಡಿಸಿದರು. ಜಿಲ್ಲಾ ನಿರ್ದೇಶಕ ರವಿ ಭಟ್ಟ ಬರಗದ್ದೆ ಸ್ವಾಗತಿಸಿದರು. ಯೋಜನಾಧಿಕಾರಿ ಸಂತೋಷ ಎಂ. ನಿರ್ವಹಿಸಿದರು. ಜಿಲ್ಲಾ ಸದಸ್ಯ ಬಸವರಾಜ ನಡುವಿನಮನೆ ವಂದಿಸಿದರು.