ದಲ್ಲಾಳಿಗಳ ಹಾವಳಿ ತಪ್ಪಿಸಲು ಜೆಡಿಎಸ್ ಒತ್ತಾಯ

ಗದಗ: ಜಿಲ್ಲೆಯಲ್ಲಿ ಬೆಳೆ ವಿಮೆಗಾಗಿ ರೈತರು ಪರದಾಡುತ್ತಿದ್ದು, ಬೆಳೆ ವಿಮೆ ಹಣ ಕೊಡಿಸುವ ನೆಪದಲ್ಲಿ ಲೂಟಿ ಮಾಡುತ್ತಿರುವ ದಲ್ಲಾಲಿಗಳ ಹಾವಳಿ ತಪ್ಪಿಸುವಂತೆ ಒತ್ತಾಯಿಸಿ ಜೆಡಿಎಸ್ ನಿಯೋಗದಿಂದ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಲಾಯಿತು.

ಸಾಲ ಕೊಡಿಸುವುದರಲ್ಲಿ ದಲ್ಲಾಳಿಗಳು, ತಮ್ಮ ಸರಕು ಮಾರುಕಟ್ಟೆಯಲ್ಲಿ ರೈತರು ಬ್ಯಾಂಕಿನಲ್ಲಿ ಸಾಲ ಪಡೆಯಬೇಕೆಂದರೆ ದಲ್ಲಾಳಿಗಳು, ಬೆಳೆದ ಬೆಳೆ ಮಾರಬೇಕಂದರೆ ದಲ್ಲಾಳಿಗಳು, ವಿಮೆ ಹಣ ಪಡೆಯಲು ದಲ್ಲಾಳಿಗಳು, ಈ ದಲ್ಲಾಳಿಗಳಿಂದ ರೈತರು ಶೋಷಣೆಗೆ ಒಳಗಾಗುತ್ತಿದ್ದಾರೆ. ಈ ಬಗ್ಗೆ ಸರ್ಕಾರ ಕ್ರಮ ವಹಿಸಬೇಕು. ತಕ್ಷಣ ಈ ದಲ್ಲಾಳಿಗಳ ಹಾವಳಿ ತಡೆಗಟ್ಟಬೇಕು ಎಂದು ಒತ್ತಾಯಿಸಿದರು.