ದಾವಣಗೆರೆಯಲ್ಲಿ ಕಳಾ ಮಂದಿರ್ ನೂತನ ಶೋ ರೂಂ

- ಡೆಂಟಲ್ ಕಾಲೇಜು ರಸ್ತೆಯಲ್ಲಿ 82ನೇ ನೂತನ ಮಳಿಗೆ ಉದ್ಘಾಟಿಸಿದ ನಟಿ ಸಪ್ತಮಿ ಗೌಡ - - -

ಭಾರತದ ಹೆಸರಾಂತ ಸಾಯಿ ಸಿಲ್ಕ್ಸ್ ಕಳಾ ಮಂದಿರ್ ಲಿಮಿಟೆಡ್‌ನ ದಾವಣಗೆರೆಯ ಡೆಂಟಲ್ ಕಾಲೇಜು ರಸ್ತೆಯಲ್ಲಿ ಶುಕ್ರವಾರ ನೂತನ ಮಳಿಗೆ 82ನೇ ಕಳಾ ಮಂದಿರ್ ಶೋ ರೂಂ ಅನ್ನು ಕಾಂತಾರ ಸಿನಿಮಾ ಖ್ಯಾತಿಯ ನಟಿ ಸಪ್ತಮಿ ಗೌಡ ಉದ್ಘಾಟಿಸಿದರು.

20 ವರ್ಷಗಳ ಯಶಸ್ವಿ ರಿಟೇಲ್ ವ್ಯಾಪಾರ ಪಯಣವನ್ನು ಪೂರೈಸಿರುವ ಕಳಾ ಮಂದಿರ್, ಗುಣಮಟ್ಟ, ಅಪರಿಮಿತ ಸಂಗ್ರಹಣೆ ಮತ್ತು ಗ್ರಾಹಕಸ್ನೇಹಿ ದರದ ಮೂಲಕ ದಕ್ಷಿಣ ಭಾರತದಲ್ಲಿ ಖ್ಯಾತಿ ಗಳಿಸಿದೆ. ದಾವಣಗೆರೆಯ ಹೊಸ ಶೋ ರೂಮ್‌ನಲ್ಲಿ ಸಿಲ್ಕ್ ಸೀರೆಗಳು, ಫ್ಯಾನ್ಸಿ ಸೀರೆಗಳು, ರೆಡಿಮೇಡ್ ಉಡುಪುಗಳು, ಪುರುಷರ ಉಡುಪುಗಳು ಹಾಗೂ ಮಕ್ಕಳ ಉಡುಪುಗಳ ವಿಶೇಷ ಸಂಗ್ರಹಣೆಯನ್ನು ಒಂದೇ ಸೂರಿನಡಿ ಒದಗಿಸಲಾಗಿದೆ ಎಂದರು.

ಈ ಸಂದರ್ಭದಲ್ಲಿ ಸಂಸ್ಥೆಯ ಮೋಹನ್ ಚಲವಾದಿ, ಸಿಇಒ ಭಾರದ್ವಾಜ್, ಇತರರು ಇದ್ದರು.

(ಬಾಕ್ಸ್‌) * ಕನ್ನಡ, ತಮಿಳಿನಲ್ಲಿ ಎರಡು ಸಿನಿಮಾ ಸಿದ್ಧಗೊಳ್ಳುತ್ತಿವೆ ನಾನು ನಾಯಕಿಯಾಗಿ ನಟಿಸಿರುವ ಕನ್ನಡ, ತಮಿಳಿನಲ್ಲಿ ಎರಡು ಸಿನಿಮಾ ಸಿದ್ಧಗೊಳ್ಳುತ್ತಿವೆ. ಫೋಟೋ ಶೂಟ್ ಎಲ್ಲಾ ಆಗಿದೆ. ಇನ್ನೂ ಹೆಸರು ಇಟ್ಟಿಲ್ಲ. ಚಿತ್ರ ತಂಡವೇ ಜೂನ್ ತಿಂಗಳಿನಲ್ಲಿ ಸಿನಿಮಾ ಹೆಸರನ್ನು ಪ್ರಚಾರ ಮಾಡಲಿದೆ. ಈ ಹಿಂದೆ ಡಾಲಿ ಧನಂಜಯ ಅಭಿನಯದ ಹೆಡ್ ಬುಷ್ ಸಿನಿಮಾ ಪ್ರಮೋಷನ್‌ಗೆ ಬಂದಿದ್ದೆ. ಆಗಲೂ ದಾವಣಗೆರೆ ಜನ ತುಂಬಾ ಪ್ರೀತಿ ಕೊಟ್ಟಿದ್ದರು. ಈಗ ಮತ್ತೆ ದಾವಣಗೆರೆಗೆ ಬಂದೀದಿನಿ, ಈಗಲೂ ಸಹ ಅಷ್ಟೇ ಪ್ರೀತಿಯನ್ನು ಕೊಡುತ್ತಿದ್ದಾರೆ. ದಾವಣಗೆರೆ ಬೆಣ್ಣೆ ದೋಸೆಯನ್ನು ಇನ್ನೂ ತಿಂದಿಲ್ಲ. ಬೆಣ್ಣೆದೋಸೆ ತಿಂದು ನಾನು ಹೋಗುವೆ ಎಂದು ನಟಿ ಸಪ್ತಮಿ ಗೌಡ ಹೇಳಿದರು.

-22ಕೆಡಿವಿಜಿ37: ಸಪ್ತಮಿ ಗೌಡ