ಸಂಕಟ ಎದುರಿಸುವ ಸಾಮರ್ಥ್ಯ ಕನ್ನಡಕ್ಕಿದೆ

ಗದಗ:

ನಗರದ ತೋಂಟದ ಸಿದ್ಧಲಿಂಗಶ್ರೀ ಕನ್ನಡ ಭವನದಲ್ಲಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ನಿಂದ ನವೆಂಬರ್‌ ಕನ್ನಡ ತಿಂಗಳಿನ ಅಂಗವಾಗಿ ಜಿಲ್ಲೆಯಾದ್ಯಂತ ಜರುಗುವ ಕನ್ನಡ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.

ಪ್ರಾಚಾರ್ಯ ಡಾ. ರಮೇಶ ಕಲ್ಲನಗೌಡರ ಶತಮಾನ ಕಂಡ ನಾಡಗೀತೆ ಕುರಿತು ಮಾತನಾಡಿ, ಕುವೆಂಪು ವಿರಚಿತ ಜಯ ಭಾರತ ಜನನಿಯ ತನುಜಾತೆ ಗೀತೆ ರಚನೆಯಾಗಿ ನೂರು ವರ್ಷ ಸಂದಿವೆ. ದೇಶದ ವೈಶಿಷ್ಟ್ಯ ಹೇಳುತ್ತಾ ಕನ್ನಡ ನಾಡಿನ ಹಿರಿಮೆ, ಗರಿಮೆ ಬಿಂಬಿಸುವ ಈ ಗೀತೆ ಸಮಕಾಲೀನ ಸಂದರ್ಭಕ್ಕೆ ಸೂಕ್ತವಾಗಿದೆ. ಸರ್ವಜನಾಂಗ ಶಾಂತಿಯ ತೋಟವನ್ನಾಗಿ ಕರ್ನಾಟಕವನ್ನು ನೋಡುವ ಆಶಯವನ್ನು ಹೊಂದಿದೆ. ಕರ್ನಾಟಕ ಏಕೀಕರಣದ ಸಂದರ್ಭದಲ್ಲಿ ಹುಯಿಲಗೋಳ ನಾರಾಯಣರಾಯರು ವಿರಚಿತ ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು ಗೀತೆ ಕೂಡಾ ಆ ಕಾಲದಲ್ಲಿ ನಾಡಗೀತೆಯ ಸ್ವರೂಪವನ್ನು ಪಡೆದುಕೊಂಡು ಕನ್ನಡಿಗರೆಲ್ಲರೂ ಒಂದುಗೂಡಿಸುವ ಪ್ರಯತ್ನ ಮಾಡಿತು. ಇದು ಕಾವ್ಯಕ್ಕಿರುವ ಶಕ್ತಿಯಾಗಿದೆ. ಮೈಸೂರು ಅರಸರ ಸಂಸ್ಥಾನವು ಕೂಡಾ ನಾಡಗೀತೆ ಹೊಂದಿತ್ತು ಎಂದು ತಿಳಿಸಿದರು.

ಜಿಲ್ಲಾ, ತಾಲೂಕು ಹಾಗೂ ಹೋಬಳಿ ಘಟಕಗಳ ಆಶ್ರಯದಲ್ಲಿ ಜಿಲ್ಲೆಯಾದ್ಯಂತ 70 ಕಾರ್ಯಕ್ರಮಗಳನ್ನು ನವೆಂಬರ್‌ ತಿಂಗಳಲ್ಲಿ ಆಯೋಜಿಸಲಾಗಿದೆ ಎಂದರು.

ಕೆ.ಎಚ್. ಬೇಲೂರ, ಚಂದ್ರಶೇಖರ ವಸ್ತ್ರದ, ರಶ್ಮಿ ಅಂಗಡಿ, ಶಿವಪ್ಪ ಕುರಿ, ಸಿ.ಕೆ.ಎಚ್. ಶಾಸ್ತ್ರಿ, ಅಂದಾನೆಪ್ಪ ವಿಭೂತಿ, ಅನ್ನದಾನಿ ಹಿರೇಮಠ, ಪಿ.ಎಚ್. ಕಡಿವಾಲ, ಗಿರಿಜಕ್ಕ ಧರ್ಮರೆಡ್ಡಿ, ರತ್ನಕ್ಕ ಪಾಟೀಲ, ಬೂದಪ್ಪ ಅಂಗಡಿ, ಮಹಾಂತೇಶ ದೊಡ್ಡಮನಿ, ಉಮಾ ಕಣವಿ, ಶಿವಾನಂದ ಭಜಂತ್ರಿ, ಬಿ.ಬಿ. ಪಾಟೀಲ, ಮಹೇಶ ಶಟವಾಜಿ, ನಾಗಪ್ಪ ಸುರಳಿಕೇರಿ, ದಾನಯ್ಯ ಗಣಾಚಾರಿ, ರಮೇಶ ಹುಲಕುಂದ, ದೇವೇಂದ್ರ ನಾಯಕ, ಬಸವರಾಜ ವಾರಿ, ಮಂಜುಳಾ ಹಾಸಲಕರ, ಆರ್.ಜಿ. ಹಾಸಲಕರ, ಎ.ಎಚ್. ಮುದರಡ್ಡಿ, ಜೆ.ಎ. ಪಾಟೀಲ, ಬಿ.ಕೆ. ನಿಂಬನಗೌಡರ, ಕೆ.ಎಸ್. ಪಲ್ಲೇದ, ಶಶಿಕಾಂತ ಕೊರ್ಲಹಳ್ಳಿ, ಜ್ಯೋತಿ ಹೇರಲಗಿ, ಪಾರ್ವತಿ ಬೇವಿನಮರದ, ಎಸ್.ಎ. ಬಾಣದ, ಸುಜಾತಾ ವಾರದ, ನೀಲಮ್ಮ ಅಂಗಡಿ ಸೇರಿದಂತೆ ಇತರರು ಇದ್ದರು.