ಕನ್ನಂಡ, ಸೋಮೆಯಂಡ, ಕೊಂಗೆಟೀರ ಭರ್ಜರಿ ಜಯಬೇರಿ

ದುಗ್ಗಳ ಸದಾನಂದ

ಇಲ್ಲಿನ ಕೆಪಿಎಸ್ ಶಾಲೆಯ ಜನರಲ್ ಕೆ.ಎಸ್. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗಿರುವ ಕೊಡವ ಕೌಟುಂಬಿಕ ಹಾಕಿ ಟೂರ್ನಿಯ ಚೇನಂಡ ಕಪ್ ಹಾಕಿ ಪಂದ್ಯಾವಳಿಯಲ್ಲಿ ಮಂಗಳವಾರ ಕನ್ನಂಡ ಬಲ್ಟಿಕಾಳಂಡ ತಂಡದ ವಿರುದ್ಧ 6-0 ಅಂತರದಿಂದ, ಸೋಮೆಯಂಡ ಗಾಡಂಗಡ ವಿರುದ್ಧ 5-0 ಅಂತರದಿಂದ, ಕೊಂಗೆಟೀರ ಬಡ್ಡೀರ ವಿರುದ್ಧ 5-0 ಅಂತರದಿಂದ ಭರ್ಜರಿ ಜಯಬೇರಿ ಬಾರಿಸಿದವು. ಕನ್ನಂಡ ತಂಡದಾಟಗಾರರಾದ ನಾಚಪ್ಪ-2, ಕಾವೇರಪ್ಪ-2, ರೋಹನ್-1, ಬೋಪಣ್ಣ-1 ಗೋಲುಗಳಿಸಿ ತಂಡದ ಭರ್ಜರಿ ಗೆಲುವಿಗೆ ಕಾರಣರಾದರು. ಮುಕ್ಕಾಟಿರ (ಪುಲಿಕೋಟು) ಮತ್ತು ಸುಳ್ಳಿಮಾಡ ತಂಡಗಳು ವಾಕ್ ಓವರ್ ಗಳಿಸಿದವು.ಉಳಿದಂತೆ ಚಿಮ್ಮಣಮಾಡ ಕನ್ನಿಕಂಡ ವಿರುದ್ಧ 2-1ರಿಂದ , ಕುಲ್ಲೇಟೀರ ಮುಂಡೋಟಿರ ವಿರುದ್ಧ 3-0ರಿಂದ ಗೆಲುವು ಪಡೆದರು. ಚಂಗುಲಂಡ ಆಪಾಡಂಡ ವಿರುದ್ಧ 3-0ರಿಂದ ಜಯಸಾಧಿಸಿದರೆ, ಪಳಂಗಂಡ ಪಾಲಂದೀರ ವಿರುದ್ಧ 2-0 ಅಂತರದಿಂದ, ಮುಂಡಿಯೋಳಂಡ ಅಲ್ಲಾರಂಡ ವಿರುದ್ಧ 2-1ರಿಂದ, ಶಿವಚಾಳಿಯಂಡ ಕರ್ತಚೀರ ವಿರುದ್ಧ 2-0ರಿಂದ ಹಾಗೂ ಮೈಂದಪಂಡ ಕೇತಿರ ವಿರುದ್ಧ 2-0 ಅಂತರದಿಂದ ಜಯಸಾಧಿಸಿದವು.ಅಜ್ಜಮಾಡ ವಿರುದ್ಧ ಮಣವಟ್ಟೀರ 0-4 ರಿಂದ, ಬೇಪಡಿಯಂಡ ವಿರುದ್ಧ ಕೇಲೇಟಿರ 0-1 ರಿಂದ, ಬಿದ್ದಾಟಂಡ ಚಪ್ಪಂಡ ವಿರುದ್ದ 3-4ರಿಂದ, ಮಲ್ಲಾಜಿರ ಮುಕ್ಕಾಟಿರ (ಕುಂಜಿಲಗೇರಿ) ವಿರುದ್ಧ 0-2ರಿಂದ ಪಾಡೆಯಂಡ ಬಾದುಮಂಡ ವಿರುದ್ಧ 2-3ರಿಂದ ಗೆಲುವು ಸಾಧಿಸಿದವು.

ಅರ್ಜುನ ಪ್ರಶಸ್ತಿ ವಿಜೇತ ಮಾಜಿ ಒಲಂಪಿಯನ್ ಎಂ.ಎಂ.ಸೋಮಯ್ಯ ಮಂಗಳವಾರ ಪಂದ್ಯಾವಳಿಯಲ್ಲಿ ಪಾಲ್ಗೊಂಡು ಮನೆಯಪಂಡ ತಂಡದ ಆಟಗಾರರನ್ನು ಹುರಿದುಂಬಿಸಿದರು.

ಇಂದಿನ ಪಂದ್ಯಗಳು:9ಕ್ಕೆ ಕೊಂಗಂಡ ಮತ್ತು ಮೊಳ್ಳೇರ

3 ಕ್ಕೆ ವಾಟೇರಿರ ಮತ್ತು ಕಾಳೆಂಗಡ3:30ಕ್ಕೆ ಮತ್ರಂಡ ಮತ್ತು ಕಾಂಡೇರ ಮೈದಾನ 39ಕ್ಕೆ ಅಲ್ಲಪಂಡ ಮತ್ತು ತೀತಿಮಾಡ10 ಕ್ಕೆ ಚೌರೀರ (ಹೊದ್ದೂರ್) ಮತ್ತು ಚೇಂದ್ರಿಮಾಡ (ನಾಂಗಾಲ)11ಕ್ಕೆ ಅಜ್ಜಿನಂಡ ಮತ್ತು ಚೌರೀರ (ಹೊದವಾಡ)12ಕ್ಕೆ ಐತಿಚಂಡ ಮತ್ತು ಪುಗ್ಗೇರ2ಕ್ಕೆ ಮೂಕಳಮಾಡ ಮತ್ತು ಪೋರಂಗಡ3ಕ್ಕೆ ಅಪ್ಪಂಡೇರಂಡ ಮತ್ತು ಮೇದುರ3:30ಕ್ಕೆ ಕಲ್ಲುಮಾಡಂಡ ಮತ್ತು ಮೇವಡ