ಕವಿತಾಕೃಷ್ಣರ ಅಗಲಿಕೆ ತುಂಬಲಾರದ ನಷ್ಟ: ಬಾಲಾಜಿ

ಕನ್ನಡಪ್ರಭ ವಾರ್ತೆ ತುಮಕೂರು

ನಗರದ ಶ್ರೀ ಸಿದ್ಧಾರ್ಥ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಕನ್ನಡ ಜಾನಪದ ಪರಿಷತ್ ಬೆಂಗಳೂರು, ತುಮಕೂರು ಜಿಲ್ಲಾ ಕನ್ನಡ ಜಾನಪದ ಪರಿಷತ್, ಶ್ರೀ ಸಿದ್ಧಾರ್ಥ ಶಿಕ್ಷಣ ಸಂಸ್ಥೆ ಹಾಗೂ ಶ್ರೀ ಸಿದ್ಧಾರ್ಥ ಪ್ರಥಮ ದರ್ಜೆ ಕಾಲೇಜಿನ ಸಹಯೋಗದಲ್ಲಿ ಜರುಗಿದ ವಿದ್ಯಾವಾಚಸ್ಪತಿ ಡಾ. ಕವಿತಾ ಕೃಷ್ಣರವರ ನುಡಿನಮನ ಕಾರ್ಯಕ್ರಮದಲ್ಲಿ ಪುಷ್ಪನಮನ ನೆರವೇರಿಸಿ ಮಾತನಾಡಿದರು.

ಬಾಹ ರಮಾಕುಮಾರಿ ಮಾತನಾಡಿ, ಕವಿತಾಕೃಷ್ಣರಂತಹ ಗುರುಗಳನ್ನು ಕಳೆದುಕೊಂಡಿರುವುದು ಸಾಹಿತ್ಯಲೋಕದ ದುರಾದೃಷ್ಟವೆಂದರು. ಅವರ ಬಗ್ಗೆ ಎರಡು ಮತುಗಳಲ್ಲಿ ಹೇಳಿ ಮುಗಿಸಲಾಗದು, ಸೂರ್ಯನಿಗೆ ಕನ್ನಡಿ ಹಿಡಿದಂತೆ ಅಷ್ಟೇ ಈ ಮಾತುಗಳು, ತುಮಕೂರಿಗೆ ಅಥವಾ ರಾಜ್ಯಕ್ಕೆ ಸೀಮಿತವಲ್ಲದೇ ಹೊರ ರಾಜ್ಯಗಳಲ್ಲೂ ವರ್ಚಸ್ಸು ಕಂಡವರು ಕವಿತಾಕೃಷ್ಣ ಗುರುಗಳು ಎಂದರು.

ಪತ್ರಕರ್ತರು ಹಾಗೂ ವಕೀಲರಾದ ಡಾ. ವಿಜಯಕೊಪ್ಪ ಮಾತನಾಡಿ, ಕಣ್ಮರೆಯಾಗಿರುವುದು ಗುರುಗಳ ದೇಹ ಮಾತ್ರ, ಅವರ ವ್ಯಕ್ತಿತ್ವ ಮತ್ತು ಕೊಡುಗೆ ನಮ್ಮೊಂದಿಗೆ ಇದೆ ಎಂದರು, ತುಮಕೂರು ಜಿಲ್ಲಾಧಿಕಾರಿಗಳು ಹಾಗೂ ಜಿಲ್ಲಾ ಸಚಿವರು ಅವರ ಹೆಸರು ಅಜರಾಮರವಾಗುವ ನಿಟ್ಟಿನಲ್ಲಿ ಕೆಲಸ ಮಾಡಬೇಕು ಎಂದು ಮನವಿ ಮಾಡಿದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಶ್ರೀ ಸಿದ್ಧಾರ್ಥ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಹೇಮಲತಾ ಪಿ, ಗುರು ಶಿಷ್ಯ ಪರಂಪರೆಯ ಹಿರಿಯರಲ್ಲಿ ಹಿರಿತನವನ್ನು ಮೆರೆದವರು ಕವಿತಾಕೃಷ್ಣ, ತಮ್ಮ ಹವ್ಯಾಸಗಳು ಹೇಗಿರಬೇಕು ಎಂಬುದಕ್ಕೆ ಈಗಿನ ಯುವ ಸಮುದಾಯಕ್ಕೆ ವಿದ್ಯಾರ್ಥಿಗಳಿಗೆ ಈ ಕಾರ್ಯಕ್ರಮ ಕೈಗನ್ನಡಿಯಾಗಿದೆಯೆಂದರು.