ಕೆ.ಎಚ್. ಪಾಟೀಲ ದಿಗ್ಗಜ ರಾಜಕಾರಣಿ: ಬಸವರಾಜ ರಾಯರಡ್ಡಿ

ಶಿರೂರು ಗ್ರಾಮದಲ್ಲಿ ಮಾಜಿ ಸಚಿವ ಕೆ.ಎಚ್. ಪಾಟೀಲ ಕಂಚಿನ ಮೂರ್ತಿ ನಿರ್ಮಾಣಕ್ಕೆ ಶಿಲಾನ್ಯಾಸ

ತಾಲೂಕಿನ ಶಿರೂರು ಗ್ರಾಮದಲ್ಲಿ ಜಲಸಂಪನ್ಮೂಲ ಇಲಾಖೆ, ಕರ್ನಾಟಕ ನೀರಾವರಿ ನಿಗಮ ನಿಯಮಿತ ಶಿರೂರು ಪುನರ್ವಸತಿ ಗ್ರಾಮದಲ್ಲಿ ಜರುಗಿದ ಮಾಜಿ ಸಚಿವ ಕೆ.ಎಚ್. ಪಾಟೀಲರ ಕಂಚಿನ ಮೂರ್ತಿ ನಿರ್ಮಾಣಕ್ಕೆ ಶಿಲಾನ್ಯಾಸ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಶಿರೂರು 72 ಎಕರೆ, ವೀರಾಪೂರ 108 ಎಕರೆ, ಅರಕೇರಿ 40 ಎಕರೆ ಪ್ರದೇಶ ಮುಳುಗಡೆ ಆಗಿದೆ. ಆಗಿನ ಸಿಎಂ ಧರ್ಮಸಿಂಗ್ ಅವರಿಂದ ₹ 6 ಕೋಟಿ ಮಂಜೂರು ಮಾಡಿಸಿದೆ. ಜನರಿಗೆ ನೇರ ಹಣ ಬಂತು. 2012ರಲ್ಲಿ ಪುನರ್ವಸತಿ ಗ್ರಾಮಗಳ ಸಂಪೂರ್ಣ ಮೂಲಭೂತ ಸೌಕರ್ಯಕ್ಕೆ ಅನುದಾನ ನೀಡಲಾಗಿದೆ. ಇಲ್ಲಿಯ ಜನರು ಹಳೆ ಗ್ರಾಮಗಳನ್ನು ಬಿಟ್ಟು ಪುನರ್ವಸತಿ ಗ್ರಾಮಕ್ಕೆ ಬಂದು ಮನೆ ನಿರ್ಮಾಣ ಮಾಡಿಕೊಳ್ಳಬೇಕು ಎಂದರು.

ಕರ್ನಾಟಕದಲ್ಲಿ ಕೆ.ಎಚ್. ಪಾಟೀಲ ಅವರದು ದೊಡ್ಡ ವ್ಯಕ್ತಿತ್ವ. ಅವರ ಆದರ್ಶ ಸಮಾಜಕ್ಕೆ ಬೇಕು. ಇನ್ನೂ ಮೂರು ತಿಂಗಳಲ್ಲಿ ಕಂಚಿನ ಮೂರ್ತಿ ನಿರ್ಮಾಣ ಆಗುತ್ತದೆ ಎಂದರು.

ಇಲಾಖೆ ಅಧಿಕಾರಿ ರಾಘವೇಂದ್ರ ಜೋಶಿ ಪ್ರಾಸ್ತಾವಿಕವಾಗಿ ಮಾತನಾಡಿದರು.