ವಿಜೃಂಭಣೆಯ ಕೊಡೇಕಲ್ ಬಸವೇಶ್ವರ ಜಾತ್ರಾ ಮಹೋತ್ಸವ

ಕನ್ನಡಪ್ರಭ ವಾರ್ತೆ ಕೊಡೇಕಲ್‌

ಸಂಜೆ ಪಲ್ಲಕ್ಕಿಗಳ ಕಳಸಹಾರೋಹಣ, ಅಷ್ಟವಿಧಾರ್ಚನೆಯೊಂದಿಗೆ ಪೂಜೆ, ಭಜನಾಸೇವೆ ನೇರವೇರಿ ಸೋಮವಾರ ವೈಭವದ ಜೋಡು ಪಲ್ಲಕ್ಕಿಗಳ ಮೆರವಣಿಗೆಯೊಂದಿಗೆ ಜಾತ್ರಾ ಮಹೋತ್ಸವವು ಸಂಪನ್ನಗೊಂಡಿತು. ಕಾಲಜ್ಞಾನಿ ಬಸವೇಶ್ವರ ಮಂದಿರದಿಂದ ಐಕ್ಯ ಸ್ಥಳ ಮಂದಿರ (ಪ್ಯಾಟಿ ಗುಡಿ)ದವರೆಗೆ ಜೋಡು ಪಲ್ಲಕ್ಕಿಗಳ ಉತ್ಸವದ ಮೆರವಣಿಗೆಯೊಂದಿಗೆ ಕೊಡೇಕಲ್ ಬಸವ ಪರಂಪರೆಯ ಮಹಲಿನ ಮಠದ ಪೂಜ್ಯ ವೃಷಬೇಂದ್ರ ಶ್ರೀಗಳ ಸಾನಿಧ್ಯದಲ್ಲಿ, ರಾಜಾ ಮನೆತನದ ರಾಜಾ ಜಿತೇಂದ್ರ ನಾಯಕ ಜಾಹಗೀರದಾರ, ರಾಜಾ ವೆಂಕಟಪ್ಪನಾಯಕ ಜಹಾಗೀರದಾರ ಅವರ ಸಮ್ಮುಖದಲ್ಲಿ ಹಾಗೂ ಜನಪ್ರತಿನಿಧಿಗಳ, ಗಣ್ಯ ಮಾನ್ಯರು, ತಾಲುಕಾ ತಹಶೀಲ್ದಾರ ಬಸಲಿಂಗಪ್ಪ ನಾಯ್ಕೋಡಿ, ಹಾಗೂ ಗ್ರಾಮಾಡಳಿತ ಅಧಿಕಾರಿಗಳೊಂದಿಗೆ ಗ್ರಾ.ಪಂ. ಸಿಬ್ಬಂದಿಗಳ ಉಪಸ್ಥಿತಿಯಲ್ಲಿ ಅತ್ಯಂತ ಸಂಭ್ರಮದಿಂದ ಜರುಗಿತು.